Nehemiya 13:13 - Emakhuwa Bible

¹³ Kaamukhaliha musaserdoti* Xelemeya, namalepa Zadoki ni muLeevi mmoha iitthaniwa Pedaya ntoko anamawehaweha a soosungiwa kimukhalihaka Hanani, mwaana a Zakuri, mwaana a Mataneya namakhaviheraaya, niwoko asilopwana awo yaari oororomeleya. Awosa yaari ahooleli a soosungiwa yaakawelaka asikhwaaya.

Nehemiya 13:13 Iomraidhean Croise

2 Mamwene 12:15

Khayaanyesereriwa waalikela eparatha* wa yaawo yaaliva anamiteko, niwoko yaari oororomeleya.

2 Mamwene 12:16

Wa soothesene, eparatha* yaakheliwa ntoko sooveleelela nthowa ni soottheka khayaaroihiwa Mpaani mwa Yave; yaari ya asaserdoti*.

2 Mamwene 22:7

Awosa animweetta moota woororomeleya; khoontthuneya weera ekileele moota amvarelaaya muteko musurukhu.”

Nehemiya 10:12

Zakuri, Xerebeya, Xebaneya,

Nehemiya 10:38

Musaserdoti* mmoha a ekhapira ya Aharoni aahooleke aLeevi yaakhelasaka mpatta wanaamuloko. Vano aLeevi eruuheleke Empa ya Mulukwaahu mpatta wanaamuloko sanaamuloko iyo, munsungiwamo.

Nehemiya 11:22

Mutokweene a aLeevi oYerusaleemu aari Uzi, mwaana mulopwana a Bani, mwaana mulopwana a Haxabeya, mwaana mulopwana a Mataneya, mwaana mulopwana a Mika. Uzi aari a ekhapira ya Asafi, mwa yeeyo yaari ahooleli a icipo Mpaani mwa Muluku.

Nehemiya 12:35

ni asaserdoti* akina ekunxeene mapalapatta omuhiya Zakariya, mwaana mulopwana a Yonatani, mwaana mulopwana a Xemaya, mwaana mulopwana a Mataneya, mwaana mulopwana a Mikaya, mwaana mulopwana a Zakuri, mwaana mulopwana a Asafi,

Nehemiya 12:44

Ehuhuweene yeele yaathanliwa ahooleli akina a moosungamo sooveleela, soowiima soopacera ni sanaamuloko. Soolimmwa saari mukhwipi wa esidade awosa waatthuneyaaya oruuhela moosungamo mipatta soonyesereriwa ni Nlamulo waavaha asaserdoti* ni aLeevi. Vekhaikhai muloko wa oYuda waahaahakalalela asaserdoti* ni aLeevi yaahoolela Mpaani mwa Muluku.

Nehemiya 3:30

Mukhwipimwawe Hananiya, mwaana mulopwana a Xelemiya, ni Hanuni, mwaana mulopwana anaathannamosa a Zalafi, yaarasela mpatta mukina. Mukhwipimwaya Mexulami, mwaana mulopwana a Berekiya, aarasela ohoolo wa aakonaawewo.

Nehemiya 7:2

Kaamukhaliha munnaka Hanani ntoko namalamula a oYerusaleemu vamoha ni Hananiya, mutokweene a esidade yoolipaxa, niwoko aari mulopwana oororomeleya, amoovaka Muluku waapwaha atthu ancipale akinaawo.

Nehemiya 8:4

Namalepa, Ezera, aaheemela musulusulu waapakeleliwe ni itthaabwa wa ehuhuweene yeele. Mukhwipimwawe, moonowaawe mulopwana, eemenle Matiteya, Xema, Anaya, Uriya, Hilikiya ni Mahaseiya ni moonowaawe muthiyana Pedaya, Mixayeli, Malekiya, Hasumi, Haxebadana, Zakariya ni Mexulami.

Luuka 12:42

Apwiya yaamwaakhula: “Vanonto, murumeiyi taani oororomeleya ni a miruku, Apwiya amukhalinghaaya muhooleli a arumeiyi weera aavahe yoocaaya wa ehuhu yootthuneya?

Miteko 4:35

ni yaahiikaathi vanaawoni sa arummwa, enakawana ntoko yeeyo mutthu aahaawelaawe.

Miteko 6:1

Mahukweene yaale, waandyeerereyaka waatta wa oohusera, aYuda yuulumale vaGrego variyariwaya yaahaattaandawula yaale yuulumale vaHeberi, niwoko asinaamukhwelaaya yannattiwaliwa mwa sookhaviherana sa khula nihuku.

Miteko 6:3

Axunna, mwaathanle variyariwanyu asilopwana athanneeli a onamoona wooreera, oosareya ni Munepa ni a miruku. Hiyo ninrowa waakhalihera muteko ola,

1 aKorinto 4:2

Ontthuneya weera ootheene oovahereriwa ohoolela ekhale oororomeleya.

1 Timootheyo 1:12

Kinimutthapela Kristu Yeesu Apwiyaahu, okivanghe ikuru ni onkiitthana oororomeleya, akikhalihaka mmutekoni ola.

1 Timootheyo 3:10

Epacereke toko wooniwa murimaaya, ni vahoolowaya yaahiphwanyiwa ni etthu yoowoothera, ekhaleke adikoni*.