Miteko 3:19 - Emakhuwa Bible

¹⁹ Vano, murukunxe mirimasanyu ni muhokoleele wa Muluku weera sootthekasanyu sikhale soomalihiwa,

Miteko 3:19 Iomraidhean Croise

Icipo 103:12

Owo onnirakameliha sootthekasahu ntoko orakamelanawaya ninkhuma nsuwa ni ninkela nsuwa.

Icipo 51:13

Vano kinimwaaxuttiha ephirowaanyu atakhali ni anamattheka anoohokoleela wa Nyuwo, Muluku.

Icipo 51:9

Mwiipithihe ekhovaanyu wa sootthekasaka ni mucipihe soonanarasaka sootheene.

Yesaya 43:25

Miyo, aani Miyo ti Yoole ommaliha soonanarasanyu moosivelani ni nkuupuwelatho sootthekasanyu.

Yesaya 44:22

Kookwesera ottaiwene soonanarasanyu ntoko nihutte, sootthekasanyu ntoko nikame na oxeexelo. Muhokoleele wa Miyo niwoko Miyo koowoopolani.”

Yesaya 51:11

Oowoopoliwa a Yave anoohokolowa. Anoovolowa oSiyoni ni wiipa; ohakalala woohimala onookhala icireembasaya. Ohakalalaxa onimwaaphwanya ni ohitteela ni ohihimera onimwaatthawa.

Yesaya 6:10

Muumihe mirima sa muloko owo; mwaattiyanihe maaruwaaya ni mwaawale maithwaaya. Mwaahipaka yeeyo, owo onimoona ni maithowaaya, onimwiiwa ni maaruwaaya ni onimwiiwexexa ni mirimasaya, ni vano onoorukunuwa ni onoolamihiwa.”

Yesaya 61:3

kaakosoope yaale aniinla oSiyoni kaavahaka ecireemba yooreera vanipuroni na ettuura, makhura a ohakalala vanipuroni na olalamika ni mukaandyo wa ottottopela vanipuroni na munepa wooriipiwa. Awosa animwiitthaniwa ikaravalyu* sa ororomeleya soophatteiwa ni Yave ntoko eyoonihero ya ovuwawawe.

Yesaya 61:9

Ikhapirasaya sinoosuweliwa eriyari ya miloko ni anamwanaaya eriyari ya amalapo. Ootheene eniiwoone animwaakhulela weera awosa ti atthu ooreelihiwa ni Yave.

Yeremiya 36:3

Apaale, muloko wa oYuda woonelela khula erisa kaavaanelenlaaka, khula mutthu anaahiye mweettelowaawe woonanara ni Miyo nkaalevelele yootakhala ni yootthekaaya.”

Yeremiya 50:20

Mmahukuni awo ni mweehuhuni eyo,” onghima Yave, “sinimwaasaasiwa sootakhala sa oYixrayeli, mene khasiphwanyiwaru; mwa soottheka sa oYuda, mene khasiphwanyiwaru, niwoko kinimwaalevelela ahalahanle kineeraaka kiwuurele.

Icipo Soolalamika 3:40

Niwehawehe nnenesene mweettelowaahu, vahoolowaya nihokoleeleke wa Yave.

Icipo Soolalamika 5:21

Munironghe wa Nyuwo Yave, weera nihokolowe; mureherere mahukwaahu ntoko a khalayi,

Ezekiyeli 33:11

Mwaaleelase: ‘Kinlipela mwa okumaaka,’ onghima Yave onlamula sootheene, ‘khoonkisivelaru okhwa wa atakhali, kimpacera toko ohaawela weera awosa ehapuwe mphironimwaya ni ekhale ni okumi. Muhokolowase! Muhokolowase mphironimwanyu moonanara! Ii! Muloko wa oYixrayeli, muntthunela heeni okhwa?’

Daniyeli 9:13

Irisa sootheene iye saanikhumelela ntoko elempwalaaya munlamuloni na Moisesi. Hata hiiho khanaanse waakhuleliwa ni Yave Mulukwaahu, nihiyaka sootthekasahu ni nittharaka ekhaikhaiyaawe.

Hoxeya 14:2

Oreherere yoohima ni ohokoleele wa Yave. Mumvekele ha: “Mulevelele sootthekasahu sootheene ni mukhararinimwanyu munaakhulele weera noovaheeni sootthapela sa iyanosahu ntoko imombe simveleeliwa.

Yoweli 2:13

Muhaahule sowarasanyu, mene muhule mirimasanyu. Muhokoleele wa Yave Mulukwaanyu, niwoko Owo ti a ikharari ni murima wooreera; oovilela ni oosareya osivela. Ti oopisa oruuha nihooxo.

Matheyo 13:15

Vano mirima sa muloko ola saathatuwa soohipwattha, waakhalano maaru oolipa ni maitho ookhuneeleya. Wahaari hiihaawo, yaahereke woona ni maitho, wiiwa ni maaru, wiiwexexa ni murima ni orukunxa murima, ni Miyo kaamwaalamiha.’

