Nehemiya 10:29 - Emakhuwa Bible

²⁹ aani, ootheene yaale yaathukumana ni axunnaya maneethi yiilipelelaka mulaponi ni munreelihoni weera etthare Nlamulo noovahiwa ni Muluku mwa Moisesi, murumeiyi a Muluku, ni weera yiiwelele ikano, soonyesereriwa ni malamulo ootheene a Yave, aani Yavaahu.

Nehemiya 10:29 Iomraidhean Croise

2 Mamwene 10:31

Wa soothesene, Yehu khaatthukuruwenle ni murima wootheene Nlamulo na Yave, Muluku a aYixrayeli. Khaahingye soottheka sa Yerobowami, mwa seiyo saatthekinghe aYixrayeli.

2 Mamwene 23:3

Mwene aaheemela vanrimbuni vamaithoni wa Yave anarehereratho wiiraana, aroromelihaka omutthara Yave ni wiiwelela malamulowaawe, ikanosawe ni soorumasawe ni murima ni okumi wootheene, akwaniheraka hiiho masu a wiiraana alempwale mulivuruni ela. Vano atthu ootheene yaahiiroromelihatho wiiraana.

1 Nyaha 9:2

Atthu akina-akina a muloko, a asaserdoti*, a aLeevi ni a arumeiyi yaarumeela Mpaani mwa Muluku, ti yaapacenre ohokoleela muttimanimwaya ni musidadenimwaya.

2 Nyaha 34:31

Owo aaheemela vanrimbunivawe, ni vamaithoni wa Yave, aarehereratho wiiraana, iiroromelihaka omutthara Yave ni wiiwelela ni murima wootheene ni okumi wootheene malamulowaawe, soolamulasawe, soorumasawe ni ikanosawe. Aahiiroromelihatho okwanihera masu a wiiraana alempwale mulivuruni mmwe.

2 Nyaha 6:16

Vano Yave, Muluku a oYixrayeli, mukwaniheretho yoororomelihaanyu mwaampakenlaanyu murumeiyaanyu Davide, atithaka, mweeraka: ‘Nyuwo khamurwa muhiya okhalano namarandela aneera akilaathele ehice ya emwene ya oYixrayeli, anamwaniinyu asilopwana yiipasoopa weetta nnenesene, ettharihaka malamulowaaka, ntoko nyuwo mumpakaanyu.’

Nehemiya 13:25

Miyo kaawoopopihasa ni kaawiitthanelasa malaphwaaya. Kaahaamana akina a yaawo ni kaarosola mayihaaya. Kaahaalipeliha mwa Nsina na Muluku kiweerelaka: “Muhaathelihetho anamwaniinyu wa asinamwanaya, hata ehitheliwe anamwanaaya ni anamwaniinyu hoye hoye ni nyuwosa.

Nehemiya 7:46

Arumeiyi a Empa ya Muluku: ekhapira ya Ziha, Hasufa, Tabayoti,

Nehemiya 8:2

Vano vanihukuni noopacera na mweeri wanaathanamiili musaserdoti*, Ezera, aaruuha Nlamulo ohoolo wa muthukumano wootheene wa asilopwana, asithiyana ni ootheene yaawera wiiwexexa.

Nehemiya 8:3

Aasoma arumihaka okhuma oxeexelo mpaka othana eriyari vanipuwani ohoolo wa Mulako wa Maahi, vamaithoni wa asilopwana, asithiyana ni yaawo yaawera wiiwexexa. Atthu ootheene yaawiriyana nnenesene osommwa wa Elivuru ya Nlamulo.

Nehemiya 9:2

Vano aYixrayeli yaamwalamwala ni anamarwa. Yaaheemela mmapuronimwaya elapaka sootthekasaya ni sootakhala sa makholowaaya.

Nehemiya 9:38

“Vano niwoko na sootheene seiya, nimpaka wiiwanana woolipaxa – mpakatho nilepaka. Asitokweenaahu, aLeevi ni asaserdotaahu animwaakhulela ni olepa.”

Icipo 105:45

weera yiiwelele ikanosawe ni ethokorore malamulowaawe. Munttottopele Yave!

