Namalaleiya 9:3 - Emakhuwa Bible

³ Yoonanara eri mwa sootheene sineereya mulaponi ya vathi ela, ti ela: Ommaleloni wa ootheene, ti omoharu. Ohiya sikina iyo, murima wa atthu woosareya soonanara ni soololo mookumini wootheene ni ommaleloni awosa animookhwa.

Namalaleiya 9:3 Iomraidhean Croise

Epacerero 6:5

Yave aahoona waandyeerereya wa sootakhala sa atthu mweelaponi ni weera soowuupuwela sa mirimasaya sannaasaasa mahuku ootheene seiye siri soonanara paahi.

Epacerero 8:21

Vano Yave aahoona wunkhela wooreeraxa ni aahiixeerela: “Nkirwa kilaphatho etthaya niwoko na mutthu, orookhalaru murimaawe woosareya ni soonanara okhuma oyariwawawe. Nkirwatho kiphwata itthu sootheene siri ni okumi ntoko kipankaaka emaara ela.

Yobi 15:16

wootepaxa mutthu oothanyeya ni ootakhala; mutthu ongwura sootakhala ntoko angwureliwaaya maahi.

Yobi 21:26

Mukina ni mukhwaawe aniixaatalela vantthupini, ooweeli esareiyeene nyuungu.

Yobi 9:22

Sootheene emohamoharu; tivawo kineeraaka Owo onimphwata okhuma ookwanela mpaka mutakhali.

Icipo 51:5

Vekhaikhai kiri namattheka eyareliwaaka; aani okhuma ehuhu yaakirupanlaaya amayaka.

Icipo 64:7

Vaheera Muluku onimwaalathela nyuupasawe; anoovulalihiwa woowaakuveya.

Masu a Miruku 14:32

Yaaphiyaka ehasara, atakhali anoophwatiwa; wa soothesene, mpakatho mookhwaani oororomeleya anoophwanya ntthawelo.

Namalaleiya 1:17

Tivawo kiilipihenraaka weera kiiwexexe miruku, mpakatho ololo ni ohimiruku, vaheera kooxuttera weera iwotho ti woomola epheyo.

Namalaleiya 12:7

ni ntthupi nihinaaye ohokoleela vatthayani nikhumelenlaayawo, ni munepa ohinaaye ohokoleela wa Muluku ovanghe.

Namalaleiya 2:14

Mutthu a miruku ookhalano maitho anoona, vaheera mulolo oneetta mpiphini; wa soothesene, kaahoona weera ooweeli arino ommaleloni omoharu.

Namalaleiya 7:2

Fataari orowa omarironi ohikhanle ofestani, niwoko okhwa ti ommaleloni wa ootheene; akumi ehikuxereke matheela yeeyo!

Namalaleiya 7:25

Tivawo kikhalenlaaka nthiti wiiwexexa, waasaasera ni waasaasa miruku ni osuwela moota siraaya itthu, ni weera kiiwexexe ohimiruku wa otakhala ni ololo wa ohimiruku.

Namalaleiya 8:11

Sootakhala saahittaruxiwaka woowaakuveya, murima wa mutthu onsareya soovaanela weera apake yoonanara.

Namalaleiya 9:11

Kohoonelela etthu ekina mulaponimu: Ooweraxa otthimaka, khaangwina mahuku ootheene a otthimakawaya; oolipa khaangwina mahuku ootheene mukhottoni; asuweli khaankhalano yooca mahuku ootheene; anamiruku khaankhala mathadyiri mahuku ootheene; niwoko ehuhu ni mikhalelo sinaakhalela ootheene.

Namalaleiya 9:2

Ootheene arino ommaleloni omoharu: Oororomeleya ni mutakhali, ooreera murima ni oonanara murima, ootteela ni oohitteela, ompaka sooveleela ni ohimpaka. Yeeyo emmweereela mutthu ooreera murima, emmweereelatho namattheka; emmweereela yoowo onroromeliha, emmweereelatho yoowo onoova ororomeliha.

Namalaleiya 9:4

Yoowo ori eriyari ya akumi ookhalano oweherera; vano, fataari mwalapwa mukumi ohikhanle mwatto ookhwa.

Yeremiya 16:12

Vaheera nyuwosa mootepihaxa waapwaha makholowaanyu. Moone moota khula mutthu a nyuwo onttharaawe ettiyamaaru ya murimaawe woonanara, ohiya okiiwelela Miyo.

Yeremiya 17:10

“Miyo, ti Yave kinoota murima ni kinoona nnenesene soowuupuwelasaya weera khula mutthu kimutthuvele, kittharihaka mweettelowaawe, aani mwa soopakasawe.”

Yeremiya 17:9

Murima ti woolokotthaxa opwaha itthu sootheene ni erettaaya ti yoohilameya. Khaawo anaawere wiiwexexa.

Luuka 15:17

Uupuwelaka meekhaawe, aahiixeerela: ‘Atithaka aakhalano anamiteko ancipale arinaaya sooca soowaatta, ni miyo nno kihanle vakhaani okhwa ni etala.

Luuka 6:11

Vaheera awosa yaanyoonyiwaxa ni yaapacera ovaanela yaaworu weera epake eheeni ni Yeesu.

Miteko 12:23

Woonaka weera Herodi khaamvuwiha Muluku, woowaakuveya ndyelo a Apwiya aamuvulaliha, ni owo aahookhwa akhuuriweene ni nyuungu.

Miteko 26:11

Imaara sincipale kannarowa muSinagogani* weera kaattaruxe, ni keerera waanyesereriha oveiha. Waakhalelawaka isara yaawo, kannarowa isidade sa ilapo sikina weera kaattharatthare.

Miteko 26:24

Ehuhuweene yeele, Festo aahooceeliha wiixaakiha wa Pawulo, eeraka ni nsu ntokotoko: “Nyuwo Pawulo, munkhwa anepa. Oxutterawanyu wincipale wohooruuhelani anepa!”

Titu 3:3

Khalayi hiyotho naari oohikhala ni miruku, oohiiwelela, oolokotthiwa, ni ootthukiwa ni mikhalelo soohiyanahiyana sa soohaawela sa erutthu. Naakhala mootakhalani ni munrimani, nireene oothanyeya, nithanyanaka mukina ni mukhwaawe.

2 Pedru 2:16

mene aahoopereriwa mwa otakhalawawe ni buuru mmoha, enama yoohuuluma, yuulumale ni nsu na mutthu ni aahooceeliha ololo wa mprofeeti ole.