Nehemiya 2:1 - Emakhuwa Bible

¹ Mmweerini oniitthaniwa Nisani, muyaakhani yanaamiloko miili ya mwene Aritaxaxete, ehuhu yoomurumeela eviinyu, miyo kaamuronghela mwene. Nkinatoko othananaxa ohoolowawe.

Nehemiya 2:1 Iomraidhean Croise

Epacerero 40:11

Mmatatanimwaka kaakhalano ekoomixi ya Farawu*. Kaakuxa iwuuva*, kinaamela mukoomixini ya Farawu*, kinaavaherera ekoomixi mmatatanimwaya.”

Epacerero 40:21

Aamuhokoloxeratho mutekwaawe mutokweene a anamarumeela a soowura, moota wooweera ole aahokoleela okhala yoole aamwinnyerera ekoomixi Farawu*.

Ezera 4:7

Vanonto mmahukuni a Artaxaxete, mwene a oParesi, Bixelami, Mitredati ni Tabeheli vamoha ni asikhwaawe akinaawo yaamulepela ekaratta Artaxaxete. Ekaratteene yeele yaalempwale munuulumoni na Eramewu ni mootaaya woolepa.

Ezera 7:1

Siviraleene itthu iye, moolamulani mwa mwene Aritaxaxete, mwene a oParesi, aakhala mulopwana iitthaniwa Ezera. Aari mwaana mulopwana a Seraya, mwaana mulopwana a Azariya, mwaana mulopwana a Hilikiya

Ezera 7:7

Akina a aYixrayeli, mpaka asaserdoti*, aLeevi, anamwiipa, anamalipelela milako ni arumeiyi a Empa ya Yave yaarowatho oYerusaleemu muyaakhani yanaathannapiili ya olamula wa mwene Artaxaxete.

Nehemiya 1:1

Masu a Nehemiya, mwaana a Hakaliya ti ala: Mmweerini oniitthaniwa Kisilevi, muyaakhani yanaamiloko miili, miyo kireene musidadeni yoolipaxa oSusa,

Nehemiya 1:11

Ii! Yave, Maaruwaanyu ewiriyaneke nivekelo na murumeiyaanyu ni mavekelo a arumeiyaanyu anoova Nsinananyu. Mweerihe weera murumeiyaanyu ola olelo arandeliwe nnenesene areereliwaka murima wa mwene.” Vano ehuhuweene yeele miyo kaari namarumeela a soowura a mwene.

Exteri 3:7

Mweeri woopacera wa eyaakha yanaamuloko ni piili ya olamula wa Ahaxeveroxi, mweeri wa Nisani, yaapaka macitta yiitthaniwa Puri ohoolo wa Hamani weera ethanle nihuku ni mweeri wa owiiva. Waareereliwe mweeri wanaamuloko ni miili wiitthaniwa Adari.

Daniyeli 9:25

Mwiiwexexe nnenesene etthu ela: Okhuma olamuleliwaaya orasela ni otekihiwa oYerusaleemu mpaka orwa wa Ootteelaxa, Namalamula, sinoovira isimana ithannapiili, ni isimana miloko mithannamosa ni piili. Esidade enooraseliwa ekhalanaka misewe ni yiikalaande, mene nsikhale ihuhu soorikaxa.