Namalaleiya 2:6 - Emakhuwa Bible

⁶ Koopakatho ittankhi weera kihelele othako wa nyirisaka soopomba.

Namalaleiya 2:6 Iomraidhean Croise

Nehemiya 2:14

Vahoolowaya kaarowa mpaka Mulako wa Naattuuttu ni ontthiyani wa mwene, mene khanaariwo nlaka noovira mwaamunamaaka.

Nehemiya 2:8

Mukivahetho ekaratta wa Asafi, mutokweene a othako wa mwene weera akivahe itthaabwa soopakela masele a esidade yoolipaxa eri vakhiviru ni Empa ya Muluku, wa exiri ya esidade ni wa nipuro kineeraaka kakhale.” Weenre onnene wa Muluku wakhala ni miyo, mwene aakaakhulela soovekelasaka.

Nehemiya 3:15

Mulako wa Onaattuuttuni waaraseliwa ni Xaluni, mwaana mulopwana a Kol-Hoze, namalamula a elapo ya oMizepa. Aarasela, anathomeela nipatho, iikaatheraka maselaaya, etthaabwa yoowalela ni anampattika mmapuronimwaya. Aaraselatho exiri ya ntthiya na Silowami, vakhiviru wa nttimbe na mwene mpaka ixikada sinkhuruwela esidade ya Davide.

Nehemiya 3:16

Mukhwipimwawe Nehemiya, mwaana mulopwana a Azebuki, namalamula a mpatta mmoha wa elapo ya oBet-Zuri aarasela mpaka ohoolo wa mahiye a Davide, mpakatho ntthiya noothimpwa ni empa ya anakhotto oosuwanyeyaxa.

Icipo 1:3

Owo ori ntoko mwiri ophatteiwe mukerekhere mooloko: oniima ehuhu yootthuneya ni makukhwaaya khaannyaala. Soothesene ompakaawe sinoomweettela nnenesene.

Ecipo Yooreeraxa 7:4

Nxikonanyu nri ntoko etoore* ya maino a etthepo. Maithwaanyu ari ntoko vankatthiwa wa oHexeboni, vamulako wa oBate–Rabimi. Ephulaanyu eri ntoko etoore* ya oLibanu ewenghe oDamasku.

Yeremiya 17:8

Owo onookhala ntoko mwiri ophwatteiwale mukerekhere mooloko ni mikwankhwaarisaya sinkhuruwela mmaahini. Mwiri owo khoonoova waarwaaka ovihaxa; makukhwaaya ankhala oorimbeleleene. Khoonghaawela maahi yaahitthula hata khoonghiya wiima.”