Nehemiya 9:29 - Emakhuwa Bible

²⁹ Nyuwo mwaawooperera weera ehokoleele Nlamulonanyu, mene awosa yaahiixoona ehiiwelelaka malamulowaanyu. Yaatthekela ikanosanyu, mwa seiyo sintthuneya wiiwelela weera ekhale ni okumi. Ni murima woowuuma yaahoorerani ettuli, ekhalaka attiyamaaru, ehitthunaka owiiwani.

Nehemiya 9:29 Iomraidhean Croise

2 Mamwene 17:13

Yave aahooperera oYixrayeli ni oYuda mwa maprofeetaawe ni anamooniheraawe* ootheene: “Muhiye iphirosanyu soonanara. Mwiiwelele ikanosaka ni malamulowaaka, muttharaka Nlamulo nootheene kaalamulenlaaka makholowaanyu wiiwelela ni koovanghaakani mwa arumeiyaaka maprofeeti.”

2 Mamwene 17:14

Wa soothesene, khayaatthunne owiiwa ni yaari oottiyamaaru ntoko makholowaaya, mwa yaale yahaamuroromenle Yave Mulukwaaya.

2 Nyaha 24:19

Yave aarimwaarumiharu maprofeeti wa muloko weera aahokoloxere wa Yoowo, ni maprofeeti yaarimwaathaliheraru otthuna wa Muluku, muloko khawaatthunne owiiwasa.

2 Nyaha 33:10

Yave aahuuluma ni Manaxe ni mulokwaawe, mene khayaampwatthelanse.

2 Nyaha 36:15

Yave, Muluku a makholowaaya, aawoopererasa imaara sincipale mwa anamitthengaawe, niwoko Owo aamorela ikharari mulokwaawe ni woomakawawe.

Nehemiya 13:15

Mmahukuni ale kaahoona weera oYuda akina yaavara mmattankhini moowaama iwuuva* nihuku na eSaabadu ni yaathukumanya etrigu ettuuttaka mwaabuuruni vamoha ni eviinyu, iwuuva*, ifiigu ni moota wootheene wa mirindi. Sootheene iyo saaruuhiwa oYerusaleemu eSaabadu. Vano kaawoopererasa weera ehithumiheru etthu nihuku nenenenno.

Nehemiya 9:10

Mwaampakela ineneero ni sootikhiniha Farawu*, asitokweenaawe ootheene ni atthu ootheene a elapwaawe, niwoko mwaasuwela moota yaahasulaaya mulokwaanyu. Mwaawina epili etokotoko empwaherera mpaka olelo va.

Nehemiya 9:16

Wa soothesene, asitithihu yaahiixoona ni yaahuumiha mirima ehiiwelelaka malamulowaanyu.

Nehemiya 9:26

Wa soothesene, yaari oohiiwelela yoovaanyakani. Yaarera ettuli Nlamulonanyu. Yaawiiva maprofeetaanyu, mwa yaawo yaawooperera weera yoohokoleeleni Nyuwo. Yaapaka sootakhala sitokotoko.

Nehemiya 9:30

Wa iyaakha sincipale mwaahaavilela. Mwannawooperera mwa Munepaanyu ni mwa maprofeeti. Hata hiiho, khayaawiiwelelani moota wooweera mwaawinnyerera mmatatani mwa miloko soowaattamana.

Okhuma 10:3

Moisesi ni Aharoni yaarowa wa Farawu* emweerelaka: “Yave, Muluku a aHeberi eenre ha: ‘Mpaka yaakhani mukhoottaka wiiyeviha ohoolowaka? Muhiyeke mulokwaaka weera wakilape!

Yeremiya 17:23

Wa soothesene awosa khayaakiiwale hata khayaakipwantthe. Yaattiyamaaru ni khayaatthunne wiiwa ehaakhulelaka olakiwa.

