Namalaleiya 9:10 - Emakhuwa Bible

¹⁰ Yeeyo antthunaaya ovara matataanyu, mpakeke ni ikurusanyu sootheene, niwoko mmahiyeni munrowaanyumo, khoowoworu muteko hata yoovaanela; kheewoworu esuwelo naari miruku.

Namalaleiya 9:10 Iomraidhean Croise

Epacerero 37:35

Anamwanaawe asilopwana ni asithiyana yanneerera ompepesa, mene owo aakhootta opepesiwa, eeraka: “Hoye! Kinoomwiinlela mpaka kineeraaka kikhale vamoha ni mwanaka mookhwaani.” Vano owo aapwaherera omwiinlela.

1 Nyaha 22:19

Vano, mmwaase Yave, Mulukwaanyu ni murimaanyu wootheene ni okumaanyu wootheene. Mpacereke oteka Nipuro Nootteela* na Yave Muluku, weera nyuwosa ngwere waaruuha Arka* a Yave, ni ikaruma sootteelihiwa siri sa Muluku, wa Mpaani mwa Yave eniitekiwe nittittimihereliwaka Nsina na Yave.”

1 Nyaha 28:20

Davide aamweerelatho: “Olipe ni ominye murima! Ovare muteko! Ohoove hata ohiporore, niwoko Muluku, Yave Mulukwaaka, ori ni weyo. Owo kharwa oohiya hata oothaama mpaka omala otekiwa wootheene wa Empa ya Yave.

Nehemiya 2:12

kaavenya ohiyu ni asilopwana akina vakhaani. Nkaamuthalihenre naari mutthu mmoha yeeyo Mulukwaaka iikaathenraawe mmurimanimwaka yoopakela oYerusaleemu. Nkaamukuxaleru mwaamunama mukina ahikhanle yoowo kaangwenlaaka.

Nehemiya 4:2

vamaithoni wa asikhwaawe ni anakhotto a oSamariya aaheera: “Ampakasani aYuda oohilipa ale? Weeraka eniirasele exiraaya? Mpaka epakele sooveleela? Eniimalihe muteko munihukuni nimoha paahi? Weeraka eniiwere ovenyereriha maluku ale oohisiwa oovarela muteko a mittunduruma iye sa ittuxo?”

Nehemiya 4:6

Vano nneera niraselaka exiri mpaka wunnuwawaya, noophiya eriyari ya orakamelawaya osulu, niwoko atthu yaavara muteko ni murimaaya wootheene.

Yobi 10:21

kihinaaye orowa nipuro nihinghokoloiwa, wa elapo ya nyunttuusi ni epiphi yooriipihana,

Yobi 10:22

wa elapo ya ewiriphi ni nyunttuusi soowoopiha, aani naari oreenewo waara enooneyaaya epiphiru.”

Yobi 21:13

Awosa ongweetteleya nnenesene okumaaya, enavithiwa mmuretteleni.

Icipo 6:5

Vano okhwiiye khangwuupuwelelani; taani a akhwiiye aneera oottottopeleni?

Masu a Miruku 3:28

Ohimweerele mukhwaawo: “Ohokoloweke omaalo, koovaheke etthu, owereyaka omukhavihera olelo.

Namalaleiya 11:3

Mahutte yakungela, angyeehera epula mulaponi. Naari mwiri omorenleene mpatta wa ohitto hoye hoye ottuttuwani, weiwo oneeraaya omoreleru, onookhalawo.

Namalaleiya 11:6

Mwaale oxeexelo mmiswaanyu, ni naari oxekuwaka, muhiikhuraane, niwoko khamusuwenle yeeyo eniikhumelele; apaale ela hoye hoye ele ti eneera yiime hoye hoye soopiili sinooreera.

Yesaya 38:10

Keenre: “Miyo nlelo kihuuluvanleene, vano onootthuneya orowa vamulako wa okhwa ni ovukuleliwa iyaakhasaka sihanle?”

Yeremiya 29:13

Nyuwo mmwikaase ni munookiphwanya mwakaasa ni murima wootheene.

Nuumeru 13:30

Vano Kalebi aamaaliha muloko ohoolo wa Moisesi, aneera: “Nrowe nakuxe elapo ni hiyo nnoowera yeeyo!”

Matheyo 20:7

Awo yaamwaakhula: ‘Niwoko khaawo onilempe muteko.’ Vano, aaweerela: ‘Muroweke nyuwotho mmattamwaka ya iwuuva*.’

Matheyo 6:33

Mwaasaase toko omwene wa Muluku ni opaka otthunawawe, ni itthu seiyo sootheene mmwivahiwe nyuwo.

Yohaane 4:34

Yeesu aaweerela: “Yoocaaka ti opaka otthuna wa Yoowo okiruminghe ni omaliha mutekwaawe.

Yohaane 9:4

Oreene nlelo othana, onthuneya weera hiyo nipake muteko wa Yaale akiruminghe. Ohiyu onookhuveela aneeraawe ahikhale anaavare muteko.

aRooma 12:11

Nihoohaleelekeni nthiti, mwiiminyaalele mmunepani, mwaarumeeleke Apwiya.

1 aKorinto 15:10

Vano, niwoko na mahala a Muluku miyo kiri yeeyo kiraaka, ni mahalaawe wa miyo khayaahiyono a siiyo. Mwa yeeyo koovara muteko waapwaha yaawo ootheene, wa soothesene nkihiyono miyo, mene mahala a Muluku yaari ni miyo.

1 aKorinto 16:10

Vano, awa Timootheyo, mweeteteyeke weera akhale oohoova areene ni nyuwo, niwoko owo onaavarela muteko Apwiya ntoko miyo.

1 aKorinto 9:24

Khamusuwenle weera ori mmoha paahi wa yaawo antthimaka mumpikisaanoni anaakhele ntthuvelo? Mutthimake mooteene yoowo weera muwine ntthuvelo.

1 aKorinto 9:26

Wa hiihaawo, miyo nkintthimaka ntoko mutthu ohinsuwela onkelaawewo, ni nkingwana ntoko mutthu ommana epheyo.

awEfeso 5:16

mvarelaka muteko nnenesene ehuhu yootheene, niwoko mahuku ala ari oonanara.

aKolosi 3:23

Sootheene mumpakaanyu, mupakeke ni murima wootheene ntoko wa Apwiya, ohikhanle wa atthu,

1 Samuweli 10:7

Hiiho sineeraaya sikwanihereyeke ineneero iyo, mwapake yeeyo eniyooreereleni, niwoko Muluku ori ni nyuwo.