Namalaleiya 9:2 - Emakhuwa Bible

² Ootheene arino ommaleloni omoharu: Oororomeleya ni mutakhali, ooreera murima ni oonanara murima, ootteela ni oohitteela, ompaka sooveleela ni ohimpaka. Yeeyo emmweereela mutthu ooreera murima, emmweereelatho namattheka; emmweereela yoowo onroromeliha, emmweereelatho yoowo onoova ororomeliha.

Namalaleiya 9:2 Iomraidhean Croise

Epacerero 24:3

ni omulipele Yave Muluku a wiirimu nitho a elapo ya vathi weera ohimwaasere muthiyana mwanaka variyari wa anamwane asithiyana a oKanaani, eriyari ya yaawo miyo kimankaaka.

Yobi 9:22

Sootheene emohamoharu; tivawo kineeraaka Owo onimphwata okhuma ookwanela mpaka mutakhali.

Icipo 73:3

Kaahaakhalela nrima oowiixoona koonnaaka siweettelaka nnene atakhali ale.

Namalaleiya 2:26

Wa mutthu onimusiveliha Muluku, Owo onimvaha miruku, esuwelo ni weetteleya nnene. Vaheera wa namattheka, Muluku onimvaha muteko woothukumanya ni woothokorora mihakhu weera amvahe yoowo onimusiveliha. Eyotho kheentaphulelaru etthu, ti woomola epheyo paahi.

Namalaleiya 3:19

Ommaleloni wa mutthu onoolikana wa mwaamunama. Ommaleloniwene weiwo onimwaaweherera. Mooteene yoowo onkhwaawe mmoha, onkhwatho mukinoowo. Ootheene arino ngwiya mmohamoharu wa okumi; mutthu khanooneleyaxa ompwaha mwaamunama. Eyo kheentaphulelaru etthu.

Namalaleiya 6:6

hata owo akhalaka wa iyaakha macira miloko miili ahipuhaka weetteleyawawe nnene. Ootheene anrowa omoharu weiwo.

Namalaleiya 7:18

Fataari ovarexexa olakiwa omoha muhihiyaka okina, niwoko yoowo ommova Muluku onootthara soopiili.

Namalaleiya 7:2

Fataari orowa omarironi ohikhanle ofestani, niwoko okhwa ti ommaleloni wa ootheene; akumi ehikuxereke matheela yeeyo!

Namalaleiya 9:11

Kohoonelela etthu ekina mulaponimu: Ooweraxa otthimaka, khaangwina mahuku ootheene a otthimakawaya; oolipa khaangwina mahuku ootheene mukhottoni; asuweli khaankhalano yooca mahuku ootheene; anamiruku khaankhala mathadyiri mahuku ootheene; niwoko ehuhu ni mikhalelo sinaakhalela ootheene.

Namalaleiya 9:3

Yoonanara eri mwa sootheene sineereya mulaponi ya vathi ela, ti ela: Ommaleloni wa ootheene, ti omoharu. Ohiya sikina iyo, murima wa atthu woosareya soonanara ni soololo mookumini wootheene ni ommaleloni awosa animookhwa.

Yeremiya 43:6

Yaahaakuxatho asilopwana, asithiyana ni asinamwane ootheene, anamwane asithiyana a mwene, mwa yaawo Nebuzaradani, aamuhiyenraawe Gedaliya, mutokweene a anamalipelela a emwene, mwaana mulopwana a Ahikami, mwaana mulopwana a Xafani. Vano mprofeeti Yeremiya ni Baruki, mwaana mulopwana a Neriha yaatakanseriwatho.

Malekiya 3:15

Tivawo, vano ningwoonelaahu okhala oohakalala anamwiixoona, niwoko sinnaweettelaxa nnene yaawo ampaka yoonanara. Mpaka yaawosa aningwanano Muluku animoopowa!’”

Malekiya 3:18

Hiiho, nyuwosa munimoonatho ovirikana eriyai ya oororomeleya ni mutakhali, eriyari ya yaawo animurumeela Muluku, ni ahinimurumeela.”

Malekiya 3:5

“Miyo kinimoorwa wa nyuwosa ntoko Mphuki. Woohipisa, kinookhalela onamoona mwaha wa akhwiri, anamararuwa, anlipela vasiiyoniwene ni wa yaale angwiiyera anamiteko ngwaalivani, anaahasula akwaasuni ni asinaamukhweli, ehooniheraka soophwanela wa anamarwa, ni ahinkittittimiha Miyo,” oneera Yave a ikuru sootheene.

1 Samuweli 14:26

Evolowakaru ntuphini, yaahoona oravo okhwalalaka, mene khaawo aaciiye yoovaka nlipelo.