Nehemiya 5:13 - Emakhuwa Bible

¹³ Kaatathatho mukaandyowaaka keeraka: “Muluku atatheke hiiho empa ni sooreela sa khula mutthu aneera ahikwanihere yoororomelihaawe. Mutthweene yoowo atathiwe ni ahale hiiho.” Wiiwaka yeeyo muthukumano wootheene waaheera: “Ame!*,” Waamvuwiha Yave. Vano atthu yaakwanihera yeeyo yaaroromelinghaaya.

Nehemiya 5:13 Iomraidhean Croise

2 Mamwene 23:3

Mwene aaheemela vanrimbuni vamaithoni wa Yave anarehereratho wiiraana, aroromelihaka omutthara Yave ni wiiwelela malamulowaawe, ikanosawe ni soorumasawe ni murima ni okumi wootheene, akwaniheraka hiiho masu a wiiraana alempwale mulivuruni ela. Vano atthu ootheene yaahiiroromelihatho wiiraana.

1 Nyaha 16:36

Attottopeliwe Yave, Muluku a oYixrayeli, ohimmalaru. Vano muloko wootheene waakhuwela: “Ame! Attottopeliwe Yave!”

Nehemiya 8:6

Ezera aamutthapela Yave, Muluku Mutokweene ni ootheene yaaheemexa matata yaakhulaka: “Ame*! Ame*!” Vahoolowaya yaamulapa Yave, yuuramihenleene ikhovesaya vathi.

Icipo 119:106

Koororomeliha ni nlipelo weera kinootthara malamulowaanyu a ekhaikhai.

Icipo 50:14

Mumpakele Muluku sooveleela sootthapela, mukwanihere soomuroromelihasanyu a Musulusulu.

Icipo 76:11

Mumpakele soororomeliha Yave Mulukwaanyu ni mukwanihere; ilapo sootheene soowaattamana simuruuhele samahala Yoole omphwanela wooviwa.

Masu a Miruku 28:4

Yaawo anghiya nlamulo anaattapahera atakhali, vaheera aniiwelela nlamulo anaawanano yaawo.

Namalaleiya 5:5

Fataari ohiroromeliha ni nlipelo ohikhanle ororomeliha woohikwanihera.

Nuumeru 5:22

Maahi ala anruuha nlapho evolowe mweerutthunimwanyu ni esare erukuluwaanyu ni ewooceeliheni oyara.” Vano muthiyana eereke: “Ame. Okhale hiiho.”

Matheyo 10:14

Mukina aahiwaakhelelani, hata aahiiwa maswaanyu, mwatathe ntthupi na inaawosanyu mwaakhumaka vaatewawe, hoye hoye esidade eyo.

Miteko 13:51

Awo ooweeli yaatatha ntthupi na inaawosaya ntoko eneneero ya waakhootta yaale, ni yaapwaha erowaka wIkoniyo.

Miteko 18:6

Emuvirikanyihaka ni emuruwanaka woohihiyerera, aatatha soowarasawe ni aaweerela: “Ephomaanyu emorele mmurumwanyu! Kohoonyawani. Okhuma vaanaano va mpaka ohoolo, kinkela wa amalapo.”

1 aKorinto 14:16

Nyuwo mwaamuttottopelaka Muluku mmunepani, ongwereya hai yoole ori a yaale ahiniiwexexa weera “Ame*” wa otthapelawanyu, woonaka weera owo khasuwenle yeeyo nyuwo munghimaanyu?

1 Samuweli 15:28

Samuweli aamweerela: “Yave oowaahulani nyuwo omwene wa aYixrayeli olelo ni oomwinnyerera ooreerela woopwahani nyuwo.