Nehemiya 13:15 - Emakhuwa Bible

¹⁵ Mmahukuni ale kaahoona weera oYuda akina yaavara mmattankhini moowaama iwuuva* nihuku na eSaabadu ni yaathukumanya etrigu ettuuttaka mwaabuuruni vamoha ni eviinyu, iwuuva*, ifiigu ni moota wootheene wa mirindi. Sootheene iyo saaruuhiwa oYerusaleemu eSaabadu. Vano kaawoopererasa weera ehithumiheru etthu nihuku nenenenno.

Nehemiya 13:15 Iomraidhean Croise

2 Nyaha 24:19

Yave aarimwaarumiharu maprofeeti wa muloko weera aahokoloxere wa Yoowo, ni maprofeeti yaarimwaathaliheraru otthuna wa Muluku, muloko khawaatthunne owiiwasa.

Nehemiya 10:31

Miloko soowaattamana saaruuhaka soothumiha hoye hoye etrigu weera ethumihe vanihukuni na eSaabadu naari nakhalaru nihuku nikina nootteela, khanithuma itthusaya mahukweene yaawo. Khula eyaakha yanaathannapiili nnoohiya imattasahu weera siitthuuwe ni ninoomaliha ikoongori sootheene.

Nehemiya 10:32

Nohiivaherera ohoolela, ntoko nlamulo ninnyesereraaya, ovaha vayaakhani mpatta wanaararu wa exekeli* wa Empa ya Mulukwaahu.

Nehemiya 13:16

Yaakhala akina a esidade ya oTiro yaamanke oYerusaleemu yaaruuha ethumihaka ihopa ni moota wootheene wa maronda. Vano iyo yaathumihera muloko wa oYuda onkhala oYerusaleemu eSaabadu.

Nehemiya 13:21

Vaheera miyo kaawooperera keeraka: “Mumvirihela heeni ohiyu muxirini? Mwapakatho yeeyo, kinimootthukihani.” Vahoolo wa yeeyo khayaarwiiyetho eSaabadu.

Nehemiya 9:29

Nyuwo mwaawooperera weera ehokoleele Nlamulonanyu, mene awosa yaahiixoona ehiiwelelaka malamulowaanyu. Yaatthekela ikanosanyu, mwa seiyo sintthuneya wiiwelela weera ekhale ni okumi. Ni murima woowuuma yaahoorerani ettuli, ekhalaka attiyamaaru, ehitthunaka owiiwani.

Yobi 39:12

Munoororomela weera eyo eroihe etrigwaanyu vaatewanyu, ethukumanyaka muneepetthelaanyuwo?

Icipo 50:7

Mwiiwe mulokwaaka niwoko kinimuuluma; mwiiwe oYixrayeli ni kinimookhalelani onamoona: Miyo ti Muluku, Mulukwaanyu!

Okhuma 31:12

Vano Yave aamweerela Moisesi:

Okhuma 31:16

aYixrayeli ni ikhapirasaya ettittimiheke eSaabadu ntoko wiiraana woohimala.

Okhuma 34:21

Mahuku mathannamosa mvareke mitekosanyu, mene nihuku nanaathannameeli mwiitthuuweke, hata ekhalaka ehuhu ya olima naari ohepha, ontthuneya wiitthuuwa nihuku nno.

Okhuma 35:2

Ontthuniheriwa ovara muteko wa mahuku mathannamosa, mene nihuku nanaathannameeli nikhaleke nihuku nootteelananyu, eSaabadu ya wiitthuuwa wa Yave. Akhalaru mutthu aneera avare muteko nihuku nno, vekhaikhai iiviweke.

Masu a Miruku 28:4

Yaawo anghiya nlamulo anaattapahera atakhali, vaheera aniiwelela nlamulo anaawanano yaawo.

Yesaya 58:13

Nyuwosa mwawehaweha inaawosanyu weera muhinanarihe eSaabadu, mpakaka yeeyo muntthunaanyu vanihukuninaka nootteela, nyuwosa mwiitthana eSaabadu nihuku na ohakalala ni nihuku nootteela na Yave, nihuku noottittimiheyaxa ni nyuwosa mwattittimiha, muhittharaka iphirosanyu, muhipakaka seiyo muntthunaanyu paahi hata muhuulumaka masu oohorahora,

Yeremiya 17:24

Vano nyuwo mwiipasoopa weera mukiiwelele,’ onghima Yave, ‘ni mwaahiviriharu yoolemela mmilakoni sa esidade ela vanihukuni na eSaabadu, mene mwatteeliha eSaabadu muhivarakaru wakhalaru muteko,

Yeremiya 17:27

Vaheera mwaahikiiwa muhitteelihaka eSaabadu, mvirihaka yoolemela mmilakoni sa oYerusaleemu vanihukuni na eSaabadu, vano kinoopattiha mooro woohimala mmilakonimwaya oneera ohise moolipamwaya oYerusaleemu.’ ”

Yeremiya 42:19

Ii! Oohalahala a oYuda, Yave ooweerelani: ‘Muhirowe wExipitu.’ Musuwele ela: Miyo kingwoopererani olelo

Ezekiyeli 20:13

Orookhalaru weera yoowo aniiwelele malamulo awo anaakhale ni okumi, aYixrayeli yaakivaanya munikareni. Khayeettenle ikanosaka, mene yaakhootta malamulowaaka, ehiirihaka iSaabadusaka. Tivawo keenraaka weera kaamwaayeehera isarasaka kaaphwateleke munikareni.

Amosi 8:5

mweeraka: “Yaakhani sineeraaya sivire ifesta sa mweeri munyowani weera nithumihe etrigu, ni yaakhani sineeraaya sivire iSaabadu weera nithumihaxe irooro?” Nintthuna orikiha, nivukulaka miringo wa musurukhu woopwaha,

Mikeyasi 6:3

Mulokwaaka, koopakenleni eheeni? Koolemelingheni moota heeni? Mukaakhuleke.

Miteko 2:40

Ni masu mancipale makina owo aawooperera ni aahaanyeserera awo: “Mwiivuluxe wa ekhapira ela yootakhala.”

Miteko 20:21

Kaahaakhalela onamoona aYuda nitho aGrego weera ontthuneya awo erukunxele murimaaya wa Muluku ni eroromele mwa Apwiyaahu Yeesu.

aGalata 5:3

Kinghimatho wa ootheene yaawo aniihiya yiineliwaka, weera awo annyesereriwa okwanihera malamulo ootheene.

awEfeso 4:17

Hiiho miyo kinooleelani, ni mwa Apwiya kinnanyeserera, weera muheettetho ntoko amalapo, aneetta mwa soowuupuwelasaya sa siiyo.

Deuteronomiyo 8:19

Nyuwosa mwamuttiwala Yave Mulukwaanyu muttharaka ni mulapaka miluku sikina weera mukokhorele ohoolowaya, kinoororomelihasani olelo weera vekhaikhai munoophwatiwa.

1 aTesalonika 4:6

Mwaha wa yeeyo, ahikhale mukina aneera amutthekele munneiye, naari ampakele yoonanara. Apwiya eniittaruxe miteko sootheene iyo, ntoko nooleenlaahuni nnenesene,