Miteko 6:1 - Emakhuwa Bible

¹ Mahukweene yaale, waandyeerereyaka waatta wa oohusera, aYuda yuulumale vaGrego variyariwaya yaahaattaandawula yaale yuulumale vaHeberi, niwoko asinaamukhwelaaya yannattiwaliwa mwa sookhaviherana sa khula nihuku.

Miteko 6:1 Iomraidhean Croise

Yobi 29:13

Yoowo aahanle vakhaani okhwa aakireeliha, ni miyo kaahakalaliha murima wa naamukhweli.

Yobi 31:16

Nkaakhoontteru yoovekela ya oohaawa, hoye hoye nkaamuhiyale naamukhweli aasaka wiinla.

Icipo 110:3

Anakhottwaanyu anookhalano murima woolipa vanihukuni na ekhotto, ewarenleene soowara sootteela; okhuma oxeexelo amirawaanyu anoothukumana wa nyuwo ntoko nikame.

Icipo 72:16

Etrigu yaatte mweelaponi yootheene – mpaka mmatthomelani mwa mattumuxa; soowiimasaya sittuve ntoko sa oLibanu ni ntoko malaxi a ntuphini.

Yesaya 1:17

muxuttere opaka yooreera, mwaasaase ekhaikhai, mmalihe nihasu. Ngwanele soophwanela sa akwaasuni ni mwaakihe mulattu wa asinaamukhweli.”

Yesaya 27:6

Mmahukuni a muhoolo, Yakobe onookhala ni mikwankhwaari ni oYixrayeli onoottuva ithutu, osarihaka elapo yootheene ni soowiima.

Yeremiya 30:19

Mwa yaawosa sinimoorwa icipo sootthapela ni oruma wa ohakalala. Miyo kinoowaattiha ni awosa kheevukuwa; Miyo kinimwaattittimiherela ni awosa kheenyoosiwa.

Ezekiyeli 22:7

Mpuwamwanyu awosa annaanyoosa atithaya ni amayaya, emuhooxaka namarwa ni emuhasulaka mukwaasuni ni naamukhweli.

Malekiya 3:5

“Miyo kinimoorwa wa nyuwosa ntoko Mphuki. Woohipisa, kinookhalela onamoona mwaha wa akhwiri, anamararuwa, anlipela vasiiyoniwene ni wa yaale angwiiyera anamiteko ngwaalivani, anaahasula akwaasuni ni asinaamukhweli, ehooniheraka soophwanela wa anamarwa, ni ahinkittittimiha Miyo,” oneera Yave a ikuru sootheene.

Matheyo 23:13

Ii! Munoohaawa nyuwo, anamawera a nlamulo*, aFarisi*, anamwiixeera! Nyuwo mungwala nsele na omwene wa wiirimu ohoolo wa atthu. Nyuwo muneenaanyu khamumvolowa, hata khamunaahiya evolowaka yaawo antthuna.

Miteko 11:20

Wa soothesene, akina a yaawo, yaari atthu a oKipro ni a oKireene, yaarowa wAntiyokiya ni yaapacera wuuluma ni aGregotho, yaathaliheraka masu ooreeraxa mwaha wa Apwiya Yeesu.

Miteko 11:26

ni amphwanyaka, aamukuxa amuronghaka wAntiyokiya. Hiiho Barnaba ni Sawuli yannathukumana ni ekerexa ya wAntiyokiya, woomalaka eyaakha emoha ni yaahaaxuttiha atthu ancipale. Ti wAntiyokiya oohusera yaapacenraayawo wiitthaniwa aKristu.

Miteko 11:29

Oohusera yaalakela waakhavihera axunna yaakhala oYudeiya, mutthu ti mutthu yeeyo owo aaweraawe.

Miteko 2:41

Yaawo yaakhulenle mutthengaawe, yaapatisiwa, ni nihuku nne yaahaandyeerereya wookwanaka atthu macira miloko miraru.

Miteko 2:45

Ethumihaka imatta ni itthusaya, awo yaakawana mutthu ti mutthu ntoko aahaawelaawe.

