Miteko 4:7 - Emakhuwa Bible

⁷ Aalamulelakaru eeli awo weemela, awo yaapacera waakohakoha eeli ale yeeraka: “Ni ikuru heeni, hoye hoye mwa nsina nawani nyuwo mumpakaanyu yeeyo?”

Miteko 4:7 Iomraidhean Croise

Okhuma 2:14

Vano mulopwana aamwaakhula: “Taani oovanghe otokweene ni mphukaahu? Ontthuna okiivatho ntoko omwiivalaawo ngwExipitu?” Moisesi aahoova uupuwelaka: ‘vekhaikhai, sootheene sohooneleliwa!’

Matheyo 21:23

Yeesu aavolowa Empa ya Muluku ni axuttihaka, yaamwaattamela ahooleli a asaserdoti* ni asitokweene a muloko wa atthu ni yaamukoha: “Ni ikuru heeni mumpakaanyu itthu iya? Ni taani yoovangheni ikurusene seiya?”

Marku 11:28

“Ni ikuru heeni mumpakaanyu itthu iya? Ni taani yoovangheni ikuru weera mpake iya?”

Yohaane 2:18

Vano aYuda yaamukoha: “Eneneero heeni yootikhiniheya mungweraanyu onoonihera weera yaakhuleliwe yeeyo mumpakaanyu vaanaano vaava?”

Yohaane 8:3

Anamawera a nlamulo* ni aFarisi* yaamuruuhela muthiyana mmoha yaamvanraaya araruwaka. Yaamulamulela weemela ohoolo wa atthu ootheene,

Yohaane 8:9

Yaawo yaamwiiwale yaapacera orowa, mmoha-mmoha, okhuma asitokweene. Yeesu aahanle paahi ni muthiyana eemenleene vahoolowawe.

Miteko 4:10

musuwele nnenesene yeeyo, asipwiiya ni muloko wootheene wa oYixrayeli: Mulopwana owo ori vawo oolamihiwa ohoolo wa asipwiiya niwoko na Nsina na Yeesu Kristu a oNasarete, mwa Yoowo nyuwo mwaamuthomeiyaanyu, mene Muluku omvenyereringhaawe mookhwaani.

Miteko 4:6

Yaari iwe Hana, mutokweenexa a asaserdoti*, nitho Kayafasi, Yohaane, Alesandere ni ootheene akina yaari a emusi ya mutokweenexa a asaserdoti*.

Miteko 4:8

Vano Pedru, asareiyeene Munepa Wootteela, aaweerela: “Ahooleli a aYuda ni asitokweene a muloko!

Miteko 5:40

Awo yaaviriyeliwa ni masu a Gamaliyeli. Yaawiitthana arummwa ni yaalamulela weera ewaaxuliwe. Vahoolowaya yaahaalamulela weera ehuulume mwa Nsina na Yeesu, ni yaahaahiya erowaka.