Namalaleiya 2:3 - Emakhuwa Bible

³ Vano kaahuupuwela wiixinnyerera moowurani ni ololo, naari munepaaka waapwaherereene weettihiwa ni miruku. Keera koone waakireerelaka ohakalalela ehuhu vakhaani ninkhalaahu mulaponimu.

Namalaleiya 2:3 Iomraidhean Croise

Epacerero 47:9

Yakobe aamwaakhula: “Iyaakha sa mukwaahaaka mweelaponi ya vathi soophiyera ncira ni miloko miraru. Iye siri vakhaani ni soorika ni khasimphiyera iyaakha sa mukwaahaaya makholowaaka.”

Yobi 14:14

Mutthu akhwa, onookhalatho ni okumi? Mahukwaaka ootheene a soorumeelasaka kinoowehererela otapuxeyawaka.

Icipo 104:15

eviinyu enghakalaliha murima wa mutthu; makhura ammwaariha ekhovaawe ni yooca enimvaha ikuru.

Masu a Miruku 20:1

Eviinyu enimutatuxa mutthu oowiikuxerera; soowura soohapala sinimutannyera onyakulihana; oniixinnyerera mwa seiyo khakhala musuweli.

Namalaleiya 1:17

Tivawo kiilipihenraaka weera kiiwexexe miruku, mpakatho ololo ni ohimiruku, vaheera kooxuttera weera iwotho ti woomola epheyo.

Namalaleiya 10:19

Efesta empakeliwa otthekula, ni eviinyu enghakalaliha okumi, vaheera sootheene iyo sinliviwa ni musurukhu.

Namalaleiya 12:13

Vano, seenre siiwiwa sootheene, emaliherowaaka ti ela: Mmoove Muluku ni mwiiwelele malamulowaawe, niwoko eyo ti yootthuneyaxa wa mutthu.

Namalaleiya 2:24

Wa mutthu, kheewoworu yooreerela ohikhanle oca, owura ni ophwanya mureerelo mmutekonimwawe. Kaahoonatho weera eyo enrweela mmatatani mwa Muluku.

Namalaleiya 5:18

Hiiho, kohoonelela weera wa mutthu, yoomureerela ni yootthunaawe, ti oca, owura ni opuha yeeyo ophwannyaawe ngwiiminyaalelanimwawe wootheene mulaponi mmahukuni vakhaani a okumi Muluku onimvahaawe, niwoko eyo ti yoovaheriwaawe.

Namalaleiya 6:12

Vekhaikhai, khaawo asuwenle yeeyo enimureerela mutthu mmahukuni vakhaani a okumaawe woohiphureleya etthu omviraawe ntoko munttuusi. Vano, taani anaawere omuthalihera yeeyo eniikhumelele mulaponi owo attimunleene?

Namalaleiya 7:18

Fataari ovarexexa olakiwa omoha muhihiyaka okina, niwoko yoowo ommova Muluku onootthara soopiili.

Namalaleiya 7:25

Tivawo kikhalenlaaka nthiti wiiwexexa, waasaasera ni waasaasa miruku ni osuwela moota siraaya itthu, ni weera kiiwexexe ohimiruku wa otakhala ni ololo wa ohimiruku.

Namalaleiya 8:15

Tivawo olakawaka ti weera mpuhe okumi, niwoko mulaponi ya vathi kheewoworu yoomureerela mutthu ohikhanle oca, owura ni ohakalala. Itthu iyo sikhale asikhwaawe mmutekonimwawe woovihaxa wa mmahukunimwawe ootheene Muluku omvanghaawe mulaponi ya vathi.

Matheyo 6:24

Khaawo angwera waarumeela asineene eeli, niwoko mmoha onoomuthanya ni mukina onoomusivela, naari oopacera onoomurumeela ni nthiti, mene anaaveeli onoomuramusa. Nyuwo khamungwera omurumeela Muluku nitho musurukhu.

awEfeso 5:18

Muhihapaliwe ni eviinyu, niwoko mwemmo wookhalamo olavilavi, mene muhiye woosareyeni Munepa,

Ahooleli 9:13

Wa soothesene, mwiri wa eviinyu waahaakhula: ‘Nkintthuna ohiya eviinyuwaaka enghakalaliha miluku ni atthu weera kilamule nyiri.’

1 Samuweli 25:36

Abigayili aahokoleelaawe wa Nabali, owo eera apakaka efesta etokotoko owaani ntoko efesta ya mwene. Owo ahapalaxiweene waamutteela murima. Tivawo Abigayili ahaamulenlaawe etthu mpaka oxa.