Miteko 3:25 - Emakhuwa Bible

²⁵ Ni nyuwo muri anamwane a maprofeeti ni a wiiraana Muluku aapankaawe ni makholowaanyu. Owo aamweerela Abrahaamu: ‘Niwoko na ekhapiraanyu miloko sootheene sa elapo ya vathi nsireelihiwe.’

Miteko 3:25 Iomraidhean Croise

Epacerero 12:3

Miyo nkaareelihe yaawo eneera yooreeliheni ni nkaalaphe yaawo eneera yoolapheeni. Vanonto, mwaha wa nyuwo nsireelihiwe miloko sootheene sa mweelaponi.”

Epacerero 17:19

Muluku aamwaakhula: “Vekhaikhai Sara onimooyarelani mwaana mulopwana ni nyuwo mmunttehe Isaki. Nkikhalihe wiiraanyihawaka ni yoowo ni ekhapiraawe ya muhoolo ntoko wiiraana woohimala.

Epacerero 18:18

Abrahaamu anaakhale tiithi a muloko mutokotoko ni woolipaxa, ni mwaha wa yoowo miloko sootheene sa mweelaponi nsireelihiwe.

Epacerero 20:7

Vano, omuhokoloxere mwaneene a muthiyana owo. Owo mprofeeti, onimoovekelela weera weyo ohikhwe. Mene waahimuhokoloxera, osuwele nnenesene weera weyo vamoha ni amusaawo onimookhwa.”

Epacerero 22:18

Vano mwaha wa yeeyo miloko sootheene sa elapo ya vathi nsireelihiwe niwoko nyuwo mookiiwelela.”

Epacerero 26:4

Vano nkaandyeerere ekhapiraanyu ntoko ithenyeeri sa wiirimu, nitho nkivahe ilapo sootheene iya. Mwaha wa ekhapiraanyu miloko sootheene sa elapo ya vathi nsireelihiwe,

Epacerero 28:14

Ekhapiraanyu eniikhale ntoko ntthupi na etthaya ni eniimake okhuma ninkhuma nsuwa mpaka ninkela nsuwa, nitho oottuttuwani mpaka ohitto wa elapo, ni mwa miloko sootheene sa mulaponi nsireelihiwe niwoko na nyuwo ni ekhapiraanyu.

1 Nyaha 16:16

sa wiiraana opankaawe ni Abrahaamu, sa nlipelo ompakenlaawe Isaaki.

1 Nyaha 16:17

Aamuroromelinghe yoowo Yakobe ntoko ekano, ni wa Yixrayeli ntoko wiiraana woohimala, eeraka:

Nehemiya 9:8

Mwaahoona weera murimaawe waari woororomeleya wa Nyuwo, mwaakhaliha wiiraana ni yoowo muroromelihaka ovaha ekhapiraawe ilapo sa aKanaani, aHiti, awAmori, aPerizi, aYebusi ni aGirgasi. Vano mookwanihera yoororomelihaanyu, niwoko ti oororomeleya.

Icipo 22:27

Atthu a elapo ya vathi yootheene anoomuupuwelela, ehokoleeleke wa Yave, ni imusi sootheene sa miloko sinoomukokhorela,

Icipo 96:7

Mumvahe Yave, miloko sootheene nyuwosa, mumvahe Yave ovuwa ni ikuru!

Luuka 1:72

weera ewoonihere ikhararisawe makholowaahu ni yuupuwelele wiiraanawaya wootteela,

Miteko 13:26

Axunna, anamwane a Abrahaamu ni nyuwo mummoova Muluku, wa hiyo noorumiheliwa mutthenga ola wa ovuluxiwa,

Miteko 2:39

Vano, yoororomelihiwa ela ti yawinyu, ya anamwanaanyu ni ya ootheene ari ottaiwene, ya ootheene yaawo Apwiya Mulukwaahu eneeraaya ewiitthane.”

aRooma 15:8

Vano miyo kinooleelani weera Kristu oothatuwa murumeiyi a aYuda niwoko na ekhaikhai ya Muluku, weera alipihere seiye yaaroromelihiwaaya asitokweene a khalayi.

aRooma 4:13

Abrahaamu ni anamwanaaya yaahaakhela yoororomelihiwa weera awo yaarwa waakhela elapo ya vathi ntoko yoohiyeriwa*. Khayaakhenle yeeyo niwoko na nlamulo, mene niwoko yaahaakhuleliwa mwaha wa nroromelonaya.

aGalata 3:16

Hiihotho ni soororomelihiwa saapakeliwe Abrahaamu ni ekhapiraawe. Yoolempwa* kheeneera: ‘ni wa ikhapirasawe’ ntoko ancipale, mene ‘wa ekhapiraawe,’ weera enoonihere weera enuuluma sa mutthu mmoha paahi, eyo tiiyo Kristu.

aGalata 3:29

Ni nyuwo mwaari a Kristu, vano ti ekhapira ya Abrahaamu, ni muri anamwaakhela ntoko yoororomelihiwa enghimaaya.

aGalata 3:8

Yoolempwa* ya khalayi, yoonaka ehinaaye weera Muluku onoowaakhulela amalapo niwoko na nroromelonaya mwa Kristu, yaalaleiya toko wa Abrahaamu masu ooreeraxa: “Niwoko na nyuwo miloko sootheene nsireelihiwe.”

Ethupululo 14:6

Vano kaamoona ndyelo mukina avavaka wiirimu, areeneno masu ooreeraxa oohimala weera aalaleere atthu ankhala elapo ya vathi, wa ilapo, ipuumba, muulumo ni miloko sootheene.

Ethupululo 5:9

ni awo yaahiipa ecipo enyowani: “Moophwanela waakhela elivuru ni ohula iwalelosaya*, niwoko mohiiviwa ni moomuthumela Muluku atthu a epuumba, nuulumo, muloko ni elapo yootheene.

Ethupululo 7:9

Vahoolowaya kaaweha, ni ohoolowaka yaakhala atthu ancipalexa mwa yaawo khaawo aawera owaalikela. Yaakhala wa ilapo, ipuumba, miloko, ni muulumo ootheene. Yaarimweemela ohoolo wa ehice ni wa Eputtiputthi, ewanreene mikaandyo sootteela ni emvarenleene mmatatanimwaya kancesa.