Nehemiya 8:1 - Emakhuwa Bible

¹ Ophiyerakaru mweeri wanaathanamiili, atthu emankeene mmittetthenimwaya, ootheene yaathukumana ni murima mmoha vanipuwani ohoolo wa Mulako wa Maahi. Yaamvekela Ezera, namalepa, oruuha Elivuru ya Nlamulo na Moisesi, mwa yeeyo Yave aavanghaawe aYixrayeli.

Nehemiya 8:1 Iomraidhean Croise

2 Mamwene 23:2

Mwene aarowa wa Empa ya Yave vamoha ni asilopwana a oYuda, a oYerusaleemu, asaserdoti* ni maprofeeti – atthu ootheene okhuma asikhaani mpaka oottittimiheyaxa. Owo aahaasomela ootheenaawo akhuwelaka masu a mulivuruni ya wiiraana yaaphwanyiwe Mpaani mwa Yave.

2 Nyaha 34:15

Hilikiya aamweerela namalepa Xafani: “Koophwanya elivuru ya Nlamulo Mpaani mwa Yave.” Vano yaamwinnyerera Xafani.

2 Nyaha 34:30

Hiiho, aavolowa Mpaani mwa Yave, ahooliwaka ni asilopwana ootheene a oYuda ni a oYerusaleemu, asaserdoti* ni aLeevi – muloko wootheene, okhuma atthu piswa mpaka oottittimiheya. Mwene aahaasomela ootheene akhuwelaka masu ootheene a elivuru ya wiiraana yaaphwanyiwe Mpaani mwa Yave.

Ezera 7:1

Siviraleene itthu iye, moolamulani mwa mwene Aritaxaxete, mwene a oParesi, aakhala mulopwana iitthaniwa Ezera. Aari mwaana mulopwana a Seraya, mwaana mulopwana a Azariya, mwaana mulopwana a Hilikiya

Ezera 7:10

Vano Ezera aalakela okhalela nthiti osoma Nlamulo na Yave ni weettela aaxutihaka aYixrayeli ikanosaya ni soolamulasaya.

Ezera 7:11

Vano ekaratta mwene Aritaxaxete aamwinnyerenraawe musaserdoti* Ezera, ni namalepa, mulopwana aaxuttihiwe munlamuloni ni mukanoni sa Yave a aYixrayeli, yeenre ha:

Ezera 7:6

Vano Ezera owo aarweenle oBabiloniya. Aari namalepa aasuwelanxe nnenesene Nlamulo na Moisesi naavahiwe ni Yave, Muluku a aYixrayeli. Mwene aamvaha sootheene aavekenlaawe niwoko ntata na Yave Mulukwaawe naari mwa yoowo.

Nehemiya 12:26

Yaarumeela mmahukuni a Yoiyakimi, mwaana mulopwana a Yexuwa, mwaana mulopwana a Yozadaki, ni mmahukuni a guvernadori, Nehemiya, ni musaserdoti* ni namalepa Ezera.

Nehemiya 12:37

Vamulako wa Naattuuttu awosa yaawelasa ciireru ixikada sa esidade ya Davide, woowelela exiri, ni yaavirasa vaate wa Davide mpaka wa Mulako wa Maahi, mpatta wa ninkhuma nsuwa.

Nehemiya 3:26

vamoha ni arumeiyi a Empa ya Muluku yaamanke vanttumuxani na Ofeli, yaarasela mpaka ohoolo wa Mulako wa Maahi mpatta wa ninkhuma nsuwa ni wa etoore* ekhumme weiwe.

Nehemiya 8:16

Atthu yaarowa, enaruuha iphandi, enateka mikottha mutaratonimwaya, mmapuwani a impasaya ni a Empa ya Muluku, vanipuwani na esidade, vakhiviru wa Mulako wa Maahi ni vanipuwani na Mulako wa Efrayimi.

Nehemiya 8:3

Aasoma arumihaka okhuma oxeexelo mpaka othana eriyari vanipuwani ohoolo wa Mulako wa Maahi, vamaithoni wa asilopwana, asithiyana ni yaawo yaawera wiiwexexa. Atthu ootheene yaawiriyana nnenesene osommwa wa Elivuru ya Nlamulo.

Yesaya 8:20

Vano moone Nlamulo ni ikano sa Yave! Atthu yaahuuluma ntoko masu ala awosa khaanoonatho waara.

Levitiku 9:5

Awosa yaaruuha itthu Moisesi aalamulenlaawe ohoolo wa Eheema ya Muthukumano* ni muloko wootheene waakhuveela, oneemela ohoolo wa Yave.

Malekiya 4:4

“Muupuwelele nlamulo na murumeiyaaka Moisesi, ikano ni soolamulela kaamvanghaaka oHorebi, wa muloko wootheene wa oYixrayeli.

Matheyo 13:52

Owo aaweerela: “Tivawo namawera a nlamulo* ootheene ooxuttihiwa mwaha wa omwene wa wiirimu, onoolikana ntoko mwaneene a vaate onkhumiha mmuhakhunimwawe itthu sooreeraxa sinyowani ni itthu sa khalayi.”

Matheyo 23:13

Ii! Munoohaawa nyuwo, anamawera a nlamulo*, aFarisi*, anamwiixeera! Nyuwo mungwala nsele na omwene wa wiirimu ohoolo wa atthu. Nyuwo muneenaanyu khamumvolowa, hata khamunaahiya evolowaka yaawo antthuna.

Matheyo 23:2

“Anamawera a nlamulo* ni aFarisi* anookilaathi vahiceni ya Moisesi.

Matheyo 23:34

Tivawo Miyo kineeraaka koorumiheleni maprofeeti, asuweli ni ahusiha. Akina a yaawo mmwiwiive ni mmwaakhomele, akina mmwaawaxule muSinagoganimwanyu ni mmwaasoonde esidade ni esidade.

Deuteronomiyo 31:11

aYixrayeli ootheene ereene vamaithoni wa Mulukwaanyu vanipuroni Owo aneeraawe athanle, vano mwaasomelekewo Nlamulo nna mwaatthuni.

Ahooleli 20:1

Vano aYixrayeli ootheene okhuma oDani mpaka oBerxeba ni wa elapo ya oGiliyade yaahoorwa ni murima mmoha ethukumanaka oMizepa vamaithoni wa Yave.

Ahooleli 20:8

Atthu ootheene yaaheemela ni murima mmoha yeeraka: “Ahikhale a hiyo anaatthikele owaani. Hoye, hata mmoha anaahokoleele vaatewawe!