Miteko 4:20 - Emakhuwa Bible

²⁰ Khaningwera ohiya wuuluma sa seiyo noonnaahu ni niiwalaahu.”

Miteko 4:20 Iomraidhean Croise

2 Samuweli 23:2

Munepa wa Yave wohuuluma mwa miyo; maswaaya yaari vanluminivaka.

Yeremiya 1:7

Mene Yave aakeerela: “Muheere: ‘Kiri mmiravo paahi,’ mene murowe wa ootheene miyo kineeraaka koorumiheleni ni mwahime sootheene kineeraaka koolamuleleni.

Yeremiya 20:9

Vaheera miyo keera: “Nkimuromolatho hata nkuuluma mwa Nsinananyu,” maswaanyu anlikana mooro ovarelaka mmurimanimwaka; mooro mpuwa mwa makhuvaaka. Miyo kookhulumuwa niwoko na yeeyo; nkingwera opwaherera moota hiiho.

Yeremiya 4:19

Ii! Othananawaka, othananawaka! Kinnathukumela ni ovoreya! Ii! Exiri ya murimaaka! Murimaaka onnakitthimaka ni nkingwera omaala. Niwoko kohiiwa oruma wa nipalapatta; kohiiwa okhuweliwa wa ekhotto.

Yeremiya 6:11

Mene miyo koosareya isara sa Yave ni nkingweraru okhalano.” Mwaayeehere seiyo anamwane mmiseweni ni amiravo anthukumana mikuttula mikuttula; asiiya ni axaaraaya anoophwanyiwa ni seiyo ni hiihotho anamuuluvala – yaawosa arino iyaakha sincipale.

Ezekiyeli 3:11

Vano murowe wa axunninyu aronghiwe wootthukiwani ni mwawuulumane. Mwaaleele, hata yiiwe, ehiiwe: Yave onlamula sootheene ti oohimala.”

Amosi 3:8

Mwatto ohoopa murika, taani aneera ahoove? Yave onlamula sootheene, ohuuluma, taani aneera ahithalihere otthuna wa Muluku?

Mikeyasi 3:8

Vaheera wa miyo, koosareya ni ikuru, ni Munepa wa Yave, ekhaikhai ni owera, weera kimuleele Yakobe opahulawawe, ni wa aYixrayeli otthekawaya.

Nuumeru 22:38

Biliyami aamwaakhula: “Miyo kiri va! Vaheera miyo nkingwera ohima yakhalaru etthu. Nkihime paahi yeeyo Muluku aneeraawe akileele.”

Nuumeru 23:20

Kohaakhela nlamulo weera kireelihe; Owo ooreeliha ni nkingwera oceendya yeeyo.

Luuka 1:2

ntoko nileeliwaahu ni yaale yaari anamoona ni arumeiyi a masu okhuma ompacereroni.

Miteko 1:22

okhuma opatiso wa Yohaane mpaka nihuku Yeesu aawelihingwaawe osulu variyariwahu. Ontthuneya weera mmoha a yaawo akhale namoona a ovenyererawawe vamoha ni hiyo.”

Miteko 1:8

mene mmwaakhele ikuru Munepa Wootteela wookhuruwelakani nyuwo ni mmwikhale anamoonaaka oYerusaleemu, oYudeiya wootheene, oSamariya ni mpaka ekotenle elapo.”

Miteko 18:5

Aaphiyalaawe Sila ni Timootheyo oMasedoniya, Pawulo aahiixinnyerera ni nthiti weera alaleiye, aakhalelaka onamoona aYuda weera Yeesu aari Kristu.

Miteko 2:32

Muluku oomuvenyereriha Yeesu Owo, ni hiyo ootheene nri anamoona a etthweene yeeyo.

Miteko 2:4

Ootheene yaasareya ni Munepa Wootteela ni yaapacera wuuluma muulumo makina ntoko Munepa waavanghaaya wuuluma.

Miteko 22:15

Nyuwo mmwikhale namoonaawe wa atthu ootheene, mukhalelaka onamoona sa itthu seiya moonnaanyu ni mwiiwalaanyu.

Miteko 3:15

Nyuwo mwaamwiiva Mwaneene a okumi, mene Muluku aamvenyereriha mookhwaani. Hiyo nri anamoona a yeeyo.

Miteko 5:32

Hiyo nri anamoona a itthusene seiya, nitho Munepa Wootteela Muluku aavanghaawe yaale ammwiiwelela.”