Miteko 4:29 - Emakhuwa Bible

²⁹ Vano, Apwiya, muupuwele soowoopopihasaya, ni mwaawerihe arumeiyaanyu weera elaleiye maswaanyu ni murima woolipa.

Miteko 4:29 Iomraidhean Croise

Yesaya 58:1

“Mukhuwele ni nsu ntokotoko, muhihovelaka! Murumihe nsunanyu ntoko nipalapatta. Mulaleere mulokwaaka ovaanyawaya ni wa ekhapira ya Yakobe sootthekasaya.

Yesaya 63:15

Ngwehe wiirimu woorakamela ni moone mukilaathiyeene vahiceniwanyu ya osulu, yootteela ni yoovuwa. Nri woowi nthitinanyu ni ikurusanyu? Murimaanyu wooreera ni ikhararisanyu nohiimaniwa.

Icipo Soolalamika 3:50

mpaka Yave ari wiirimu, awehe ni oone!

Icipo Soolalamika 5:1

Muupuwelele Yave yeeyo enikhumelenle; ngwehe ni moone wuulihiheyawahu muru.

Ezekiyeli 2:6

Nyuwo, mwaana a mutthu, muhiwoove atthu awo hata maswaayeenetho. Muhiwoove, naari yooricakani ni rupulula ni nyiiwa, ni nyuwo mukhalaka eriyari ya awalisi. Muhoove yeeyo anghimaaya, hata mwaawoonaka, muhitteenguwe, arookhalaru muloko woovaanya.

Daniyeli 9:18

Ii! Muluku Dyoontte mwiiwe; muhuleke maithwaanyu ni ngwehe othaamiwa wa esidade enkuxa Nsinananyu. Hiyo khannoovekelani Nyuwo niwoko na ororomeleyawahu, mene niwoko na ikhararisanyu sitokotoko.

Mikeyasi 3:8

Vaheera wa miyo, koosareya ni ikuru, ni Munepa wa Yave, ekhaikhai ni owera, weera kimuleele Yakobe opahulawawe, ni wa aYixrayeli otthekawaya.

Miteko 13:46

Vano Pawulo ni Barnaba yaawaakhula ni murima woolipa, yeeraka: “Waatthuneya woolaleerani toko nyuwo masu a Muluku, mene mweenre mukhoottaka masu ala, ni hiiho munoonihera weera khamuphwanenle okumi woohimala, vano hiyo ninoohokoleela wa amalapo.

Miteko 14:3

Pawulo ni Barnaba yaakhalawo ehuhu yincipale, yuulumaka ni murima woolipa sa Apwiya, mwa Yaawo yaahaakhavihera epakaka ineneero ni sootikhiniha.

Miteko 19:8

Pawulo aavolowa muSinagogani*, ni mwemmo annuuluma ahoovaka etthu wa nyeeri miraru, avaanyihanaka nnenesene sa omwene wa Muluku.

Miteko 26:26

Amwene ala ansuwela nnenesene itthusene seiya, ni kinoowera waaleela nnenesene. Vekhaikhai, miyo kinuupuwela weera aasuwela soothesene seiya kinghimaaka, niwoko khasikhumelenle wiiphiini.

Miteko 28:31

Annalaleiya omwene wa Muluku ni annaxuttiha sa Apwiya Yeesu Kristu ni murima woolipa, ahooceelihiwaka naari ni etthu emoha.

Miteko 4:13

Yoonaka olipa murima wa Pedru ni Yohaane, ni esuwelaka weera khayaahiyono atthu oolepiweene, mene oohixuttihiwa, yaatikhina, ni yaasuwela weera awo yaakhala vamoha ni Yeesu.

Miteko 4:21

Vahoolo wa soowoopopiha sikina, awo yaahaahiya erowaka. Khayaaphwannye moota woowaattaruxa, niwoko atthu ootheene yaamutthapela Muluku wa yeeyo yaakhumelenle.

Miteko 4:31

Amalihaka ovekela, naathukumela nipuru nne yaathukumannaaya. Ootheene yaasareya ni Munepa Wootteela ni yaalaleiya masu a Muluku ni murima woolipa.

Miteko 9:27

Vano Barnaba aamukuxa amuronghaka wa arummwa. Owo aahaathalihera moota owo aawoonnaawe Apwiya mphironi, mwa yaawo yaamuleela, ni moota owo aalaleiyaawe ni murima woolipa oDamasku mwa Nsina na Yeesu.

Miteko 9:28

Hiiho Sawuli aakhala ni yaawo, ni eetta oohooceelihiwa uulumaka ni murima woolipa mwa Nsina na Apwiya.

1 aKorinto 14:13

Tivawo, yoowo onuuluma ni nuulumo nikina, avekele weera awere otaphulela nuulumo nno.

2 aKorinto 3:12

Tivawo, woonaka weera nookhalano oweherera wu, hiyo nri oolipa murima.

aFilipi 1:14

Ni axunna ancipale oolipiheriwa mwa Apwiya niwoko na otthukiwawaka, weera elaleiye ni nthiti nincipale masu a Muluku ehoovaka.

1 aTesalonika 2:2

Naari mweeraru nihasuliwaka ni niruwaniwaka oFilipi, ntoko musuwenlaanyu, naalipiha murima ni ekhavihero ya Mulukwaahu, woolaleerani masu ooreeraxa a Muluku variyari wa wiittana wincipale.

2 Timootheyo 4:17

Apwiyatho yaari ni miyo ni aakivaha ikuru weera mutthenga olaleiwe nnenesene ni miyo, ni weera amalapo ootheene yiiwe owo. Ni miyo koovuluxiwa mmwaano mwa mwatto.