Nehemiya 1:7 - Emakhuwa Bible

⁷ Noheetta ntoko attiyamaaru woowuuliheya muru wa Nyuwo. Khaniiwelenle ikano, malamulo ni soonyesereriwa mwaamvanghaanyu murumeiyaanyu, Moisesi.

Nehemiya 1:7 Iomraidhean Croise

1 Mamwene 2:3

Mwiiwelele yeeyo Yave Mulukwaanyu ontthunaawe: Mweette mphironimwawe ni mwiiwelele ikanosawe ni soolamulasawe; malamulowaawe ni sootthuneyasawe, ntoko elempwalaaya muNlamuloni na Moisesi. Hiiho itthu sinooweettelani nnenesene mwa sootheene muneeraanyu mpake ni mmapuroni moothemwene muneeranyu murowe.

2 Nyaha 25:4

Wa soothesene khaawiivale anamwane asilopwana a anamwiiva, attharihaka yeeyo elempwale munlamuloni, mulivuruni ya Moisesi, olamulenlaawemo Yave: “Asitiithi khaanaakhwela anamwanaaya, hata anamwane khaanaakhwela asitithaya; khula mutthu anaakhwele yootthekaawe.”

2 Nyaha 27:2

Owo aapaka onaakhulelaawe Yave, ntoko yaapankaaya atithawe, vaheera ovirikanawaya, owo khaavolongwe Mpaani mwa Yave. Wa soothesene, muloko waapwaherera ni ipakelosaya soonanara.

Ezera 7:6

Vano Ezera owo aarweenle oBabiloniya. Aari namalepa aasuwelanxe nnenesene Nlamulo na Moisesi naavahiwe ni Yave, Muluku a aYixrayeli. Mwene aamvaha sootheene aavekenlaawe niwoko ntata na Yave Mulukwaawe naari mwa yoowo.

Icipo 106:6

Hiyo noottheka ntoko makholowaahu yaatthenkaaya; hiyo noopaka soonanara, nnakhala attiyamaaru.

Icipo 89:31

awosa yavirikanyiha soolamulasaka ehipwatthaka sootthunasaka,

Icipo 89:32

kinimwaalaka ni ekopo ni sootapanyasaya ni ekwamba.

Yesaya 1:4

Ii!, muloko woottheka, ekhapira elemelingwe sootakhala, nakupa a anyali; anamwane avaheriwe ohitteela! Awosa aamuhiya Yave; aamuramusa Ootteela a oYixrayeli, emukhoottaka Yoowo.

Daniyeli 9:11

aYixrayeli ootheene aahiya nlamulonanyu, enahapuwa, ekhoottaka owiiwelelani. Tivawo malapho ni mahooxo alempwale munlamuloni na Moisesi, murumeiyi a Muluku, animorenlaaya, niwoko nohootthekelani Nyuwo.

Daniyeli 9:13

Irisa sootheene iye saanikhumelela ntoko elempwalaaya munlamuloni na Moisesi. Hata hiiho khanaanse waakhuleliwa ni Yave Mulukwaahu, nihiyaka sootthekasahu ni nittharaka ekhaikhaiyaawe.

Hoxeya 9:9

Awosa aasareya soonanara soohiyanahiyana ntoko mmahukuni a oGibeya. Muluku onimuupuwelela sootakhalasaya ni onimwaattaruxela sootthekasaya.

Levitiku 27:34

Iya ti ikano, malamulo ni soolamula Yave aakhalinghaawe vamwaako oSinayi variyari wa Yoowo ni aYixrayeli mwa Moisesi.

Zefaniya 3:7

Miyo kaaheerela esidade: ‘Woohihovela nyuwo munookoova ni munimwaakhulela wookoleliwa!’ Vano hiiho, woomakawanyu khawaamalamalihiwa, hata khayaamorelamo mattaruxowaaka ootheene. Vaheera awosa yaahaawelaxa opaka moota wootheene wa yoonanara.”

Malekiya 4:4

“Muupuwelele nlamulo na murumeiyaaka Moisesi, ikano ni soolamulela kaamvanghaaka oHorebi, wa muloko wootheene wa oYixrayeli.

Deuteronomiyo 4:1

Vano mwiiwe aYixrayeli ikano ni malamulo kineeraaka kooxuttiheni. Mwiiwelele yaawo weera mukhale ni okumi ni mwakuxe elapo Yave Muluku a makholowaanyu onoovahaaweni.

Deuteronomiyo 4:5

Moone, kohooxuttihani ikano ni malamulo ntoko aakilamulenlaawe Yave Mulukwaaka weera mwiiwelele yaawo mweelaponi muneeraanyu mvolowe weera mwakuxase.

Deuteronomiyo 5:1

Moisesi aahaathukumanyiha aYixrayeli ootheene anaweerela: “Mwiiwe aYixrayeli ikano ni sooruma kinooleelaakani olelo. Muxuttere ni mweettele nnenesene.

Deuteronomiyo 6:1

Ala ti malamulo, ikano ni soolamula sootheene Yave Mulukwaanyu aakileenlaawe weera kooxuttihaseni wiiwelela mweelaponi munrowaanyu okuxa.

Ethupululo 19:2

niwoko nthorihelonawe nri na ekhaikhai ni noororomeleya. Owo oomuthoriha puuta mutokweene onanaringhe elapo ya vathi ni oraruwawawe. Aahiinlela ikuhu ephome ya arumeiyaawe.”