Namalaleiya 4:1 - Emakhuwa Bible

¹ Kaawehatho, kinoona nihasu nootheene nneereya mulaponimu: Kaahoona maithori a oohooxiwa ni khaakhanleru oowaapembesa; olamula ti wa anamahasula, ni khawoworu oowaapembesa.

Namalaleiya 4:1 Iomraidhean Croise

Yobi 16:4

Nyuwo mwaakhanle vanipuroniwaka, miyo kaangwera wuuluma ntoko nyuwosa; kaangwera woothorihani ni masu ooreera koopukunyerakani muru.

Yobi 35:9

Atthu aniikhupanyera elemeliweene ni mahooxo; andyoonttelela weera yaatapuxe mmatatani mwa aweri.

Yobi 6:29

Moonelemo mulattu, muhikhale oohiroromeleya; mutthokeleletho, niwoko okwanelawaka ori mwa yeeyo.

Yobi 9:24

Elapo yaamorelaka mmatatani mwa atakhali, Owo onkuttelela maitho a aphuki. Aahikhala Yoowo, anaakhale taani?

Icipo 12:5

Yave oneera: “Kinoovenya vaanaanova niwoko na ohasuliwa wa oohilipa ni okhuwela wa oohaawa. Kinimwaapakela ekhaviheroweene yeeyo antthunaxaaya.”

Icipo 142:4

Ngwehe mpatta wa moonowaaka mulopwana ni moone – khaawo onkipwattha. Nkinonoru wootthawelawo; khawowo ompwattha okumaaka.

Icipo 142:5

Miyo kinookhuwelelani Nyuwo Yave, keeraka: “Nyuwo ti Wootthawelawaka; mweelaponi ya akumi kinoororomelani Nyuwo paahi.”

Icipo 42:3

Yoocaaka ti maithori othana ni ohiyu, atthu ekikohaka nihuku nootheene: “Mulukwaanyu ori woowi?”

Icipo 42:9

Kaamweerela Muluku Mwalaaka: “Heeni munkittiwalaanyu? Nkivenyereke heeni kaasaka weetta ni kilalamikaka, amwiittanaaka ekihasulaka?”

Icipo 69:20

Otheiwa wookiriipiha murima, nkinoona yooweera! Kaasaasa ikharari, mene nkiphwannye; kaahaadyoonttelela anamapepesa, mene khayaawoworu.

Icipo 69:21

Aahela yoowaawa muyoocanimwaka ni kaavoliwaaka ntthona, yaakivaha eviinyu yoonyuunya.

Icipo 80:5

Moociha mulokwaanyu ni sooca sa maithori; moowuriha ekoomixi ya maithori.

Okhuma 1:16

“Mwaakhaviheraka aHeberi oyara, mungweheke aari mulopwana. Akhala, mmwiive; akhala muthiyana munghiyeke ni okumi.”

Okhuma 1:22

Farawu* aahaalamulela atthwaawe ootheene moota ola: “Mwaavonyere mmoolokoni Nilu asilopwana ootheene eneera eyariweke, mene anamwane asithiyana, mwaahiyeke.”

Masu a Miruku 19:7

Oohaawa khanooneliwamo ni amusaawe ootheene, wootepaxa ni asinthamwenaawe! Naari owo awaasaka weera aavekele ekhavihero, khanaaphwanyaru.

Masu a Miruku 28:3

Namahaawa onthatuwa mpuhi anaahasula oohaawa, ori ntoko ettheku yootutuxereya emphwata soophatteiwa sootheene.

Masu a Miruku 29:2

Oororomeleya yaawinaka, muloko onoohakalala; atakhali yaalamulaka muloko onimwiipulela.

Namalaleiya 3:16

Kohoonelelatho etthu ekina mulaponimu: vanipuroni na ekhaikhai wookhala otakhala, vanipuroni na wookoleleya, yookhalaxa yoonanara.

Namalaleiya 5:8

Nyuwo mwamoona namahaawa ahasuliwaka mulaponi emoha, munoonatho weera onkhootteliwa soophwanela ni ekhaikhai, muhituthuwe; vano, khula mutokweene ookhalano namalamulaawe mutokweenexa, ni wa ooweeli awo, aakhalatho anaapwaha.

Namalaleiya 7:7

Ewinelo yoohiroromeleya enimutatuxa musuweli okhala mulolo, ni makhwankwa annanariha murima.

Namalaleiya 8:9

Sootheene iyo koonne kiixinnyereraaka otthokelela sootheene simpakiwa elapo ya vathi. Sookhala ihuhu mutthu onaalamulaawe akina, ommaleloniwaya oreene wiithananiha.

Yesaya 5:7

Ematta ya iwuuva* ya Yave a ikuru sootheene ti ekhapira ya Yixrayeli ni asilopwana a oYuda ti nttimbe Owo aasivelaawe. Owo aaweherera ekhaikhai, mene oona oyeehiwa wa ephome; aasaasa wookoleleya, mene iiwale sookhuwela sa ohasula.