Yeremiya 19:15

“Yave a ikuru sootheene, Muluku a oYixrayeli oneera ha: ‘Mwiiwe, kinooruuhela esidade ela ni mittetthe sa mukhwipimwaya irisa sootheene kaalaleenraaka niwoko khayiiwelenle, ehitthunaka wiiwa maswaaka.’”

Yeremiya 42:19

Ii! Oohalahala a oYuda, Yave ooweerelani: ‘Muhirowe wExipitu.’ Musuwele ela: Miyo kingwoopererani olelo

Yeremiya 43:2

Azariya, mwaana mulopwana a Hoxaya, ni Yohanani, mwaana mulopwana a Kareya, ni asilopwana oowiixoona ootheene yaamweerela Yeremiya: “Nyuwo mummweera wootha! Yave khoorumingheni weera nihirowe omaka wExipitu.

Yeremiya 44:10

Mpaka olelo khamwiiyevinghe hata khamwiittittimihale, naari khamutthanre malamulowaaka ni ikano kiiyaathiyaaka ohoolowanyu ni wa makholowaanyu.

Yeremiya 7:26

Vaheera awosa khayaakiiwale hata khayaakipwantthe. Yaari oottiyamaaru ni yaapaka soonanara waapwaha makholowaaya.’

Ezekiyeli 20:11

Miyo kaahaavaha ikanosaka kinaasuweliha malamulowaaka, niwoko yoowo aniiwelele yaawo, onookhala ni okumi mwa yaawo.

Daniyeli 5:20

Wa soothesene, murimaawe waathatungwaaya woowiixoona ni woowuuma niwoko na wiikuxa, aavenxiwa vahiceniwawe ya emwene ni aahaakhiwa ovuwawawe.

Hoxeya 6:5

Tivawo koonyaanyasiyaakani mwa maprofeetaaka, Miyo koowiivasani ni masu a mmwaanomwaka; nthorihelonaka nohooceremelelani ntoko overinya.

Levitiku 18:5

Mutthareke ikanosaka ni malamulowaaka. Vano yoowo aneera iiwelele onookhalela yaawo. Miyo ti Yave.

Matheyo 19:17

Yeesu aamwaakhula: “Heeni munkikohaanyu ya yooreera? Ori mmoha paahi ooreera. Mwatthuna ovolowa mookumini woohimala, mwiiwelele malamulo.”

Luuka 10:28

Yeesu aamwaakhula: “Mohaakhula nnene. Mpake yeeyo, ni munookhala ni okumi.”

aRooma 10:5

Vano, Moisesi olempe moota ola mwaha wa waakhuleliwa onrweela wa nlamulo: “Mutthu ompaka itthusene seiya anaakhale niwoko na iya.”

aGalata 3:12

Malamulo khaankhuma wa nroromelo, ohiyanawaya, “Yoowo ompaka itthu iya, onkhala niwoko na seiyo.”

Deuteronomiyo 31:21

Saarweelaka irisa ni makacamiho mancipale, ecipo ela enimwaakhalela onamoona, niwoko ekhapiraaya kheettiwala ela. Koosuwela sootthunasaya, kihinaayeru waavoleiha mweelaponi kaaroromelinghaaka ni nlipelo.”

Deuteronomiyo 31:27

Koosuwela moota mumvaanyaanyu ni ettiyamaarwaanyu. Nyuwosa mwaamvaanya Yave miyo kireene nlelo ni okumi kikhalaka ni nyuwo, ankha kaakhwaaka!

Deuteronomiyo 4:26

vanonto, wiirimu ni vathi ti anamoonaaka olelo weera nyuwosa munoophwatiwa woowaakuveya mweelaponi mwa yeeyo munkuxaanyu woomulapuwa Yordanu. Nyuwo khamukhalaxawo, mene munoophwatiwa woomalela.

Ahooleli 6:10

Kooweerelasanitho: ‘Miyo ti Yave Mulukwaanyu; muhilape miluku sa awAmori a elapweene yeela munkhalaanyu. Wa soothesene, khamukiiwale.’”