Miteko 26:6 - Emakhuwa Bible

⁶ Vano kinthorihiwa niwoko na nroromelonaka mwa yeeyo Muluku aaroromelihalaawe makholowaahu.

Miteko 26:6 Iomraidhean Croise

Epacerero 12:3

Miyo nkaareelihe yaawo eneera yooreeliheni ni nkaalaphe yaawo eneera yoolapheeni. Vanonto, mwaha wa nyuwo nsireelihiwe miloko sootheene sa mweelaponi.”

Epacerero 22:18

Vano mwaha wa yeeyo miloko sootheene sa elapo ya vathi nsireelihiwe niwoko nyuwo mookiiwelela.”

Epacerero 26:4

Vano nkaandyeerere ekhapiraanyu ntoko ithenyeeri sa wiirimu, nitho nkivahe ilapo sootheene iya. Mwaha wa ekhapiraanyu miloko sootheene sa elapo ya vathi nsireelihiwe,

Epacerero 3:15

Nkiittanihe variyariwawo ni muthiyana, variyari wa ekhapiraawo ni ya muthiyana. Owo anaaswanye murwaawo ni weyo onuulume etthottopwaawe.”

Epacerero 49:10

Ekopo kheerwa ekuxiwa wa Yuda, aani ekopo yoolamula eniikhale eriyari ya nyettosawe mpaka aneeraawe arwe yoowo ori muneene a ekopweene yeeyo. Ni miloko nsimwiiwelele yoowo.

Icipo 132:11

Yave aamuroromeliha murumeiyaawe Davide – nlipelo na ekhaikhai noohiceendyeya: “Kinoomukhaliha vahiceniwanyu ya emwene mmoha a ekhapiraanyu xaxaxa.

Icipo 132:17

Va kinookhumeleliha ikuru sa Davide, kaarihaka omwaleela wa oottikittheliwaaka.

Icipo 98:2

Yave oolaleiya ovuluxawawe ni ohoonihera ekhaikhaiyaawe miloko.

Yesaya 4:2

Vanihukuni nenenenno ephandi ya Yave eniikhale yooreeraxa ni yoovuwaxa ni soowiima sa elapo nsikhale ovuwa ni nttittimiho na yaawo eniihalahale oYixrayeli.

Yesaya 7:14

Tivawo Yave muneene aneeraawe oovaheeni, eneneero: mwaamwali oowiikosoopa onoorupala, amuyareke Mwaana Mulopwana ni onoomutteha Emanuweli.

Ezekiyeli 21:27

Oheleya nthala! Oheleya nthala! Miyo kinooheliha nthala! Kheerehereriwa ahirwiiye yoole ophwanenle okhala muneene yeeyo; vano wa yoowo kinoomvaha.’

Ezekiyeli 37:24

Murumeiyaaka Davide, anaakhale mwenaaya, ni ootheene awo eniikhaleno mukukhuli mmoharu. Eniyeettele malamulowaaka, yiipasoopaka wiiwelela ikanosaka.

Hoxeya 3:5

Vahoolowaya, aYixrayeli anoohokolowa, emwaaseke Yave, Mulukwaaya, ni Davide mwenaaya. Mmahukuni ookisera animoowa ethukumelaka vamaithoni wa Yave ni wa mareelihowaawe.

Yoweli 2:32

Ootheene eneera yiitthane Nsina na Yave eniivuluxiwe, niwoko vamwaako Siyoni ni oYerusaleemu onuukhale woopoliwa, ntoko Yave aaroromelinghaawe wa yaawo eniihale ni okumi ni wa yaawo aneeraawe awiitthane.”

Obadiya 1:21

Yaale yoopongwe anoowela vamwaako wa oSiyoni weera elamule nyaako sa Esawu. Ni omwene onuukhale wa Yave.

Mikeyasi 5:2

“Vaheera nyuwo Beteleheemu Efrata, murookhalaru mukhaani eriyari ya mahimo a oYuda, wa nyuwo onimoorwa wa Miyo mmoha aneera akhale mulamuli a oYixrayeli – mwa yoowo epacererowaawe ekhumale khalayixa.”