Icipo 119:106

Koororomeliha ni nlipelo weera kinootthara malamulowaanyu a ekhaikhai.

Icipo 8:1

Ii! Yave, Pwiiyaahu, moota nunnungwaaya Nsinananyu mulaponi moothemwene! Ovuwawanyu oniipiwa wiirimu.

Icipo 8:9

Ii! Yave, Pwiiyaahu, moota nunnungwaaya Nsinananyu mulaponi moothemwene!

Yesaya 14:1

Yave onoomorela ikharari ekhapira ya Yakobe; onoothanlatho ekhapira ya Yixrayeli ni onootekiha mweelaponimwayaxa. Anamarwa anookhala ni yaawo epakelaka mpatta ekhapira ya Yakobe.

Yeremiya 26:4

Mwaaleele: ‘Yave oneera ha: Nyuwosa mwaahikiiwa, hata mwaahitthara malamulowaaka koovanghakani,

Yeremiya 34:15

Nnaanaanoni nyuwosa moorukunxa murima, munapaka yeeyo kinaakhulela: Khula mutthu a nyuwo oolaleiya otapuxiwa wa asikhwaawe. Nyuwosa moopaka wiiwanana ohoolowaka mpaani enkuxa Nsinanaka.

Ezekiyeli 36:27

Kinoohela wa nyuwosa Munepaaka, kipakiheke weera muttharihe ikanosaka ni mwiiwelele oororomeleyeene Malamulowaaka.

Levitiku 20:26

Nyuwosa mukhaleke ootteela wa Miyo, niwoko Miyo, Yave, ti Ootteela ni kohoomwaramwaxani eriyari ya miloko weera mukhale mulokwaaka.

Malekiya 4:4

“Muupuwelele nlamulo na murumeiyaaka Moisesi, ikano ni soolamulela kaamvanghaaka oHorebi, wa muloko wootheene wa oYixrayeli.

Nuumeru 5:21

vano hiiho musaserdoti* amulipeliheke ni nlapho muthiyana amweerelaka: “Yave oopakeeni etthu yoolamphwa ni onyoosiwa eriyari ya muloko, apakihaka weera erukulwaanyu esare ni muhiyarerutho.

Yohaane 1:17

Vano, nlamulo nivahiwe ni Moisesi, mahala ni ekhakhai erwiiye ni Yeesu Kristu.

Yohaane 15:14

Nyuwo mmwikhale asinthamwenaaka mwapaka yeeyo Miyo kinoolamulelaakani.

Yohaane 7:19

Moisesi khoovangheni nlamulo? Wa sootheene, khaawo a nyuwo oniiwelela. Heeni nyuwo munaasaanyu okiiva?”

Miteko 11:23

Owo aphiyaka weiwo ni oonaka mahala a Muluku, aahakalala ni aahaalipihera weera ekhaleke oororomeleya wa Apwiya ni murima wootheene.

Miteko 17:34

Alopwana akina yaathukumana ni yoowo ni yaaroromela. Variyariwaya aari Diyonisiyo, a wAreyopagu*, nitho muthiyana mmoha iitthaniwa Damari, ni akina vamoha ni yaawo.

Miteko 23:21

Muhiviriyeliwe, niwoko woopwaha asilopwana miloko mixexe aniireherera weera emwiipithele Pawulo. Awo aalipela weera khaanrowa oca, hata owura ehinaaye omwiiva Pawulo. Vano awo ahiireherera, ewehereraka weera mwaakhulele nivekelonaya.”

aRooma 12:9

Osivela okhale wa ekhaikhai. Muthanye yeeyo eri yoonanara, ni muvarexexe yeeyo eri yooreera.

Deuteronomiyo 33:4

eyo tiiyo Nlamo Moisesi aanivanghaawe; yoohiyeriwa ya muthukumano wa Yakobe.

Deuteronomiyo 5:1

Moisesi aahaathukumanyiha aYixrayeli ootheene anaweerela: “Mwiiwe aYixrayeli ikano ni sooruma kinooleelaakani olelo. Muxuttere ni mweettele nnenesene.

Deuteronomiyo 5:32

Tivawo, mwiipasoope woopaka sootheene Yave Mulukwaanyu oolamulenlaaweni; muhihapuweru.