Miteko 2:47

emuttottopelaka Muluku ni yaakhuleliwaka ni muloko wa atthu wootheene. Ni nihuku ti nihuku Apwiya yannawaandyeerera yaawo Muluku aavuluxaawe.

Miteko 4:35

ni yaahiikaathi vanaawoni sa arummwa, enakawana ntoko yeeyo mutthu aahaawelaawe.

Miteko 4:4

Ancipale a yaawo yiiwale mutthenga yaaroromela. Vano asilopwana oororomela ootheene yaari macira miloko mithanu.

Miteko 5:14

Asilopwana ni asithiyana Yaawo yaaroromela mwa Apwiya yannaandyeerereya,

Miteko 5:28

mwa yoowo aaweerenle: “Nohoolamulelani nnenesene weera muhixuttihe mwa Nsina nne. Wa soothesene, nyuwo moosariha oYerusaleemu ni nihusihonanyu, ni muntthuna onoothera ephome ya Mulopwana Owo.”

Miteko 6:2

Tivawo muloko neeli yaathukumanyinghaaya oohusera ootheene eweerelaka: “Kheehiyono etthu yooreera weera hiyo nihiye masu a Muluku weera nirumeele vameesani.

Miteko 6:7

Hiiho masu a Muluku yaamwareela. Wannasareya woowaakuveya waatta wa oohusera oYerusaleemu, nitho asaserdoti* ancipale yaahiiwelela nroromelo.

Miteko 9:29

Uulumano aGrego ni annavaanyihana ni yaawo, mene awo yaaheerera omwiiva.

Miteko 9:39

Pedru aahaahoolela ni aphiyakaru, aaronghiwa mukwartuni mwa empa ya musulu. Asinaamukhweli ootheene yaamurukureera, yiinlaka ni emooniheraka soowara ni ikuwo sikina Dorka aapankaawe nlelo areene vamoha ni yaawo.

Miteko 9:41

Amvarelaka ntata, aamukhavihera weemela. Vano, awiitthanaka ootteela ni asinaamukhweli, aawoonihera muthiyana areene ni okumi.

aRooma 12:7

Mahalaanyu yakhala orumeela, murumeele, yakhala ohusiha, muhusihe,

1 aKorinto 10:10

Nitho nihittaandawule ntoko akina a yaawo, vano yaahiiviwa ni ndyelo oophwata.

2 aKorinto 11:22

Awo ari aHeberi? Miyotho! Ari aYixrayeli? Miyotho! Ari anamwane a Abrahaamu? Miyotho!

Deuteronomiyo 26:12

Mwaavahaka mpatta wanaamuloko wa soothesene, munruweraanyu khula eyaakha yanaararu, eyo tiiyo eyaakha ya sanaamuloko, mmwinnyerereke muLeevi, namarwa, mukwaasuni ni naamukhweli weera awo ecaase mmasidadenimwanyu mpaka ovona.

aFilipi 3:5

Miyo kiineliwe kimalaka mahuku mathannamararu a oyariwawaka, muYixrayeli a epuumba ya Benyamini; muHeberi ooyariwa ni aHeberi; munlamuloni muFarisi*;

1 Timootheyo 5:3

Waakosoope asinaamukhweli yaale ari vekhaikhai moohaawani.

1 Timootheyo 5:9

Alepeliwe mulivuruni ya asinaamukhweli yoole paahi orino woopwaha iyaakha miloko mithannamosa wunnuwawawe, aari oororomeleya ni iyawe,

aHeberi 13:1

Mupwaherere osivelana mukina ni mukhwaawe ntoko axunna.

Yakobe 1:27

Vano, ediini Muluku Atithihu onaakhulelaawe ntoko yootteela ni yoohikhala malepa, ti ela: waakosoopa akwaasuni ni asinaamukhweli mohaawanimwaya ni wiisusiha wa soovaliha sa mweelaponi.

Yakobe 4:5

Apaale munuupuwela weera Yoolempwa* enghima vasiiyo weera Munepa Muluku okhalihalaawe mwa hiyo ontthunaxa weera hiyo nikhale wa Yoowo paahi?

Yakobe 5:9

Axunna, muhaapaneke mukina ni mukhwaawe weera muhithorihiwe. Mphuki ori vamulako!