Mikeyasi 7:20

Munoomoonihera Yakobe ororomeleya, ni munoommorela ikharari Abrahaamu, ntoko mwaaroromelinghaanyu ni nlipelo makholowaahu khalayeene.

Zakariya 13:1

“Vanihukuni nenenenno anaattuuttu anoopiluwela ekhapira ya Davide ni amaki a oYerusaleemu weera yaatteelihe mwa soottheka ni soohitteela.

Zakariya 13:7

“Ii! Ekatana, muvenye ni ngwaneke ni mukukhulaaka, yoowo ori mukhwaaka!” ongima Yave a ikuru sootheene.”Mummane mukukhuli ni muhuwo onoomwaraxeya ni kinimwaarukunuwela asikhaani.

Zakariya 6:12

Mwamuleele weera Yave a ikuru sootheene oneera ha: ‘Ori va mulopwana oniitthaniwa Ephuwela ni owo onoophuwa vanipuroniwawe ni onooteka Empa ya Yave.

Zakariya 9:9

Muhakakalaxe mwaana muthiyana a oSiyoni; mukhuwele mwaana muthiyana a oYerusaleemu! Moone, mwenaanyu ongwaattamelani, oororomeleya ni oowineene, a murima woomaaleleya ni angwenleene buuru, aani mwaaxaana a buuru muthiyana.

Malekiya 3:1

“Moone, Miyo kinoomurumiha namutthengaaka, anaareherere ephiro ohoolowaka. Hiiho, woowaakuveya Yave mummwaasaanyu onoorowa Mpaanimwawe; namutthenga a wiiraana, mwa yoowo nyuwosa munimuhaawelaanyu onimoorwa,” oneera Yave a ikuru sootheene.

Malekiya 4:2

Vaheera wa nyuwosa munttittimiha Nsinanaka, nsuwa na ekhaikhai nnookhuma niruuhaka olama ngwaaranimwaya. Hiiho, nyuwosa munookhuma mutupheke ntoko aximombe oohuleliwa munikhoolani.

Miteko 23:6

Vano Pawulo, asuwelaka weera akina a yaawo yaari aSaduki* ni akinatho aFarisi*, aakhuwela eriyari ya eSineedriyu*: “Axunna, miyo ti muFarisi*, mwaana a muFarisi*. Miyo kinthorihiwa niwoko kinroromelaaka mwa ovenyerera wa akhwiiye!”

Miteko 24:15

Vano, mwa Muluku kookhalano owehererawene weiwo ntoko wa atthu ala, weera onuukhale ovenyerera wa oororomela ni oohiroromela.

Miteko 24:21

ohikhanle etthweene ela: Kuulumalaaka ni yaawo, kaakhuwela keeraka: ‘Ti mwaha wa ovenyerera wa akhwiiye miyo kinthorihiwaaka olelo ohoolowanyu.’”

Miteko 26:8

Heeni nyuwo muhingweraanyu ororomela weera Muluku onaavenyereriha akhwiiye?

Miteko 28:20

Niwoko na yeeyo kaavekela weera kiwooneeni ni kuulume ni nyuwo. Miyo kootthukiwa ni onyooro ola niwoko na nroromelo na aYixrayeli.

Miteko 3:24

Mwa yeeyo maprofeeti ootheene okhuma Samuweli mpaka ohoolo, khula mutthu a yaawo, yaahima sa mahuku ala.

aRooma 15:8

Vano miyo kinooleelani weera Kristu oothatuwa murumeiyi a aYuda niwoko na ekhaikhai ya Muluku, weera alipihere seiye yaaroromelihiwaaya asitokweene a khalayi.

aGalata 4:4

Yaaphiyalaaya ehuhu eneeneene, Muluku aamuruma Mwanawe, aayariwa mwa muthiyana, munlamuloni,

Deuteronomiyo 18:15

Yave Mulukwaanyu onookhaliherani mprofeeti ntoko miyo oothanliwa variyari wa axunninyu. Mmwiiwelele yoowo.

Titu 2:13

niwehereraka oweherera wooreelihiwa: wooniheriwa woovuwa wa Mulukwaahu Mutokweene ni Mvuluxa Yeesu Kristu.