Nehemiya 9:15 - Emakhuwa Bible

¹⁵ Yaavoliwaaya etala, mwaahaavaha sooca saarweela wiirimu ni yaavoliwaaya ntthona mwaahaakhumihera maahi vamwala. Mwaahaalamulela ovolowa ni okuxa elapo mwaalipenlaanyu mwaaroromelihaka waavaha.

Nehemiya 9:15 Iomraidhean Croise

Epacerero 14:22

Abraamu aamwaakhula mwene a oSodoma: “Kinlipela ni ntata kimweemexeraka Yave, Muluku Musulusulu, opattunxe erimu ni elapo ya vathi,

Nehemiya 9:20

Mwaahaavaha Munepaanyu Wooreera weera waalake. Mwaahaavaha emanaanyu* yaacaaya ni maahi yaawuraaya.

Icipo 114:8

mwa Yoowo aatatunxe mwala nratta; vanlukuni aantatunxe naattuuttu.

Okhuma 16:4

Wa soothesene, Yave aamweerela Moisesi: “Miyo kinoowiitthelelasani sooca sa wiirimu. Khula nihuku muloko onoovenyera ottottaka yookwana oca wa nihukuni. Mwa yeeyo kinoowoota murima weera kiwoone yaattharaka hoye hoye yaahittharaka ikanosaka.

Okhuma 17:3

Mulokotho ovoliweene ntthona waamuttaandawula Moisesi omweerelaka: “Muniruuhenle heeni wExipitu? Muniruuhenle weera nikhwe ntthona – hiyo, anamwaniihu ni mihuwosahu?”

Okhuma 17:6

Miyo kinimoowehererani vamwala vamwaako Horebi. Mwamane mwala, ni vawo anookhuma maahi oowura muloko.” Moisesi aapaka hiiho vamaithoni wa asitokweene a aYixrayeli.

Okhuma 6:8

Miyo kinimooronghani mulaponi kaalipenlaaka keemexaka ntata weera kaarwa omvaha Abrahaamu, Isaki ni Yakobe. Kinimoovahani ntoko elapwaanyu. Miyo ti Yave!’”

Yesaya 48:21

aYixrayeli khayaavoliwa ntthona Owo aaweettinghaawe munikareni; Owo aahaapiluweliha maahi vamwala, Owo aamana mwala ni maahi yaakhuma.

Yeremiya 32:23

Awosa yaahoorwa okuxa elapo ela, mene khaawiiwelenleni hata khayeettenle Nlamulonanyu. Khaapankeru etthu ya seiye mwaalamulenlaanyu. Tivawo yiiruhenlaaya erisa yootheene ela.

Ezekiyeli 20:15

Kitheteiyeene ntata, kaalipelatho wa yaawosa weera nkaarongha mulaponi kaavanghaaka, elapo yoosareyamo mukaka ni oravo; elapo yooreeraxa opwaha ilapo sootheene,

Nuumeru 14:30

Khakhalaru naari mmoha a nyuwo anaavolowe mulaponi kaalipelenlaaka keemenxeene ntata woovahani weera mmakemo, ahikhanle paahi Kalebi, mwaana mulopwana a Yefune, ni Yoxuwa, mwaana mulopwana a Nuni.

Deuteronomiyo 1:21

Moone, Yave Mulukwaanyu ohiikaati elapo ela ohoolowanyu. Murowe, mwakuxe, ntoko Yave, Muluku a makholowaanyu oweerenlaaweni. Muhoove hata muhiporore.”

Deuteronomiyo 1:8

Moone, kohoovahani elapo eyo. Mwavolowe ni mwakuxe elapo Yave aaroromelinghaawe ni nlipelo waavaha makholowaanyu Abrahaamu, Isaki Yakobe ni ekhapiraaya.”

Deuteronomiyo 8:3

Aahooyevihasani, anoohiyasani mvoliwaka etala. Vahoolowaya aahoocihasani ni emana* mwa yeeyo hata nyuwo naari makholowaanyu yaahaasuwenlaaya. Owo aatthuna wooxuttihani weera mutthu khankhala ni okumi niwoko na yooca paahi, mene na masu ootheene anrweela wa Muluku.