Nuumeru 1:3 - Emakhuwa Bible

³ Nyuwo ni Aharoni ngwaalikele asilopwana ootheene oolikana orumeela okhottoni, okhuma a iyaakha miloko miili woorowa ohoolo, muttharihaka okawanyeyawaya.

Nuumeru 1:3 Iomraidhean Croise

2 Samuweli 24:9

Yowabe aamuthalihera mwene waatta wa anakhotto oYixrayeli. Vano oYixrayeli yaari asilopwana 800 000 yaawera owanano ekatana ni oYuda asilopwana 500 000.

1 Nyaha 5:18

Ipuumba sa Rubeni, Gadi ni eriyari ya epuumba ya Manaxe, saakhalano anakhotto 44 760, oowera ovarela exikudu* ni ekatana, ovarela muteko muura, ni ooxuttihiweene owana ekhotto.

2 Nyaha 25:5

Amaziya aahaathukumanyiha asilopwana a oYuda, attharihaka imusisaya, aahaathanla asitokweene a anakhotto macira muloko ni a ncira wa oYuda ni oBenyamini wootheene. Vano, aawaalikela asilopwana ootheene yaarino opwaha iyaakha miloko miili, ni aahoona weera yaari asilopwana 300 000 oolikaneene owana, oowera ovarela nivaka ni ixikudu*.

Okhuma 12:17

Muupuwelele efesta eyo ya epaawu yoohikhalano eferementu, niwoko naari nihuku nenenenno Miyo khaakhuminghaaka anakhottwaanyu wExipitu. Muupuwelele nihuku nno ntoko nlamulo noohimala wa ikhapirasanyu sootheene.

Okhuma 30:14

Atthu ootheene alepeliwe a iyaakha miloko miili wookela muhoolo empakele Yave yooveleela.

Okhuma 38:26

Entaphulela weera khula mutthu aalepelingwe okhuma iyaakha miloko miili mpaka ohoolo aavaha ebeka* emoha (enoolikana exekeli* eriyari), ettharaka olemela wa exekeli* ya Nipuro Nootteela*. Vano waatta wa yaawo yaavanghe waapwexerera yaari atthu 603 550.

Nuumeru 14:29

Sinoomorela munikareni mittembo sa ootheene nyuwo, okhuma a iyaakha miloko miili woorowa ohoolo, yaalikeliwe munamalepelani ni akikhupannye.

Nuumeru 26:2

“Mumpake namalepela, a muloko wootheene wa aYixrayeli, muttharihaka imusisaya; ngwaalikele ootheene a iyaakha miloko miili woorowa ohoolo angwera orumeela mukhottoni mwa aYixrayeli.”

Nuumeru 3:15

“Ngwaalikele aLeevi mweemusinimwaya ni mahimo. Yaalikeliweke asilopwana ootheene a mweeri mmoha wa oyariwawaya woorowa ohoolo.”

Nuumeru 32:11

“Mweenre muhittharaka ni murima wookwanela, khakhalaru naari mutthu mmoha a iyaakha miloko miili woorowa ohoolo okhumme wExipitu anoone elapo kiroromelinghaaka munlipeloni wa Abrahaamu, Isaki ni Yakobe.

Nuumeru 33:1

Iya ti ihuhu sa mukwaha wa aYixrayeli ekhumelo wExipitu, otthariheleyaka okawanyeyawaya, ehooliwaka ni Moisesi ni Aharoni.

Nuumeru 4:3

ngwaalikele asilopwana ootheene okhuma a iyaakha miloko miraru mpaka iyaakha miloko mithanu – ootheene angwera orumeela Muheemani mwa Muthukumano.

Deuteronomiyo 24:5

Mulopwana athela vaanaanoru, ahirumihiwe okhottoni naari ahilamuliwe ovara muteko mukina. Owo akhaleke owaani eyaakheene yeeyo ootaphuweene amuhakalalihaka mwaarawe.

Deuteronomiyo 3:18

Ehuhuweene yeele kaahoolamulelasani ha: “Yave Mulukwaanyu ohoovahasani elapo ela weera mukuxe. Anakhottwaanyu ootheene oolikaneene owana elapuweleke ohoolo wa axunninyu aYixrayeli.