Miteko 7:42 - Emakhuwa Bible

⁴² Mulukutho aasusa wa yaawo ni aahaaveleela olapela ithenyeeri sa wiirimu ntoko elempwalaaya mulivuruni ya maprofeeti: ‘aYixrayeli, apaale mwaaruuhela soovaha ni sooveleela wa Miyo wa iyaakha miloko mixexe munikareni?

Miteko 7:42 Iomraidhean Croise

2 Mamwene 17:16

Aahiya malamulo ootheene a Yave Mulukwaaya, eniipakela miluku miili ni ekhalelo ya mwaamombe a eseeta, nitho nrimbu nimoha nootteeliheriwa Axera. Aakokhorela oohoolo wa ithenyeeri sa wiirimu, enamulapa Bahali*.

2 Mamwene 21:3

Aatekatho mattumuxa ootteeliheriwa miluku sikina atithawe Hizekiya yaaphwantaaya; aamutekela altaari* Bahali* ni nrimbu nooteeliheriwa Axera, ntoko Ahabi, mwene a oYixrayeli aapankaawe. Aakokhorela ithenyeeri sootheene sa wiirimu, analapa.

Icipo 95:10

Kaanyoonyeriwa ekhapira ele wa iyaakha miloko mixexe; keenre: ‘Awosa ti muloko woohapuwa ni khaaneetta mphironimwaka.’

Yesaya 43:23

Khamwaakiruuhenle ikhondoolo sa sooveleela soohisa naari khamwaakittittiminghe ni sooveleelasanyu. Nkoonyesereringheni opaka sooveleela sa etrigu naari nkaatthunne erubani*.

Yesaya 63:10

Waarookhalaru hiiho awosa yaamurukunuwela, enathananiha Munepaawe Wootteela. Tivawo Owo aathatungwaawe Mwiittanaaya ni Owo muneenaawe aahaawanano.

Yesaya 66:4

Tivawo kineeraka kaahasuletho, kaaruuhelaka yeeyo anoovaxaaya. Niwoko Miyo kaawiitthana, mene khaawo aakhunle; Miyo kaahuuluma, mene khaawo iiwale. Awosa aapaka soonanara vamaithoniwaka ni aathanla yeeyo ehinkisiveliha Miyo.”

Yeremiya 19:13

Impa sa oYerusaleemu ni sa mamwene a oYuda sinooveihiwa ntoko nipuro nna na oTofeti – impa sootheene mwa seiyo itaratosaya yaahisenraaya erubani* ithenyeeri sa wiirimu ni yaayeehenraaya soowura miluku sikina.’ ”

Yeremiya 8:2

Anookhala vanlakani yoopeliweke nsuwa, ni yaareliweke mweeri ni ithenyeri sa wiirimu mwa seiyo awosa yaasivelaaya ni yaarumeelaaya ni mwa seiyo yaattharaaya, yaakokhorelaaya ni yaattottopelaaya. Makhuveene yaawo kheethukumanyihiwa hata kheevithiwa, mene eniikhale ntoko ikokhola vatthayani.

Ezekiyeli 20:25

Hiiho, kaawinnyerera malamulo oorikaxa ni ikano saavalaveliha okumaaya.

Ezekiyeli 20:39

Vaheera wa nyuwosa, muloko wa oYixrayeli, Yave onlamula sootheene oneera ha: Khula mutthu a nyuwosa arowe ni alape milukusawe! Vaheera vahoolo wa yeeyo, vekhaikhai mmwikiiwe ni khamuhiirihatho Nsinanaka nootteela ni sooveleelasanyu ni milukusanyu.

Ezekiyeli 8:16

Vano owo aakirongha vanipuwani na mpuwa na Mpaani mwa Yave, ni mmwe vamulako wa Empa ya Yave, eriyari ya nipithela* ni altaari*, yaakhala asilopwana miloko miili naathanu. Awo, erenreene ettuli Empa ya Yave ni ewengheene mpatta ninkhuma nsuwa yaakokhorela onsuwani.

Hoxeya 4:17

Efrayimi ohiiraanano miluku soowootha; munghiyeke meekhaawe!

Yohaane 6:45

Elempwale mmaprofeetini: Ootheene eniixuttihiwe ni Muluku.” Ootheene angwiiwa Atiithi ni anxuttihiwa ni Yaawo angwa wa Miyo.

Miteko 13:40

Mwiipasoope weera ehookhumeleleni yeeyo maprofeeti yaahimalaaya, yeeraka:

Miteko 7:36

Owo aahaakhumiha weiwo, apakaka sootikhiniha ni ineneero wExipitu, mphareiyani yooxeera ni munikareni wa iyaakha miloko mixexe.

Deuteronomiyo 17:3

ahiiwelelaka malamulowaaka niwoko na olapa ni wuuramela miluku sikina hoye hoye nsuwa, mweeri naari ithenyeeri sa wiirimu,

Deuteronomiyo 4:19

Nyuwosa mwaweha osulu moonaka nsuwa, mweeri ni ithenyeeri ni itthu sootheene sa wiirimu, muhihapuwe mukokhorelaka seiyo ni mulapaka itthu Yave Mulukwaanyu okawenlaawe miluku sootheene sa elapo ya vathi.

aHeberi 3:9

Waari weiwo makholowaanyu yaakeerenraaya, ehikiiwelelaka Miyo, naamwi yoonaka yeeyo kaapankaaka woovira iyaakha miloko mixexe.

Yoxuwa 24:20

Nyuwosa mwamuhiya Yave murumeelaka miluku sikina, Owo onimoorukunuwelani ni onimoottaruxani. Naari areene a nnene ni nyuwosa, owo onimoophwatasani.”