Nehemiya 9:33 - Emakhuwa Bible

³³ Mwaari oororomeleya mwa sootheene saanikhumelela. Mweettenle moota woororomeleya naaroohiroromeleyaru.

Nehemiya 9:33 Iomraidhean Croise

Epacerero 18:25

Khoongwereya wa Nyuwo opaka etthweene yeeyo omuthorihela okhwa mutthu oohikhalano nthowa vamoha ni mutthu orino nthowa. Mooteene yoowo khoongwereya wa Nyuwo waapakela moota mmoha atthu oohikhalano nthowa ni ookhalano nthowa. Nyuwo muri Mphuki a elapo ya vathi yootheene, ontthuneya othoriha nnene.”

Ezera 9:15

Ii! Yave, Muluku a aYixrayeli, Nyuwo ti oororomeleya. Hiyo ninkhala olelo ntoko atthu ahalahanle. Hiyo nri vamaithoniwanyu ni nthowanahu nroosuwelaru weera khawowo a hiyo ongwera okhala vamaithoniwanyu ni nthowa nna.”

Nehemiya 9:34

Mamwenaahu, asitokweenaahu, asaserdotaahu ni asitithihu khayaattharinghe Nlamulonanyu; khayiiwelenle soolamulelasanyu naari owoopererawanyu.

Nehemiya 9:8

Mwaahoona weera murimaawe waari woororomeleya wa Nyuwo, mwaakhaliha wiiraana ni yoowo muroromelihaka ovaha ekhapiraawe ilapo sa aKanaani, aHiti, awAmori, aPerizi, aYebusi ni aGirgasi. Vano mookwanihera yoororomelihaanyu, niwoko ti oororomeleya.

Yobi 33:27

Vahoolowaya owo onrowa wa atthu, aneera: ‘Koottheka, kinapiritula yeeyo yaari yoowookoleleya, mene Owo khakivanghe yeeyo kaaphwanelaaka.

Yobi 34:23

Wa Muluku khoontthuneya ehuhu yincipale weera aaphime atthu ni aaronghe vamaithoniwawe weera aathorihe.

Icipo 106:6

Hiyo noottheka ntoko makholowaahu yaatthenkaaya; hiyo noopaka soonanara, nnakhala attiyamaaru.

Icipo 119:137

Yave, Nyuwo ti oororomeleya ni malamulowaanyu ti a ekhaikhai.

Icipo 145:17

Yave ti oororomeleya mphironimwawe moothemwene, asivelaka sootheene ompakaawe.

Okhuma 32:31

Moisesi aahokoleela wa Yave, anamweerela: “Ii! Muloko wootthekaxa! Wohiipakela miluku sa eyuuma yoorikaxa.

Yeremiya 12:1

Ii! Yave, khula emaara kinooruuhelaakani mulattu, Nyuwo munlakela ni ekhaikhai. Wa soothesene, kintthuna wuuluma ni Nyuwo mwaha wa ekhaikhayaanyu. Atakhali singweettelela heeni nnene? Anamavariha ootheene ahinkhalanela heeni milattu?

Yeremiya 44:3

niwoko na yoonanara apankaaya. Amakaaya aatannya isarasaka, ehisaka erubani* ni elapaka miluku sikina, mwa seiyo hata awosa, naari nyuwo hata makholowaanyu ahisuwenlaaya.

Icipo Soolalamika 1:18

Yave ti oororomeleya, vaheera miyo koovaanya olamulenlaawe. Nyuwosa miloko sootheene mwiiwe; ngwehe ohaawawaka. Amiravowaaka ni asimwalaaka aaronghiwa wootthukiwani.

Ezekiyeli 11:12

Hiiho, nyuwosa munoosuwela weera Miyo ti Yave, niwoko nyuwosa khamuttharinghe ikanosaka hata khamwiiwelenle malamulowaaka, mene muttharinghe makhalelo a miloko soorukureenreni.”