Namalaleiya 3:14 - Emakhuwa Bible

¹⁴ Koosuwela weera sootheene Muluku opankaawe, sinoopwaherera wa mahuku ootheene; wa yeeyo kheenaandyeerereya etthu, hata kheemvukuwaru etthu. Muluku opakenle hiiho weera atthu emoove.

Namalaleiya 3:14 Iomraidhean Croise

2 Samuweli 22:31

Ephiro ya Muluku ti yookwanela; masu a Yave ti oophwanela ororomela. Owo ti yoowiixaakihera wa ootheene animuroromela.

Icipo 33:11

Vaheera soovaanela sa Yave sinkhala mahuku ootheene ni soowuupuwela sa murimaawe simpwaherera wa ikhapira sootheene.

Icipo 64:9

Atthu ootheene a elapo ya vathi animoova; anoolaleiya miteko sa Muluku etthokelelaka seiye opankaawe.

Icipo 76:10

Mpaka isara munaakhalelaanyu atthu sinimooruuhelani ottottopela ni eniihalahale musaranimwanyu anoohiiheya.

Masu a Miruku 19:21

Vamurimani wa mutthu sookhala soovaanela sincipale, vaheera ompwaherera ti olakawawe Yave.

Masu a Miruku 21:30

Khasiwoworu miruku, hata iseru, naari yoovaanela singwera omvaanya Yave.

Masu a Miruku 30:6

Muhaandyeerere maswaawe, ohiyanawaya, onimoohiihani awooniherakani weera nyuwo namootha.

Namalaleiya 12:13

Vano, seenre siiwiwa sootheene, emaliherowaaka ti ela: Mmoove Muluku ni mwiiwelele malamulowaawe, niwoko eyo ti yootthuneyaxa wa mutthu.

Namalaleiya 5:6

Muhitthunihere eyanowaanyu wootthekihani. Muhimweerele namutthenga a Empa ya Muluku: Kootapanya opaka nlipelo nna.’ Omunyoonyihera heeni Muluku ni yeeyo munghimaanyu, ni omuhiyera heeni aphwataka yeeyo mpankaanyu?

Namalaleiya 5:7

Sooloha sincipale ni masu mancipale khaantaphulelaru etthu. Tivawo mmoovekeno Muluku.

Namalaleiya 7:18

Fataari ovarexexa olakiwa omoha muhihiyaka okina, niwoko yoowo ommova Muluku onootthara soopiili.

Yesaya 46:10

Okhuma ompacereroni Miyo kinsuweliha ommaleloni; okhuma khalayi seiye sineera seereye. Miyo kineera: ‘Otthunawaka onoopwahereraxa ni kinoopaka sootheene sinkisiveliha.’

Daniyeli 8:8

Epuri yaahunnuwaxa, mene ereene ya ikuruxa, nnyakanaya ntokweene naapwexiwa, ni vanipuroniwaya manyaka maxexe matokotoko yaahunnuwa ewehaka mipatta mixexe sa vathi.

Miteko 2:23

Muluku aalakela ni aalamulela khalayi weera Mulopwana Owo muvahereriwaanyu nyuwo ni ekhavihero ya atthu ootakhala. Vano mwaamwiiva, munkhomelaka vamuttandani.

Miteko 4:28

Awo yaapaka yeeyo Nyuwo mwaalakenlaanyu mwa ikurusanyu ni otthunawanyu khalayi weera ekhumelele.

Miteko 5:39

mene sakhumelela wa Muluku, nyuwo khamungwera owooceeliha, ni munookhala ngwoopihani owana ni Muluku.”

aRooma 11:36

Vano, sootheene sinrweela wa Muluku, sinkhala niwoko na Yoowo ni sinimukhalela Yoowo. Wa Yoowo okhale ovuwa wa mahuku ootheene! Ame*.

awEfeso 3:11

ntoko soovaanelasawe sa khalayi Owo okwanihenre mwa Kristu Yeesu, Apwiyaahu.

Deuteronomiyo 32:4

Owo ti Mwala; mitekosawe ti soomalela ni ephirowaawe eri ya ekhaikhai. Owo ti Muluku oororomeleya ohinghiyanyiha; aani ti a ekhaikhai ni oowookoleleya.

Titu 1:2

Nroromelo ni esuwelo ela yoolipiheriwa munroromeloni ya okumi woohimala, mwa yoowo Muluku oohootha aaroromelihalaawe ehinaaye ehuhu.

Yakobe 1:17

Yoovahiwa yooreera yootheene ni yamahala yookwanela yootheene enrweela wa Atiithi a waara, mwa Yaawo ahinceendya ntoko irungu sooceendyaceendya.

Ethupululo 15:4

Taani aneera ahiwooveni, Apwiya, ni aneera ahivuwihe Nsinananyu? Vano, Nyuwo paahi ti ootteela. Ilapo sootheene nsirwe ni nsilape ohoolowanyu, niwoko mitekosanyu sa ekhaikhai sohooniheriwa.”