Miteko 8:14 - Emakhuwa Bible

¹⁴ Yiiwaka arummwa a oYerusaleemu weera aSamariya yaahaakhulela masu a Muluku, yaamurumiha weiwo Pedru ni Yohaane.

Miteko 8:14 Iomraidhean Croise

1 Mamwene 13:32

Mutthengaawe aahimalaawe mwa Nsina na Yave mwaha wa altaari* a oBeteli ni mapuro ootteela a mmanttumuxani mmittettheni sa oSamariya, vekhaikhai onookwaniheriwa.”

Matheyo 13:23

Woomalihera, mmiso ole waaliwe vatthayani yooreera, owo ti mutthu yoole oniiwa masu ni oniiwexexa. Onnavaha yoohepha: mmiso mmoha sinimwiima imaara ncira, mmiso mukina imaara miloko mithannamosa ni mukinatho imaara miloko miraru.”

Luuka 22:8

Yeesu aamurumiha Pedru ni Yohaane, aweerelaka: “Murowe ni mwareherere yooca ya mPaska*.”

Yohaane 12:48

Ookhala mphuki wa yoowo onkhootta ni ohinaakhulela maswaaka. Masu maneenexa kinghimaaka, eniimuthorihe nihuku noomalihera.

Miteko 11:1

Arummwa ni axunna a oYudeiya wootheene yaahiiwa yuulummwaka weera amalapotho yaahaakhela masu a Muluku.

Miteko 15:4

Ephiyaka oYerusaleemu, yaahaakheleliwa nnenesene ni ekerexa, arummwa ni asitokweene, ni yaahaathalihera sootheene Muluku aapakaawe mmatatanimwaya.

Miteko 17:11

Atthu a oBereya yaari maneethixa waapwaha atthu a oTesalonika. Yaahaakhela mutthenga ni otthuna otokotoko, esomelaka mahuku ootheene Yoolempwa* weera yoone sootheene saari hiiho.

Miteko 2:41

Yaawo yaakhulenle mutthengaawe, yaapatisiwa, ni nihuku nne yaahaandyeerereya wookwanaka atthu macira miloko miraru.

Miteko 8:1

Ni Sawulitho aahaakhulela wiiviwa wa Stefano. Vanihukuni nne waakhumelela osoondiwa otokotoko ni ekerexa ya oYerusaleemu. Ootheene ehikhanle arummwa yaamwaramwareya mweelaponi ya oYudeiya ni oSamariya.

aGalata 2:9

Yakobe, Pedru ni Yohaane, yaasuweliwe ntoko amarimbu a ekerexa, yaakookolela moono mulopwana miyo ni Barnaba ntoko eneneero ya wiiwanana. Yaapakenle yeeyo niwoko yaahaakhulela mahala Muluku okivanghaawe. Awo yaahiiwanana weera ontthuneya hiyo nirowe wa amalapo ni awo wa atthu oowiineliwa.

1 aTesalonika 2:13

Ninnamutthapelatho Muluku nihihiyereraka, niwoko, ngwaakhelani nyuwo masu a Muluku wa hiyo, khamwaakhenle ntoko masu a mutthu, mene, ntoko araaya ekhaikhai, ntoko masu a Muluku amvara muteko mwa nyuwo munroromela.

1 aTesalonika 3:2

ni hiiho naamurumiha Timootheyo, munnihu ni namuteko a Muluku mwa masu ooreeraxa a Kristu, weera oolipihereni mirimasanyu ni oohakalaliheni munroromeloni,

2 aTesalonika 2:10

aalokotthaka yaawo anriheya ni sootakhala sootheene. Awo anriheya, niwoko yaakhootta osivela ekhaikhai weera evuluxiwe.