Nehemiya 9:35 - Emakhuwa Bible

³⁵ Yaarookhalaru moomwenenimwaya epuhaka oreerawanyu otokotoko, mweelaponi yoothanuwa ni yooruwereya mwaavanghaanyu, awosa khayoorumeenleni hata khayaahiya iphirosaya sootakhala.

Nehemiya 9:35 Iomraidhean Croise

Nehemiya 9:25

Yaawina isidade soolipaxa ni ilapo sa ethaadyira; yaakuxa impa soosareya sooreela; ihime soothimpwa; imatta sa iwuuva* ni sooliveira* ni nyiri soowiima sincipale. Yaahooca mpaka yaavona, enacihiwa, nnenesene epuhasaka wa onnenaanyu otokotoko.

Nehemiya 9:34

Mamwenaahu, asitokweenaahu, asaserdotaahu ni asitithihu khayaattharinghe Nlamulonanyu; khayiiwelenle soolamulelasanyu naari owoopererawanyu.

Yesaya 63:7

Kinimuuluma sa murima wooreera wa Yave, sa mitekosawe sootikhinihaxa – sootheene onipakenlaawe, aani itthu sooreera sincipale opakenlaawe ekhapira ya Yixrayeli niwoko na ikhararisawe ni murimaawe wooreera mutokotoko.

Yeremiya 5:19

“Vano awosa yaakohaka: ‘Yave Mulukwaahu onipakenleni itthu sootheene iya?’ vano ngweerelaseke: ‘Mooteene yoowo mukihingyaanyu murumeelaka miluku sikina mweelaponimwanyu, hiihotho munimwaarumeela anamarwa mweelaponimwaya.’

Ezekiyeli 5:6

Wa soothesene, mwa soonanarasaya, eyo yoovaanyera malamulowaaka ni ikanosaka opwaha miloko sikina sootheene sirukureenrewo. Eyo yookhootta malamulowaaka ni kheettharinghe ikanosaka.

Deuteronomiyo 28:47

Mweenre muhimurumeelaka ni otthapa munghakalalelaka Yave Mulukwaanyu mweehuhuni saaweettelaayani nnene,

Deuteronomiyo 28:48

vano nyuwosa mmwaarumeelase amwiittana aneeraawe oorumiheleni Yave, nyuwosa mureene mutalani ni muntthonani, moosiwani ni oohaawaxa. Owo anaahele nivatta na eyuuma muxikomwanyu mpaka aneeraawe oophwateeni.

Deuteronomiyo 31:21

Saarweelaka irisa ni makacamiho mancipale, ecipo ela enimwaakhalela onamoona, niwoko ekhapiraaya kheettiwala ela. Koosuwela sootthunasaya, kihinaayeru waavoleiha mweelaponi kaaroromelinghaaka ni nlipelo.”