Nehemiya 9:32 - Emakhuwa Bible

³² Vano, Mulukwaahu ori Muluku Mutokweene, a ikuru ni oovuwaxa, mwa Yoowo onttittimiha wiiraanawawe wa osivela ni oosareya ikharari, mukhaleke oopwatthela othanana wootheene wu onirweenle hiyo, mamwenaahu, asitokweenaahu, asaserdotaahu, maprofeetaahu, asitithihu ni mulokwaanyu wootheene, okhuma mahuku a mamwene a wAsiriya mpaka olelo.

Nehemiya 9:32 Iomraidhean Croise

1 Mamwene 8:23

anavekela: “Ii! Yave, Muluku a aYixrayeli, khoowowo muluku mukina onlikana ni Nyuwo wiirmu hata elapo ya vathi. Nyuwo mookwanihera wiiraanawanyu wa osivela ni arumeiyaanyu, mwa yaawo anoorumeelani ni murima wootheene.

2 Mamwene 15:19

Vano Puli, mwene a wAsiriya, aavolowa mweelaponi ni Menahemi aamvaha italentu* macira muloko sa eparatha* weera amukhavihere ni weera aamutthunihere opwaherera olamula oYixrayeli.

2 Mamwene 15:29

Mweehuhuni ya olamula wa Peka, mwene a oYixrayeli, Tigelati-Pileseri, mwene a wAsiriya, aavolowa, anakuxa wIyoni, wAbeli-Beti-Mahaka, oYanowa, oKedexi ni oHazori. Aakuxatho oGiliyadi ni oGalileya vamoha ni elapo yootheene ya oNafitali, anaavara atthu aaronghaka wAsiriya.

2 Mamwene 17:23

mpaka Yave aawoomonlaawe vamaithoniwawe, ntoko aawooperenraawe mwa arumeiyaawe maprofeeti ootheene. Hiiho atthu a oYixrayeli yaavenxiwa mweelaponimwaya enaronghiwa elapo ya wAsiriya, mwa weiwo ankhalaayawo mpaka olelo.

2 Mamwene 17:3

Xalemaneseri, mwene a wAsiriya, aarowa omuwanano Hoxeya aari mpatta wa omwenaawe ni aamuliva musoko.

2 Mamwene 17:6

Mwene a wAsiriya aakuxa oSamariya vayaakhani yanaathannaaxexe ya olamula wa Hoxeya, anaavarela aYixrayeli wAsiriya. Aahaatekiha oHala, elapo ya oGozani, mukerekhere mooloko Habori ni mmittettheni sa oMedesi.

2 Mamwene 23:29

Yosiya areene mwene, Farawu* Neko, mwene a wExipitu, aarowa mpaka mooloko Efratesi weera amukhavihere mwene a wAsiriya. Mwene Yosiya aarowa weera angwaneno, mene Farawu* Neko aangwanano, anamwiiva Yosiya oMegidu.

2 Mamwene 25:7

Yaawiiva anamwane asilopwana a Zedekiya vamaithoniwawe, enazoola maithwaawe, enamutthuka ni onyooro wa ebronze*, enamurowano oBabiloniya.

Ezera 4:10

ni miloko sikina, mutokweene Axurbanipali oothaamiha anatekiha musidadeni mwa oSamariya ni ilapo sikina mweelaponi okhopela mooloko Efratesi.

Ezera 4:2

Awosa yaarowa wuuluma ni Zerubabeli ni mapwattapwattha, enaweerela: “Munitthunihere wookhaviherani oteka, niwoko ntoko nyuwosa hiyotho nnimulapa Mulukwaanyu ni ninnampakela sooveleela okhuma ehuhuweene yeele ya Esarehadoni, mwene a wAsiriya, mwa yoowo oniruuhale nno.”

Ezera 9:13

Seiyo sinikhumelenle ti niwoko na soopakasahu soonanara ni nthowanahu ntokotoko. Hata hiiho, Mulukwaahu, moonittaruxa vakhaani, ohiphiyeraka naaphwanelaahu, munivahaka ahalahanle ala.

