Nehemiya 5:19 - Emakhuwa Bible

¹⁹ Mukuupuwelele ni murima wooreera, Yave, niwoko na sootheene seiye kipakenlaaka muloko ola.

Nehemiya 5:19 Iomraidhean Croise

Epacerero 40:14

Kinoovekela weera wakuupuwelele miyo, itthu saaweettelaka nnenesene, ni waadyoonttelele aFarawu* weera yuupuwelele mulattwaaka weera miyo kikhume mukaliposo mu.

2 Mamwene 20:3

“Ii! Yave, muupuwelele moota koorumeenlaakani ni ororomeleya ni murima wootheene. Koopaka yeeyo eri yooreera vamaithoniwanyu.” Ni Hizekiya aahiinla vancipalexa.

Nehemiya 13:14

Mukuupuwelele miyo Mulukwaaka ni muhittiwale yeeyo kipakenlaaka Empa ya Mulukwaaka ni soorumeelasaya moota woororomeleyaxa.

Nehemiya 13:22

Vano kaahaalamulela aLeevi weera yiitteelihase ni erowe yawehawehase milako weera nihuku na eSaabadu nittittimihiwe ntoko nootteela. Mukuupuweleletho mwa yeeyo Mulukwaaka, mukimorele ikharari moosivelanimwanyu otokotoko.

Nehemiya 13:31

Kookhalihatho moota woovara miteko sa ikhuuni ni wooruuha soowiima soopacera kithalihaka ehuhuwaaya. Ii! Mulukwaaka, mukuupuwelele miyo mooreeranimwanyu murima!

Icipo 106:4

Ii! Yave, mukuupuwelele miyo mooniheraka mulokwaanyu murima wooreera; mukikhavihere Nyuwo mwaavuluxaka yoowo

Icipo 40:17

Vano wa miyo, ti oohaawa ni oothoiwa. Hata hiiho Yave onnikitthukuruwela. Nyuwo ti ekhaviherowaaka ni woopoliwawaka. Ii! Mulukwaaka, muhipise!

Yeremiya 29:11

Vano Miyo koosuwela soowuupuwelasaka kiweerelakani nyuwo,” onghima Yave, “soowuupuwela keerelaka murettelaanyu ohikhanle woophwatani, soowuupuwela woovahani oweherera ni sa muhoolo.

Matheyo 10:42

Yoowo anaavahe, hata ekhalaka ekoomixi ya maahi ooriira wa mmoha a asikhaani ala niwoko owo ori oohuseraaka, Miyo kinoororomelihani vekhaikhai weera owo anaakhele ntthuvelonawe.”

Marku 9:41

Miyo kinooleelani ekhaikhai: yoowo onoovahani ekoomixi emoha ya maahi mwa Nsinanaka niwoko muri aKristu, vekhaikhai kharwa ayeleela ntthuvelonawe.