Miteko 28:27 - Emakhuwa Bible

²⁷ Vekhaikhai, murima wa muloko ola woothatuwa woowuuma. Waattiyela maaruwaaya ni waaputiha maithwaaya weera ohoone, naari ohiiwe, hata ohiiwexexe, hata ohirukunxe murima weera Miyo kaalamihe.’

Miteko 28:27 Iomraidhean Croise

Icipo 119:70

Mirimasaya ti soowuumaxa, vaheera miyo kinghakalala mmalamulonimwanyu.

Yesaya 6:10

Muumihe mirima sa muloko owo; mwaattiyanihe maaruwaaya ni mwaawale maithwaaya. Mwaahipaka yeeyo, owo onimoona ni maithowaaya, onimwiiwa ni maaruwaaya ni onimwiiwexexa ni mirimasaya, ni vano onoorukunuwa ni onoolamihiwa.”

Matheyo 13:14

Mwa yaawo aakwaniheriwa masu a mprofeeti Yesaya owo eenraawe: ‘Nyuwo mahuku ootheene muneera mwiiwaka, mene khamurwa mwiiwexexa, mahuku ootheene muneera moonaka, mene khamurwa moonexexa.’

Matheyo 13:15

Vano mirima sa muloko ola saathatuwa soohipwattha, waakhalano maaru oolipa ni maitho ookhuneeleya. Wahaari hiihaawo, yaahereke woona ni maitho, wiiwa ni maaru, wiiwexexa ni murima ni orukunxa murima, ni Miyo kaamwaalamiha.’

Deuteronomiyo 29:4

Wa soothesene, mpaka olelo Yave khoovangheni soowuupuwela siniiwexexa hata maitho anoona naari maaru aniiwa.