Nehemiya 9:34 - Emakhuwa Bible

³⁴ Mamwenaahu, asitokweenaahu, asaserdotaahu ni asitithihu khayaattharinghe Nlamulonanyu; khayiiwelenle soolamulelasanyu naari owoopererawanyu.

Nehemiya 9:34 Iomraidhean Croise

2 Mamwene 17:13

Yave aahooperera oYixrayeli ni oYuda mwa maprofeetaawe ni anamooniheraawe* ootheene: “Muhiye iphirosanyu soonanara. Mwiiwelele ikanosaka ni malamulowaaka, muttharaka Nlamulo nootheene kaalamulenlaaka makholowaanyu wiiwelela ni koovanghaakani mwa arumeiyaaka maprofeeti.”

2 Mamwene 17:15

Yaakhootta ikanosawe ni wiiraana aapankaawe ni makholowaaya nitho soowoopererasawe. Yaatthara miluku soohimuteko ethatuwaka asineenaaya oohimuteko. Yaatakiha miloko saarukureenre, Yave aarooweerelaru: “Muhitakihe.”

2 Nyaha 29:6

Asitithihu khayaaroromeleiye; yaapakasa yoonanara vamaithoni wa Yave, Mulukwaahu, enamuhiyasa. Yaahuluxa ekhove vanipuroni omankaawe Yave, enamurerasa ettuli.

Ezera 9:10

Mene ii! Mulukwaahu, neereke hai mwaha wa itthusene seiye? Hiyo khaniiwelenle malamulo

Nehemiya 9:30

Wa iyaakha sincipale mwaahaavilela. Mwannawooperera mwa Munepaanyu ni mwa maprofeeti. Hata hiiho, khayaawiiwelelani moota wooweera mwaawinnyerera mmatatani mwa miloko soowaattamana.

Nehemiya 9:33

Mwaari oororomeleya mwa sootheene saanikhumelela. Mweettenle moota woororomeleya naaroohiroromeleyaru.

Nehemiya 9:35

Yaarookhalaru moomwenenimwaya epuhaka oreerawanyu otokotoko, mweelaponi yoothanuwa ni yooruwereya mwaavanghaanyu, awosa khayoorumeenleni hata khayaahiya iphirosaya sootakhala.

Yeremiya 29:19

Kinoopaka yeeyo, niwoko awosa khayaapwatthenle maswaaka,” onghima Yave, “masu kaarumihenlaaka mwa arumeiyaaka, maprofeeti. Ni nyuwosatho khampwatthenle!” onghima Yave.

Yeremiya 44:17

Ettiitthu nnoopaka sootheene nihimmaahu weera nnoopaka: nnoomuhisera erubani* pwiyamwene a wiirimu ni nnoomuyeehera soovaha sa soowura, ntoko nipankaahu hiyo, makholowaahu, mamwenaahu ni ahoolelaahu mmasidadeni sa oYuda ni mmiseweni sa oYerusaleemu. Ehuhuweene yeele naaruwera, naari ooweetteleya nnene nihihaawelaka etthu.

Yeremiya 44:4

Emaara ti emaara Miyo kannoorumihelani arumeiyaaka, maprofeeti, yeera: ‘Muhipake etthu ela ya mwiikho yoothanyeya!’

Ezekiyeli 5:6

Wa soothesene, mwa soonanarasaya, eyo yoovaanyera malamulowaaka ni ikanosaka opwaha miloko sikina sootheene sirukureenrewo. Eyo yookhootta malamulowaaka ni kheettharinghe ikanosaka.

Daniyeli 9:6

Khaniwiiwelenle arumeiyaanyu, maprofeeti yuulumme mwa Nsinananyu ni mamwenaahu, anamwanaaya ni asitithihu ni atthu ootheene a elapo.

Deuteronomiyo 31:21

Saarweelaka irisa ni makacamiho mancipale, ecipo ela enimwaakhalela onamoona, niwoko ekhapiraaya kheettiwala ela. Koosuwela sootthunasaya, kihinaayeru waavoleiha mweelaponi kaaroromelinghaaka ni nlipelo.”