Nehemiya 1:5

Vano kaaheera: “Ii! Yave, Muluku a wiirimu, Nyuwo ti Mutokotoko ni Oowoopiha ni munttittimiha wiiraanawanyu wa osivela ni yaale anoosivelani ni aniiwelela malamulowaanyu.

Icipo 47:2

Yave a Musulusulu ti ootikhiniheya; ti Mwene Mutokweene mweelaponimu!

Icipo 66:3

Mmweereleke: “Mitekosanyu ti sootikhiniheyaxa! Ikurusanyu ti sitokotoko moota wooweera amwiittanaanyu aniipurula ohoolowanyu.

Icipo 66:5

Ngweeke ni moone yeeyo Muluku opankaawe. Miteko aapakenlaawe atthu ti sooreeraxa.

Okhuma 18:8

Moisesi aahaathalihera atatawe sootheene Yave aampakenlaawe Farawu* ni awExipitu ngwaasivelani aYixrayeli ni sa makacamiho ootheene yaaweereela mphironi ni moota Yave aavulunxaawe.

Yesaya 9:6

Wa hiyo nooyareliwa Mwaana; wa hiyo noovahiwa Mwaana Mulopwana ni olamula ori mmakhatanimwawe. Owo onimwiitthaniwa Namalaka Ooreeraxa, Muluku a ikuruxa, Tiithi Oohimala ni Mutokweene a murettele.

Daniyeli 9:4

Kaamvekela Yave Mulukwaaka, kilapaka: “Ii! Yave, Muluku Mutokweene ni Oowooveya, mwa Yoowo onthokorora wiiraanawawe wa osivela ni ootheene animusivela ni aniiwelela soolamulasawe,

Daniyeli 9:6

Khaniwiiwelenle arumeiyaanyu, maprofeeti yuulumme mwa Nsinananyu ni mamwenaahu, anamwanaaya ni asitithihu ni atthu ootheene a elapo.

Daniyeli 9:8

Ii! Yave, hiyo, mamwenaahu, anamwanaaya ni asitithihu nohuulihiheyaxa muru niwoko na wootthekelani.

Levitiku 26:18

Vahoolo wa itthu sootheene iyo nyuwosa nlelo mwaahikiiwa, kinimoottaruxani imaara ithannapiili wa sootthekasanyu.

Levitiku 26:21

Nyuwo mwapwaherera okhala amwiittanaaka mukhoottaka okiiwa, kinimwaandyeerera soohoxasanyu imaara ithannapiili, ntoko sootthekasanyu simphwanelaaya.

Levitiku 26:24

Miyo muneenaaka kinookhala Mwiittananyu koohooxakani imaara ithannapiili niwoko na sootthekasanyu.

Levitiku 26:28

Miyo kinookhala Mwiittananyu koonyoonyeriwakani, koottaruxakani imaara ithannapiili niwoko na sootthekasanyu.

Deuteronomiyo 7:12

Mwiiwelela malamulo ala musungaka, muneettela, Yave Mulukwaanyu onimoopwahererelihani wiiraanawawe ni onnene aaroromelinghaawe ni nlipelo makholowaanyu.

Deuteronomiyo 7:13

Owo onimoosivelani, onimooreelihani ni onoowaandyeererani. Onimoovahani anamwane ancipale, soohepha sincipale sa etrigu, eviinyu enyowani ni makhura ni muhuwo wa imombe ni wa ikhondoolo mweelaponi Owo aalipelenlaawe makholowaanyu woovahani.

Deuteronomiyo 7:21

Muhoove niwoko Yave Mulukwaanyu ori variyariwanyu ti Muluku Mutokweene ni Oowoopiha.

Deuteronomiyo 7:9

Musuwele weera Yave Mulukwaanyu ti Muluku. Owo ti Muluku oororomeleya ompwaherera wiiraana ni onnene wa ikhapira macira muloko sa yaawo animusivela yiiwelelaka malamulowaawe.