Namalaleiya 3:13 - Emakhuwa Bible

¹³ Kohoonelelatho weera owera oca, owura ni ophwanya mureerelo mmutekonimwawe, ti yoovaha ya Muluku.

Namalaleiya 3:13 Iomraidhean Croise

Icipo 128:2

Nyuwo mmwice soowiima sa mutekwaanyu; mareeliho ni mpuha onuukhale mpattaanyu.

Icipo 34:12

Ootheene nyuwo munsivela okumi ni muntthuna woona mahuku mancipale ooreera,

Namalaleiya 2:24

Wa mutthu, kheewoworu yooreerela ohikhanle oca, owura ni ophwanya mureerelo mmutekonimwawe. Kaahoonatho weera eyo enrweela mmatatani mwa Muluku.

Namalaleiya 2:3

Vano kaahuupuwela wiixinnyerera moowurani ni ololo, naari munepaaka waapwaherereene weettihiwa ni miruku. Keera koone waakireerelaka ohakalalela ehuhu vakhaani ninkhalaahu mulaponimu.

Namalaleiya 6:2

Muluku onimvaha mutthu mihakhu, sooreela ni nttittimiho, moota wooweera kheewo enimuhaleelaru anghaawelaaya maithwaawe; vaheera Muluku khanimutthunihera opuha itthu seiyo, ni vanipuroniwawe, ompuha mukina. Eyo kheentaphulelaru ni ti yoothananihaxa.

Namalaleiya 8:15

Tivawo olakawaka ti weera mpuhe okumi, niwoko mulaponi ya vathi kheewoworu yoomureerela mutthu ohikhanle oca, owura ni ohakalala. Itthu iyo sikhale asikhwaawe mmutekonimwawe woovihaxa wa mmahukunimwawe ootheene Muluku omvanghaawe mulaponi ya vathi.

Namalaleiya 9:7

Tivawo, muce ni ohakalala yoocaanyu, ni ngwure eviinyuwaanyu mutteeliweene murima, niwoko Muluku oohakalalela yeeyo nyuwo mumpakaanyu.

Deuteronomiyo 12:7

Weiwo mmwace ni ohakalala vamaithoni wa Yave Mulukwaanyu, nyuwosa ni imusisanyu, niwoko na mitekosanyu sooreera sootheene eenre Yave Mulukwaanyu ooreelihakani.

Deuteronomiyo 26:11

Nyuwo, aLeevi ni anamarwa variyariwanyu muhakalalele itthu sooreera sootheene Yave Mulukwaanyu oovanghaaweni nyuwo ni emusaanyu.