Miteko 6:14 - Emakhuwa Bible

¹⁴ Noomwiiwa eeraka weera Yeesu Owo oNasarete anaaphwate nipuro nna ni anaaceendye ikhovelelo Moisesi aanivanghaawe.”

Miteko 6:14 Iomraidhean Croise

Yesaya 65:15

Munimwaahiyera oothanliwaaka nsinananyu ntoko nlapho; Yave onlamula sootheene onoowiivasani, mene onimwaavaha arumeiyaawe nsina nikina.

Yeremiya 26:12

Vano Yeremiya aaweerela ahooleli ni muloko wootheene: “Yave ookirumiha weera kithalihere otthuna wa Muluku Empa ya Yave ni wa esidade ela sootheene mwiiwalaanyu.

Yeremiya 26:18

“Mika a oMorexeti aathalihera otthuna wa Muluku mmahukuni a Hizekiya, mwene a oYuda, aneerela muloko wootheene wa aYuda: ‘Yave a ikuru sootheene oneera ha: Siyoni onoottipuriwa ntoko mmatta. Yerusaleemu onoothatuwa ettuxo, Empa ya Muluku nttumuxa, mwaako woophipa.’

Daniyeli 9:26

Siviraleene isimana miloko mithannamosa ni piili sa seiyo, Oottikittheliwa onimwiiviwa ni khakhalanatho etthu. Esidade ni Nipuro Nootteela* nnoophwatiwa ni muloko wa namalamula anaarwe. Ommaleloni onoophiya ntoko mirupi: owana onoopwaherera mpaka ommaleloni ni woolaleiwa oheleya mathala.

Hoxeya 3:4

Eyo enthoonyera weera aYixrayeli anookhala mahuku mancipale woohikhalano mwene hata mwanawe, woohikhalano yooveleela naari amarimbu ootteeliheriwa, woohikhalano mooxikootti a esaserdoti ni mpaka woohikhalano miluku sikina.

Mikeyasi 3:12

Tivawo niwoko na nyuwosa, oSiyoni oneeraaya ottipuriwe ntoko ematta, oYerusaleemu onoothatuwa ettuxo, ni nttumuxa na Empa ya Muluku nnoosareya maphuwa.

Zakariya 11:1

Ii! oLebanoni, muhule milakosanyu weera mooro olalihe nyirisanyu sa esedari*.

Zakariya 14:2

Kinoothukumanyiha miloko sootheene weera siwaneno oYerusaleemu; esidade enookuxiwa, impasaya sinoohuhuliwa ni asithiyana anoopuheriwa. Eriyari ya amaki a esidade anooronghiwa ottai ootthukiweene, mene akinaawo kheeronghiwa.

Matheyo 26:61

Woomaliha, yaahiixoonihera anamoona eeli yeeraka: “Mulopwana Ola aaheera: ‘Miyo kinoowera ophwata Empa ya Muluku ni kinooteka mmahukuni mararu paahi.’”

Marku 14:58

“Hiyo naamwiiwa eeraka: ‘Miyo kinoophwata Empa ya Muluku epakiwe ni atthu, ni wa mahuku mararu kinooteka ekina yoohipakiwa ni atthu.’”

Luuka 21:24

Akina eniyiiviwe ni ikatana, ni akina eniironghiwe okaliposo mweelaponi sootheene. oYerusaleemu onuunyikaliwe ni amalapo mpaka ihuhusaya sineeraaya sikwaniheriwe.

Luuka 21:6

“Mwaha wa seiya nyuwo munoonaanyu, eniiwe mahuku nneeraaya nihikhale nluku vanluku. Sootheene sinoophwatiwa.”

Yohaane 2:19

Yeesu aawaakhula: “Mukankhanyule Empa ya Muluku ela ni Miyo kinooteka wa mahuku mararu.”

Yohaane 4:21

Yeesu aahima: “Muroromele yeeyo kinooleelaakani muthiyana. Ehuhu yookhuveela nyuwo muneeraanyu muhaalapele Atiithi, hata vamwaakoni ola, hata oYerusaleemu.

Miteko 15:1

Alopwana akina yaahoorwa ekhumaka oYudeiya mpaka wAntiyokiya, ni yaahaahusiha axunna yeeraka: “Nyuwo mwaahiineliwe ntoko ekhovelelo yaaxuttihiwe ni Moisesi, khamungwera ovuluxiwa.”

Miteko 21:21

Awo yaaleeliwa weera nyuwo munaaxuttiha aYuda ootheene ankhala variyari wa amalapo weera esuse wa mahusiho a Moisesi, ngweerelaka weera ehiwiinele anamwanaaya, naari ehitthare ikhovelelosahu.

Miteko 25:8

Vano Pawulo aahiixaakiha eeraka: “Kheewowo etthu kaatapanyihenraaka aYuda ni nlamulonaya, naari ni Empa ya Muluku, hoye hoye Seesari.”

Miteko 26:3

Koohakalalatho weera nyuwo moosuwela nnenesene ikhovelelo sa aYuda ni milattusaya. Tivawo kinoovekelani weera mukiiwe ni ovilela.

Miteko 28:17

Eviraka mahuku mararu, owo aawiitthana ahooleli a aYuda. Awo yaathukumanaaya, Pawulo aaweerela: “Axunnaka, kaari mweeraru kihipanke etthu yoonanara ni mulokwaahu, naari ni ikhovelelo sa makholowaahu, kaatthukiwa oYerusaleemu ni kaavahereriwa wa aRooma.

aGalata 3:19

Vano, malamulo yaarweela heeni? Malamulo yaarweela woonihera seiyo siri soohitthuna sa Muluku mpaka ophiya Yoole yoororomelihiwa yaamuhimaaya. Malamulo ale avahiwe ni andyelo mmatatani a mulopwana aari ntoko namitthenga.

aGalata 3:23

Nihinaaye ophiya nroromelo, malamulo yaanikhaliha ootthukeya mpaka nroromelo neera nirwe nooniheriwe.