Nehemiya 7:2 - Emakhuwa Bible

² Kaamukhaliha munnaka Hanani ntoko namalamula a oYerusaleemu vamoha ni Hananiya, mutokweene a esidade yoolipaxa, niwoko aari mulopwana oororomeleya, amoovaka Muluku waapwaha atthu ancipale akinaawo.

Nehemiya 7:2 Iomraidhean Croise

Epacerero 42:18

Ommaleloni wa mahuku mararu ale Yoseefe aweerela: “Miyo kimmoova Muluku. Tivawo mwatthuna wuurela okumaanyu, mweereke ha:

2 Samuweli 23:3

Muluku a aYixrayeli ohuuluma; Mwala a oYixrayeli ookeerela: ‘Yoowo onaalamula atthu moota woororomeleya; yoowo onlamula amoovaka Muluku,

1 Mamwene 18:12

Nkisuwenle woowi Munepa wa Yave oneeraaya woorongheni miyo koohiyakani. Miyo karowa omuleela yeeyo Ahabi ni owo aahoophwanyani, onookiiva. Miyo kiri murumeiyaanyu kinnamutthapela Yave okhuma emirawaaka.

1 Mamwene 18:3

Ahabi aamwiitthana Obadiya aari namawehaweha a empa ya emwene. Vano Obadiya aamuroromela Yave ni nthiti.

Nehemiya 1:2

Hanani, mmoha a axunnaka, aarweenle oYuda vamoha ni asilopwana akina. Vano kaahaakohakoha mwaha wa aYuda yaahanlewo vahoolo wa ehuhu yaavariwaaya ancipale eroihiwaka oBabiloniya ni mwaha wa oYerusaleemu.

Nehemiya 10:23

Hoxeya, Hananiya, Haxubi,

Nehemiya 13:13

Kaamukhaliha musaserdoti* Xelemeya, namalepa Zadoki ni muLeevi mmoha iitthaniwa Pedaya ntoko anamawehaweha a soosungiwa kimukhalihaka Hanani, mwaana a Zakuri, mwaana a Mataneya namakhaviheraaya, niwoko asilopwana awo yaari oororomeleya. Awosa yaari ahooleli a soosungiwa yaakawelaka asikhwaaya.

Nehemiya 2:8

Mukivahetho ekaratta wa Asafi, mutokweene a othako wa mwene weera akivahe itthaabwa soopakela masele a esidade yoolipaxa eri vakhiviru ni Empa ya Muluku, wa exiri ya esidade ni wa nipuro kineeraaka kakhale.” Weenre onnene wa Muluku wakhala ni miyo, mwene aakaakhulela soovekelasaka.

Nehemiya 5:15

Maguvernadori a khalayi, yaale yaalamula kihinaaye miyo, yaalemelihaxa muloko yaakhelaka wa yoowo ixekeli* miloko mixexe sa eparatha* ohiya sooca ni eviinyu. Anamakhaviheraayatho yannahasula muloko. Vaheera kimoovaka Muluku, nkeettela yeeyo.

Nehemiya 7:3

Kaaweerela: “Milako sa oYerusaleemu sihihuliweke nsuwa nihinaaye okhuma. Anamalipelela a milako nlelo elipelelaka, ewaleke milako ni ekokotteleke. Kaahaathanlatho amaki a oYerusaleemu weera elipelele – akina yeemeleleke exiri; akina ohoolo wa impasaya.”

Yobi 1:1

Mulaponi ya wUzi aakhala mulopwana iitthaniwa Yobi. Aari mulopwana ookwanela ni oororomeleya; annamoova Muluku, asembaka opaka sootakhala.

Icipo 101:6

Maithwaaka angwoona atthu oororomeleya mulaponi weera awosa ekhale ni Miyo; yoole oneetta moota wookwaneleya paahi ti aneera akirumeele.

Okhuma 18:21

Mwaathanle variyari wa muloko wootheene asilopwana oowera, mwa yaawo ammoova Muluku, oororomeleya ni oothanya makhwankwa. Mwaakhalihase ntoko asitokweene a macira muloko, ncira, miloko mithanu ni muloko mmoha.

Daniyeli 6:4

Mwa yeeyo, maguvernadori eeli akina ni mapwattapwattha yannaasaasa moota woomoothera Daniyeli moolamulanimwawe, mene khayaawenre ophwanya. Khayaaphwanya etthu yookhoromana mwa yoowo niwoko aari oororomeleya ni khaankhanle a murima wookhoromana naari murima woohipwattha.

Nuumeru 12:7

Wa soothesene, khoohiyono hiiho, ni murumeiyaaka Moisesi – owo ti oororomeleya waapwaha arumeiyi ootheene akina.

Matheyo 24:45

Murumeiyi heeni oororomeleya ni a miruku wa yoowo animvahereraaya Apwiyaawe sa owannyaya weera aavaheke akina yooca ya ehuhu yootthuneya?

Matheyo 25:21

Apwiya yaamwaakhula: ‘Ti wooreera, murumeiyi ooreera ni oororomeleya! Weyo waari oororomeleya wa vakhaani, miyo nkoororomele wa sincipale. Owe ni ovolowe moohakalalani wa Apwiyaawo.’

1 aKorinto 4:2

Ontthuneya weera ootheene oovahereriwa ohoolela ekhale oororomeleya.

2 Timootheyo 2:2

Ni masu okiiwalaawo kihimaka variyari wa anamoona ancipale, waavaherera atthu oororomeleya weera ekhaletho oowera waaxuttiha akina.