Matheyo 18:3

eeraka: “Miyo kinoororomelihani weera nyuwo muhiiceendye ni muhiitatunxe ntoko anamwane, vekhaikhai khamumvolowa moomweneni wa wiirimu.

Luuka 1:16

Niwoko na yoowo, atthu ancipale a muloko wa aYixrayeli eniihokoleele wa Apwiya Mulukwaaya.

Luuka 22:57

Aarunatho eeraka: “Muthiyana, nkimusuwenle.”

Miteko 1:6

Yaawo yaathukumanne yaamukoha: “Apwiya, ti vaanaano vaava muneeraanyu mukhalihetho omwene wa aYixrayeli?”

Miteko 11:18

Yiiwaka yeeyo, yaahiya omukohakoha, ni yaamvuwiha Muluku yeeraka: “Vano Muluku ohaavaha orukunxa murima wa okumi mpaka amalapo asineenaaya!”

Miteko 11:21

Ntata na Apwiya naari ni yaawo, ni ancipale yaaroromela ni yaarukunxela mirimasaya wa Apwiya.

Miteko 15:3

Ekerexa yaahaarumiha ni eviraka oFenisiya ni oSamariya, yaahaathalihera akristu a weiwo moota amalapo yaarukunxalaaya mirimasaya. Ihaali iye saahaahakalaliha vancipale axunna ootheene.

Miteko 17:26

Muluku aampanke mutthu mmoha paahi, ni wa yoowo sookhumelela miloko sootheene sa atthu sinkhala mweelaponi yootheene. Aari Yoowo akhalihale ihuhu ni mapuro miloko saatthuneyaaya omaka.

Miteko 2:38

Pedru aawaakhula: “Murukunxeke mirimasanyu, ni mutthu ti mutthi a nyuwo apatisiweke mwa Nsina na Yeesu Kristu wa elevelelo ya sootthekasanyu, ni mmwaakhele mahala a Munepa Wootteela.

Miteko 28:27

Vekhaikhai, murima wa muloko ola woothatuwa woowuuma. Waattiyela maaruwaaya ni waaputiha maithwaaya weera ohoone, naari ohiiwe, hata ohiiwexexe, hata ohirukunxe murima weera Miyo kaalamihe.’

Miteko 3:20

weera ephiye ehuhu ya wiitthuuwa, nitho weera Owo amurumihe Yoowo mukhaliheriwaanyu Kristu, eyo tiiyo Yeesu.

Miteko 3:21

Ontthuneya weera Owo akhale wiirimu, mpaka ophiya ehuhu Muluku aneeraawe areherere itthu sootheene, ntoko aahimalaawe khalayi ni iyano sa maprofeeti ootteela.

aRooma 11:25

Axunnaka, kintthuna weera musuwele nnenesene ntikhinelo nna weera muhiixoone: Wookhumelela wuuma murima wa akina a aYixrayeli mpaka okwanela waatta wa amalapo.

2 aTesalonika 1:10

Eyo eniikhumelele vanihukuni Awo eneeraaya erwe weera evuwihiwe mwa ootteelaaya, ni ettottopeliwe ni yaawo ootheene yaaroromenle vamoha ni nyuwo muroromenle onamoonaahu.

2 aTesalonika 1:7

ni anoovaheeni wiitthuuwa nyuwo munghasuliwa, ni wa hiyotho. Eyo eniikhumelele Apwiya Yeesu eneeraaya yooniheriwe wiirimu variyari wa nlumi na mooro, nivarelaka vamoha ni andyelowaaya a ikuruxa.

2 Timootheyo 2:25

Ontthuneya waalaka amwiittanaawe ni murima woomaaleleya, aroromelaka weera Muluku aavahe orukunxa murima, aasuwelihaka ekhaikhai,

aHeberi 4:1

Moone, yoororomelihiwa ya ovolowa ngwiitthuuwani mwa Muluku emvara muteko mpaka olelo. Tivawo, niipasoope weera hata mmoha a nyuwo ahiyeleele ehuhu ya ovolowa ngwiitthuuwani wu.

1 Pedru 2:25

Vano, nyuwo mwaari ntoko ikhondoolo soothweelela, mene vano moohokoleela wa Mukukhuli ni Mutokweene onkosoopa* okumaanyu.

2 Pedru 3:8

Muhittiwale yeeyo, oosiveleya: Wa Apwiya nihuku nimoharu ti ntoko iyaakha macira muloko, ni iyaakha macira muloko ntoko nihuku nimoharu.

Ethupululo 21:4

Owo anuukutthe mmaithonimwaaya maithori ootheene. Khoorwa okhala okhwa, hata olalamika, hata wiinla, naari ovoreiya, niwoko itthu soopacera soovira.