Miteko 9:40 - Emakhuwa Bible

⁴⁰ Pedru aalamula weera ootheene ekhume mukwartuni mmwe. Vano aakokhora ni aavekela. Vahoolowaya, arukunuwelaka wa muthiyana ookhwa, aamweerela: “Tabita, muvenye!” Owo aahula maitho, ni amoonaka Pedru, aakilaathi.

Miteko 9:40 Iomraidhean Croise

2 Mamwene 20:11

Vano mprofeeti Yesaya aamvekela Yave, ni Yave aapakiha weera munttuusi ohokoleele ottuli ottharaka mwaakheriwe mmakweeleloni a Ahazi.

Matheyo 6:6

Nyuwotho mwaavekelaka, murowe munkonaanyumo, mwawale mulako ni mwaavekele Atithinyu ari muxiirini. Vano, Atithinyu ari muxiirini eniyootthuveleni.

Matheyo 9:25

Vano, aasusihalaawe atthu, Yeesu aavolowa ni aamutava mwaana ni matataawe, ni owo aaheemela.

Marku 9:25

Yeesu awoonaka atthu ancipale ekhuveelaka, aahiiha munepa woonanara, eeraka: “Munepa woohuuluma ni woohiiwa, Miyo kinoolamula weera okhume wa yoowo, ni ohimvolowetho mwaana ola.”

Luuka 22:41

Owo aasusa vakhaani, anakokhora, anapacera ovekela eeraka:

Luuka 8:54

Vano Owo aamvara ntata, anamweerela: “Mwaamwali, ovenye!”

Miteko 20:36

Amalihaka ohima yeeyo, aakokhora vamoha ni ootheene ni aavekela.

Miteko 21:5

Nimalihakatho ehuhuwaahu weiwe, naapwaha ni naapwaherera mukwahaahu. Oohusera ootheene ni axaaraya ni anamwanaaya yaanihoola mpaka okhwipi wa esidade, ni iwe, mukerekhere wa ephareiya, naakokhora ni naavekela.

Miteko 28:8

Atithawe yaamvoreiwa yuummaathiki, ehaawaka ni oviha wa erutthu ni eretta ya mmirimani. Pawulo aavolowa weera awoone, ni amalihaka ovekela, aawiikaathera matata ni aahaalamiha.

Miteko 7:60

Vano aakokhora ni aakhuwela: “Ohaalikeleiye mulattu wa yaawo mwaha wa yoottheka ela.” Ni ahimaka yeeyo, aahookhwa.