Namalaleiya 3:11 - Emakhuwa Bible

¹¹ Owo opanke sootheene sooreeraxa mweehuhunimwaya. Oohelatho vamurimani wa mutthu ekhaikhai ya ehuhu yoohimala; orookhalaru hiiho, omutthu khoongwera wiiwexexa nnenesene yeeyo Muluku opankaawe okhuma ompacereroni mpaka ommaleloni.

Namalaleiya 3:11 Iomraidhean Croise

Epacerero 1:31

Muluku aahoona sootheene aapankaawe ni sootheene saari sooreeraxa. Vano waahiila ni onaxa, ni nne naari nihuku nanaathannamosa.

Yobi 11:7

Nyuwo munoowera ophima mitikhinelo sa Muluku? Munoowera oringa nyiinano sa Muluku a ikuru sootheene?

Yobi 37:23

Mukuku a ikuru sootheene ori weiwo nihingweraahuwo omoona, avuwaka moowerani; vaheera, moororomeleyanimwawe ni ngwookoleleyanimwawe, khaawo onimuhooxaawe.

Yobi 5:9

Owo ompaka sootikhiniha soohihimeya, aani sootikhiniha soohaalikeleya.

Icipo 104:24

Ii! Yave! Sincipalexa ti soopakasanyu! Moopaka sootheene seiyo mmirukunimwanyu. Elapo yoosareya itthu mpattunxaanyu.

Masu a Miruku 16:4

Yave ompakela sootheene mwa yeeyo onuupuwelelaawe; mpaka atakhali wa nihuku na nttaruxo.

Namalaleiya 1:13

Kookhalela nthiti waasaasera ni woonelela miruku weera kisuwele nnenesene sootheene simpakiwa vathi wa nsuwa. Ela ti yoolemela yootepaxa Muluku ovanghaawe omutthu!

Namalaleiya 11:5

Mooteene yoowo muhisuwenlaanyu ephiro ya epheyo, naari moota empakeyaaya erutthu mmirimani mwa muthiyana, khamungweratho wiiwexexa miteko sa Muluku, Mpattuxa a itthu sootheene.

Namalaleiya 7:13

Moonelemo yeeyo Muluku ompakaawe: Taani ongwera wookola yeeyo Owo opankaawe yookhoromaneene?

Namalaleiya 7:23

Sootheene iyo miyo kaawehaweha mmirukuni, keeraka: “Koolakela okhala musuweli;” vaheera eyo nkiwenreru.

Namalaleiya 7:29

Yeeyo koonelenlaaka ti ela paahi: Muluku ohaapaka atthu oororomeleya, vaheera awosa yaasaanse mikhalelosaya sincipale.”

Namalaleiya 8:17

kaahiiwexexa sootheene Muluku opankaawe. Khaawo ongwera wiiwexexa seiyo simpakiwa mulaponi. Naari mutthu aminyaalelaka weera oonelele ekhalelo ya itthu, khamphwanya. Naari musuweli ahimaka weera onniiwexexa, vekhaikhai khangwera ophwanya.

Matheyo 11:27

Itthu sootheene kivahereriwe ni Atithaka. Khaawo amusuwenle Mwaana, ehikhanle Atiithi, ni khaawo aasuwenle Atiithi ahikanle Mwaana ni yaale Mwaana ontthunaawe owoonihera Atiithi.

Matheyo 13:22

Mwaha wa mmiso ole waaliwe vanyiiwani, owo ti mutthu yoole oniiwa masu, mene weeteteiya wa okumi ola ni olokottha wa opuha onimvuvura omutatuxaka oohiima.

Marku 7:37

Muloko wa atthu waatikhinaxa ni waaheera: “Owo ompaka sootheene sooreera. Onoowera mpaka omwiiwiha oohiiwa ni omuulumiha oohuuluma.”

aRooma 1:28

Woonaka weera awo yaaramusa osuwela wa Muluku, Owo muneenaawe ohaahiya ni soowuupuwelasaya soonanara, weera epake yeeyo yahaatthuneya opaka.

aRooma 11:33

Ii! Wiixera wa mihakhu ni miruku ni esuwelo ya Muluku! Taani ongwera ophima soothorihasawe ni wiiwexexa iphirosawe?

Deuteronomiyo 32:4

Owo ti Mwala; mitekosawe ti soomalela ni ephirowaawe eri ya ekhaikhai. Owo ti Muluku oororomeleya ohinghiyanyiha; aani ti a ekhaikhai ni oowookoleleya.