Nehemiya 2:20 - Emakhuwa Bible

²⁰ Miyo kaawaakhulasa: “Muluku a wiirimu onooneettihera nnene. Hiyo, arumeiyaawe, nnoopacera otekatho. Vaheera nyuwo khamunono mpatta, hata nsu muYerusaleemu, niwoko khamumpatta nnyahanimwaya.”

Nehemiya 2:20 Iomraidhean Croise

2 Nyaha 26:5

Owo aamwaasa Muluku mweehuhuni ya okumi wa Zakariya, mwa yoowo aamuhusihale moomoovani Muluku. Mweehuhuni yootheene Uziya aamwaasaawe Yave, Muluku aamweettiherela nnene.

Ezera 4:3

Vaheera Zerubabeli, Yexuwa ni mapwattapwattha akinaawo a aYixrayeli yaawaakhula: “Khamuntthuniheriwa nyuwosa orasela Empa ya Yave, Mulukwaahu. Hiyo paahi nneera nimutekele Yave, Muluku a aYixrayeli, ntoko Siru, mwene a oParesi aanilamulenlaawe.”

Nehemiya 1:4

Kiiwakaru itthusene seiye kaathanana, kiinlaka. Wa mahuku makina kaalalamika, kitthukaka ni kivekelaka vamaithoni wa Muluku a wiirimu.

Nehemiya 2:4

Mwene aakeerela: “Weyo ontthunani?” Vano miyo, kivekelaka wa Muluku a wiirimu,

Exteri 4:11

“Asitokweene ni atthu ootheene a ilapo sa mwene aasuwela weera eri ekano emoha paahi wa akhalaru mulopwana hoye hoye muthiyana anaamwaattamele mwene vanipuwani na mpuwa ahiitthaniwe ni yoowo – onimwiiviwa, mwene aahimookolela ekopwaawe ya eyuuma yoorikaxa amuurelaka okumi. Aavira mahuku miloko miraru kihiitthaniwaka vamaithoni wa mwene.”

Icipo 102:17

Owo onaakhula nivekelo na oowiixeetta; khanramusa wiidyoonttelelawaya.

Icipo 122:6

Muvekelele murettele oYerusaleemu: “Yaale ansivela oYerusaleemu ekhaleke oolipeene.

Icipo 20:5

Hiyo nnookhuwela moohakalalani Nyuwo mwaawinaka ni nnimweemexa ineneerosahu soowina mwa Nsina na Mulukwaahu. Yave aakhulele soovekelasanyu sootheene.

Icipo 35:27

Yaale anghakalalela ohikhalanawaka nthowa ekhuweleke ni ohakalala; awosa yeere mahuku ootheene: “Yave avuwihiwe, mwa Yoowo ontthuna weera murumeiyaawe akhale nnene.”

Icipo 51:18

Niwoko na murimaanyu wooreera, mweettiherele nnene oSiyoni; murasele exiri ya oYerusaleemu.

Okhuma 28:29

Imaara sootheene Aharoni aneeraawe avolowe Nipuro Nootteela*, onookuxa masina a anamwane asilopwana a Yixrayeli vamurimaniwawe mpatta wa yoowara ya vakakasani yoolakelano, ntoko yoowuupuwelela yoohimala vamaithoni wa Yave.

Namalaleiya 7:18

Fataari ovarexexa olakiwa omoha muhihiyaka okina, niwoko yoowo ommova Muluku onootthara soopiili.

Yesaya 56:5

wa yaawo kinimwaavaha Mpaanimwaka ni ixirisaya eyuupuxero ni nsina nooreerela waapwaha anamwane asilopwana ni asithiyana. Kinimwaavaha nsina noohimala nneera nihicipihiwe.

Levitiku 2:2

aaroiheleke asaserdoti*, anamwane asilopwana a Aharoni. Mmoha a yaawo anyottoleke ephepa yooreerela, makhura ni erubani* yootheene, ahisereke valtaarini* ntoko eyuupuxero. Ti yooveleela yoohisa, yooveleela erehereriwe vayikho, yooveleela yoowunkhelaxa enimusiveliha Yave.

Levitiku 24:7

Muhele erubani* yootteela khula musera ntoko mpatta woowuupuwelela vanipuroni na ipaawu ni weera ekhale yooveleela yoomurehererela vayikho Yave.

Zakariya 6:14

Ecireemba enoovahiwa wa Heldai, Tobiya, Yedaya ni Heni, mwaana mulopwana a Zefaniya, ntoko eyuupuxero Mpaani mwa Yave.

Nuumeru 10:10

Mmahukunimwanyutho a ifesta soothanliwa ni vanihukuni noopacera na khula mweeri, nyuwosa mwiipeke mapalapatta mweehuhuni ya sooveleela soohisa ni ya sooveleelasanyu sa murettele, ni iyo nsikhale soowuupuweleleliwasanyu ohoolo wa Mulukwaanyu. Miyo ti Yave, Mulukwaanyu.

Miteko 10:31

ni aakeerela: ‘Korneliyu, Muluku ohiiwa nivekelonanyu ni ohuupuwelela soovahasanyu.

Miteko 10:4

Oowoopihiweene owo aangweha, anamukoha: “Eheeni, Apwiya?” Ndyelo aamwaakhula: “Mavekelowaanyu ni sooveleelasanyu soowela ntoko yooveleela yoowuupuxera ohoolo wa Muluku.

Miteko 8:21

Khamunono mpatta naari ikuru mmutekonimu, niwoko murimaanyu khooreenre ohoolo wa Muluku.