Miteko 7:51 - Emakhuwa Bible

⁵¹ Muloko woohiiwelela, woohiineliwa mmirimanimwanyu ni mmaarunimwanyu! Nyuwo munoolikana ni makholowaanyu – mahuku ootheene munnakhootta Munepa Wootteela!

Miteko 7:51 Iomraidhean Croise

2 Mamwene 17:14

Wa soothesene, khayaatthunne owiiwa ni yaari oottiyamaaru ntoko makholowaaya, mwa yaale yahaamuroromenle Yave Mulukwaaya.

2 Nyaha 30:8

Vanonto, muhikhale attiyamaaru ntoko makholowaanyu; mwiixinnyerere wa Yave. Murwaase vaNipuroni Nootteela* Owo otteelihalaawe wa mahuku ootheene. Munrumeele Yave, Mulukwaanyu, weera mooro wa isarasawe woohuluweni.

Nehemiya 9:16

Wa soothesene, asitithihu yaahiixoona ni yaahuumiha mirima ehiiwelelaka malamulowaanyu.

Nehemiya 9:30

Wa iyaakha sincipale mwaahaavilela. Mwannawooperera mwa Munepaanyu ni mwa maprofeeti. Hata hiiho, khayaawiiwelelani moota wooweera mwaawinnyerera mmatatani mwa miloko soowaattamana.

Icipo 75:5

Muhiikuxerere hata muhuulume ni wiixoona!’ ”

Icipo 78:8

Awosa kheekhala ntoko makholowaaya – ekhapira yoottiyamaaru ni yoovaanya; muloko wa murima woohimuroromela Muluku; atthu a okumi woohimutthara Yoowo.

Okhuma 32:9

Yave aapwaherera eeraka: “Kohoona weera muloko owo woottiyamaaru!

Okhuma 33:3

Murowe elapo yoosareya mukaka ni oravo. Vaheera Miyo nkinrowa ni nyuwosa weera kihoophwataseni, niwoko nyuwosa ti muloko woottiyamaaru.”

Okhuma 33:5

Waalalamika, niwoko Yave aamweerela Moisesi: “Mwaaleele aYixrayeli: ‘Nyuwosa ti muloko woottiyamaaru. Miyo kaarowa ni nyuwo hata wa ehuhu vakhaani, kaamphwata muloko owo. Vano, murule itthusanyu sooreera soorikaxa ni kinoolakela yoowoopakasani.”

Okhuma 34:9

amweerelaka: “Yave, mwatthuna okoonihera murima wooreera, munihoole. Orimweeraru muloko owo oreene woottiyamaaru, mulevelele sootakhalasahu ni sootthekasahu ni munaakhele ntoko yoohiyeraanyu.”

Yesaya 48:4

Vano koosuwela ettiyamaarwaanyu; misemba sa muxikomwanyu saari sa eyuuma ni eyuucaanyu yaari ya ebronze*.

Yesaya 63:10

Waarookhalaru hiiho awosa yaamurukunuwela, enathananiha Munepaawe Wootteela. Tivawo Owo aathatungwaawe Mwiittanaaya ni Owo muneenaawe aahaawanano.

Yeremiya 17:23

Wa soothesene awosa khayaakiiwale hata khayaakipwantthe. Yaattiyamaaru ni khayaatthunne wiiwa ehaakhulelaka olakiwa.

Yeremiya 4:4

Mwiixiinele wa Yave, mwiinele mirimasanyu, nyuwosa asilopwana a oYuda ni amaki a oYerusaleemu. Mwaahipaka yeeyo, isarasaka sinoopatta sihiseke ntoko mooro, niwoko na yoonanara mpankaanyu, aani, sinoohisa ni khaawo anaawere ocipiha.”

Yeremiya 6:10

Kimuulumeno ni kimooperere taani? Taani aneera akiiwe? Maaruwaaya aattiyana moota wooweera khaaniiwaru. Awosa anthanya masu a Yave, ehisivelakaru yaawo.

Ezekiyeli 2:4

Wa muloko kineeraaka koorumiheleni ti woottiyamaaru ni woowuuma murima. Mweerele: ‘Ala ti masu a Yave onlamula sootheene.’