Yesaya 51:23

Kinimwiikaathi mmatatani mwa anamahasulaanyu yaaweerelani: ‘Muurame weera noovireeni ni nyuwo mwaahaatalela makhataanyu ntoko etthaya ni musewe omviriwa.’”

Yesaya 59:7

Inaawosaya sintthimakela yoonanara; awosa khaampisa oyeeha ephome yoohinthowa. Soowuupuwelasaya ti soonanara; ophwata ni ohonona ti ineneero sa iphirosaya.

Yeremiya 16:7

Khaawo anaavahe yooca yoowaalipihera yaale angwiinlela anamakhwa ni khaawo anaavahe yoowura ya opepesa – hata wa tiithi naari wa maayi.

Icipo Soolalamika 1:16

Tivawo miyo kiniinlaaka; mmaithonimwaka esareiyeene maithori. Khawoworu onkaattamela weera akipembese, khawoworu onreherera okumaaka. Anamwanaaka khaanonoru oowaakosoopa, niwoko mwiittana oopwaherera owina.”

Icipo Soolalamika 1:17

“Siyoni ontheteya nyoono adyoonttelelaka, mene khawoworu onimpembesa. Yave oolamulela weera amwaattamana a Yakobe ethatuwase amwiittanaawe; Yerusaleemu oothatuwa etthu yoohitteela eriyaraaya.

Icipo Soolalamika 1:2

Ohiyu onimwiinlaxa, maithoraaya ankhwalala owiithowaya. Variyari wa oosiveleyaawe ootheene khawoworu onimpembesa. Asinthamwenaawe ootheene aamvariha; aani aathatuwa amwiittanaawe.

Icipo Soolalamika 1:9

Ohitteelawawe woosareya mukuwoni; eyo khayaaweherera ophiya ommaleloniwaya. Omorawaya waari woowuumiha owanoni; khaawo arwiiye opembesa.”Ii! Yave, moone othananawaka niwoko mwiittana oowina.”

Amosi 3:10

“Awosa khaangwera okhalano mweettelo woowookoleleya,” onghima Yave, “awosa anthukumanya moolipamwaya seiyo yiiyalaaya ni ahuhunlaaya.”

Amosi 3:9

Mulaleerele moolipamo mwa wAxedode ni mwa wExipitu: “Muthukumane mmanyaakoni sa oSamariya, weera moone munyakunyaku mutokotoko ori musidadeni mmo, ni nihasu nri eriyari ya mulokwaaya.”

Malekiya 2:13

Yookhalatho etthu ekina nyuwosa mumpakaanyu: Munaasariha maithori altaari* a Yave; muniinla, mwiipulelaka, niwoko Owo khampwatthela sooveleelasanyu, hata khanaakhela mmatatanimwanyu ntoko soowaakhuleleya.

Malekiya 3:18

Hiiho, nyuwosa munimoonatho ovirikana eriyai ya oororomeleya ni mutakhali, eriyari ya yaawo animurumeela Muluku, ni ahinimurumeela.”

Malekiya 3:5

“Miyo kinimoorwa wa nyuwosa ntoko Mphuki. Woohipisa, kinookhalela onamoona mwaha wa akhwiri, anamararuwa, anlipela vasiiyoniwene ni wa yaale angwiiyera anamiteko ngwaalivani, anaahasula akwaasuni ni asinaamukhweli, ehooniheraka soophwanela wa anamarwa, ni ahinkittittimiha Miyo,” oneera Yave a ikuru sootheene.

Matheyo 26:56

Sootheenetho iya seereiye weera ekwaniheriwe Yoolempwa* ya maprofeeti.” Vano oohusera ootheene yaamuhiya ni yaatthawa.

Deuteronomiyo 28:33

Muloko muhisuwenlaanyu onuuce sooruwera sa elapwaanyu ni mitekosanyu sootheene ni nyuwosa mmwihasuliwe woonanara mahuku ootheene.

Deuteronomiyo 28:48

vano nyuwosa mmwaarumeelase amwiittana aneeraawe oorumiheleni Yave, nyuwosa mureene mutalani ni muntthonani, moosiwani ni oohaawaxa. Owo anaahele nivatta na eyuuma muxikomwanyu mpaka aneeraawe oophwateeni.

Yakobe 5:4

Moone, nlivo na anamiteko ahemphe mmattamwanyu nyuwo muhaalimvaanyu ninniitthanaxa. Olalamika wa anamahepha wohiiwiwa ni Apwiya a ikuru sootheene.

Ahooleli 4:3

Aarino ikaaro sa iyuuma macira mathannamaxexe annaahooxa woonanara aYixrayeli wookwana iyaakha miloko miili, tivawo aYixrayeli yaamukhuwelenlaaya Yave weera aakhavihere.