Namalaleiya 12:1 - Emakhuwa Bible

¹ Omuupuwelele Mpattuxaawo mmahukuni a omiravowaawo, ehinaaye ophiyera mahuku a makacamiho ni okhuveela iyaakha oneeraawo weere: “Nkinghakalalela seiyo,”

Namalaleiya 12:1 Iomraidhean Croise

Epacerero 39:2

Yave aari ni Yoseefe ni aamukhavihera weera sootheene simweettele nnenesene ni aakhala vaate wa apwiyaawe ngwExipitu.

Epacerero 39:23

Mutokweene a mukaliposo kheewo aapwatthaawe mwa itthu saari ni Yoseefe, niwoko Yave aari ni yoowo. Hiiho sootheene Yoosefe aapakaawe, sannamweettela nnenesene.

2 Samuweli 19:35

Kirino iyaakha miloko mithannamiraru. Nkingwera othanla yooreera ni yoonanara. Murumeiyaanyu ongwera vakhaani woonelela yeeyo oncaawe naari ongwuraawe. Nkingweraru osuwela wiipa wa alopwana hoye hoye athiyana. Nkintthuna woolemeliherani, pwiiyaaka mwene.

2 Samuweli 19:36

Murumeiyaanyu onimwaahoola vakhaani amwene emulapuwaka Yordanu, mene nkiphwanenle otthuveleliwa yeeyo.

1 Mamwene 14:13

aYixrayeli ootheene anoomwiinlela ni anoomvitha. Ti yoowo paahi a ekhapira ya Yerobowami anaavithiwe, niwoko Yave Muluku a aYixrayeli omphwannye yoowo paahi ni etthu yooreera mukhapirani ya Yerobowami.

1 Mamwene 18:12

Nkisuwenle woowi Munepa wa Yave oneeraaya woorongheni miyo koohiyakani. Miyo karowa omuleela yeeyo Ahabi ni owo aahoophwanyani, onookiiva. Miyo kiri murumeiyaanyu kinnamutthapela Yave okhuma emirawaaka.

Nehemiya 4:14

Kaawehaweha, kinaweerela maneethi, asitokweene ni muloko mukinoowo: “Muhiwoovase. Muupuwelele weera Yave ti Mutokotoko ni Oowoopiha ni ngwane ngweerelaka axunninyu, anamwaniinyu asilopwana ni asithiyana, axaarinyu ni mmavaatenimwanyu.”

Yobi 30:2

Yaahikivarele muteko heeni seenre saamalela ikurusaya?

Icipo 119:55

Moohiyuni kinuupuwelela Nsinananyu Yave ni kinimwiiwelela Nlamulonanyu.

Icipo 34:11

Ngweeke anamwanaaka, ni mukiiwe; kinimooxuttihani omuttittimiha Yave.

Icipo 63:6

Vakaamaniwaka kingwuupuwelelani Nyuwo; ohiyu wootheene kintthokelela sa Nyuwo.

Icipo 90:10

Iyaakha sa okumaahu ti miloko mithannamiili – apaale miloko mithannamiraru wa yaale ari salaama. Wa soothesene, iyakhasene seiyo soosareya sookacamiha ni othanana; simvira woowaakuveya ni hiyo nimmweera olakaseya.

Masu a Miruku 22:6

Munxuttihe mwaana ephiro entthuneya okuxera, ni hata uuluvalaka, khahapuwaru.

Masu a Miruku 8:17

Kinaasivela yaawo ankisivela, ni yoowo onkaasa onookiphwanya.

Namalaleiya 11:10

Osusihe vamurimaniwawo sookacamiha, ni omalihe soovalaveliha wa erutthwaawo, niwoko omiravo ni okhala mukithi, ti itthu simvira woowaakuveya.

Namalaleiya 11:2

Mukawe sa ithannapiili murinaanyu, mpakatho ya ithannatthaaru, niwoko nyuwo khamusuwenle erisa heeni eneera emorele mulaponi.

Namalaleiya 11:8

Naari mutthu akhalaka ni okumi wa iyaakha sincipale, owo apuheke seiyo mookuminimwawe wootheene. Wa soothesene, muupuwelele mahuku a epiphi, niwoko animwaattaxa. Sootheene sihanle owa, khasintaphulelaru etthu.

Yesaya 26:8

Neettaka mphironi mwa ikanosanyu hiyo nnoowehererani Nyuwo, Yave. Nsinananyu ni epilaanyu ti ohaawela wa mirimasahu.

Icipo Soolalamika 3:27

Ti wooreera mutthu ovilela soonyesereriha nlelo areene mmiravo.

Daniyeli 1:17

Muluku aahaavaha amiravo axexe ale miruku ni wiiwexexa wa ilivuru ni sooxuttiha soohiyanahiyana. Vano Daniyeli annawera otaphulela soowoona ni sooloha soohiyanahiyana.

Hoxeya 7:9

Anamarwa sohaamalela ikuru, mene awosa khaansuwela. Mayihaaya anthatuwa ipwi, mene owo khanoona.

Luuka 1:15

Vano, anaakhale mutokweene vamaithoni wa Apwiya. Owo kharwa awura eviinyu, hoye hoye yoowura ekina. Anaakhale oosareya ni Munepa Wootteela okhuma ohinaaye oyariwawawe.

Luuka 18:16

Yeesutho aahiixiitthanela anamwane, eeraka: “Mwaahiyeke anamwane eweeke wa Miyo, ni muhiwooceelihe, niwoko omwene wa Muluku ori wa yaale anlikana ni yaawo.

awEfeso 6:4

Asitiithi, muhaatannyeke anamwanaanyu. Ohiyanawaya, mwaahuweke moolakani ni mmahusihoni a Apwiya.

Deuteronomiyo 8:18

Vaheera mmuupuwelele Yave Mulukwaanyu niwoko ti Yoowo onoowerihani ophwanya mihakhu aakhulelihaka hiiho wiiraanawawe aalipelenlaawe makholowaanyu, ntoko onooneyaaya olelo.

2 Timootheyo 3:15

Vano, okhuma enamwanaawo woosuwela Yoolempwa* Yootteela, engwera woovaha miruku sinrongha woovuluwani niwoko na nroromelo mwa Kristu Yeesu.

1 Samuweli 1:28

Tivawo miyo olelo kinimvahaaka Yave. Owo anaakhale a Yave wa mahukwaawe ootheene.” Hiiho owo aamulapawo Yave.

1 Samuweli 16:7

Vano Yave aamweerela Samuweli: “Muhiwehexexe ekhalelowaawe naari orakamawawe, niwoko Miyo koomukhootta. Yave khangweha ekhove ntoko mutthu: Mutthu ongweha ekhove, vaheera Yave ongweha murima.

1 Samuweli 2:18

Vano Samuweli areene nlelo mmiravo annarumeela vamaithoni wa Yave awanreene mukaandyo wa eliinyu*.

1 Samuweli 2:26

Mmiravo Samuweli eera unnuwaka imaara sootheene amusivelihaka Yave ni muloko.