Ezekiyeli 44:7

Ohiya soopakasanyu sikina sootheene soohiira, nyuwosa moohaaruuha vaNipuronivaka Nootteela* anamarwa oohiineliwa mmurimani ni mweerutthuni, muhiirihaka Empaaka wookipakela sooveleela sa yooca, makhura ni ephome. Vano, nyuwosa moonanariha wiiraanawaka.

Ezekiyeli 44:9

Yave onlamula sootheene, oneera ha: Ahikhaleru namarwa oohiineliwa mmurimani ni mweerutthuni aneera avolowe vaNipuronivaka Nootteela*, aani, hata vakhaani wa namarwa onkhala eriyari ya aYixrayeli.

Levitiku 26:41

mwa seiyo sikitannyenre owiitta moota wooweera mpaka owoomolela mweelaponi mwa amwiittanaaya. Vano mirimasaya soottiyamaaru siiyeviha ni awosa yaakhulela ottaruxeliwa sootthekasaya,

Nuumeru 27:14

niwoko muloko waavaanyaaya mmaahini a munikareni na oZini, nyuwosa ooweeli khamwiiwelenle Nlamulonaka na ottittimiha otteelawaka ohoolowayasa. Vano eyo yeereiye mmaahini a oMeriba, oKadexi, munikareni na oZini.

Miteko 6:10

mene khayaawenre otapanyiha miruku ni Munepa mwa Yoowo owo uulumaawe.

Miteko 7:27

Vano mulopwana aamuhasula mukhwaawe, aamukakha Moisesi ni aamweerela: ‘Taani ookhalihale muhooleli ni mphukaahu?

Miteko 7:35

Ola ti Moiseseene yoowo aYixrayeli yaamukhoonttaaya ni masu ala: ‘Taani ookhalihale muhooleli ni mphuki?’ Owo aarumihiwa ni Muluku muneenaawe weera akhale muhooleli ni mvuluxaaya niwoko na ndyelo iixoonihenre wa yoowo muniphuwani.

Miteko 7:39

Makholowaahutho yaakhootta omwiiwelela. Ohiyanawaya, yaamukhootta, ni mmirimanimwaya yaahokoleela wExipitu.

Miteko 7:9

Asitokweene awo emukhalelaka nrima Yoseefe, yaamuthumiha ntoko epottha ya wExipitu. Mulukutho aari ni yoowo,

aRooma 2:25

Wiineliwa onkhala wootthuneya nyuwo mwiiwelelaka nlamulo, mene nyuwo mwaahiiwelela nlamulo, wiineliwawanyu woothatuwa ohiineliwa.

awEfeso 4:30

Muhithananihe Munepa Wootteela wa Muluku, mwa Yoowo nyuwo mohiiyaatheriwa eneneero wa nihuku na ovuluxiwa.

Deuteronomiyo 10:16

Tivawo, siineleye mirimasanyu ni muhikhaletho oottiyamaaru,

Deuteronomiyo 30:6

Yave Mulukwaanyu onimoovahasani ni ekhapiraanyu murima woororomeleya weera munsiveleke ni murimaanyu ni okumaanyu wootheene ni weera mukhaleke ni okumi.

Deuteronomiyo 31:27

Koosuwela moota mumvaanyaanyu ni ettiyamaarwaanyu. Nyuwosa mwaamvaanya Yave miyo kireene nlelo ni okumi kikhalaka ni nyuwo, ankha kaakhwaaka!

Deuteronomiyo 9:13

Vanonto Yave aakeerela: “Miyo kinoona weera vekhaikhai muloko ola ti woottiyamaaru!

Deuteronomiyo 9:6

Tivawo, musuwele weera khoohiyono niwoko na waakhuleliwawanyu ni Muluku Owo aneeraawe oovaheeni, elapo yooreera eyo weera mwakuxe mweenre nyuwo mukhalaka muloko woottiyamaaru.

aFilipi 3:3

Vano, ti hiyo nri wiineliwa, hiyo ninlapaahu mMunepani wa Muluku, hiyo nniivuwihaahu mwa Kristu Yeesu, ni khaninroromela naari etthu emoha mweerutthuni,

aKolosi 2:11

Mwa Yoowo nyuwo mohiineliwatho, khoohiyono wiineliwa ompakiwa mweerutthuni, mene wiineliwa opakiwe ni Kristu, mwa weiwo ori oruliwa wa mukhalelo wootthekeya wa erutthu.