Miteko 26:28 - Emakhuwa Bible

²⁸ Vano Agripa aamweerela Pawulo:“Nyuwo munuupuwela weera mwa ehuhu ekhaani munoowera okiviriyela othatuwa muKristu?”

Miteko 26:28 Iomraidhean Croise

Ezekiyeli 33:31

Mulokwaaka onrwa wa nyuwo ntoko okhovelenlaaya opaka, ni onkilaathi weera wiiwe maswaanyu, mene khooneettela. Ngwuulumanimwaya ankhala ntoko oororomeleya, vaheera anghaawela owina woohiroromeleya.

Matheyo 10:18

Niwoko na Miyo, nyuwo mmwikuxiwe muronghiwaka vamaithoni wa maguvernadori ni mamwene, weera mwakhaleliwe onamoona wa yaawo ni wa amalapo.

Marku 6:20

niwoko Herodi aamoova Yohaane ni aamwaakiha, asuwelaka weera aari mulopwana oororomeleya ni ootteela. Aamwiiwaawe Yohaane, aatikhinaxa. Waarookhalaru hiiho, annatthuna omwiiwa.

Miteko 11:26

ni amphwanyaka, aamukuxa amuronghaka wAntiyokiya. Hiiho Barnaba ni Sawuli yannathukumana ni ekerexa ya wAntiyokiya, woomalaka eyaakha emoha ni yaahaaxuttiha atthu ancipale. Ti wAntiyokiya oohusera yaapacenraayawo wiitthaniwa aKristu.

Miteko 24:25

Uulumaka Pawulo sa waakhuleliwa ni Muluku, sa wiisuumaaliha ni sa othorihiwa oneera orwe, Felisi aahoova ni aamweerela:“Waatta! Vaanaano va, mpwaheke. Kaphwanya ehuhu, nkiwiitthanenitho.”

Miteko 26:27

Amwene Agripa, munaaroromela maprofeeti? Koosuwela weera aani.”

Miteko 26:29

Pawulo aamwaakhula: “Hata mwa ehuhu ekhaani, naari yincipale, kinimuvekela Muluku weera khamuhiyono nyuwo paahi, menetho ootheene ankiiwa olelo ethatuwe ntoko miyo, ohiya onyooro ola.”

2 aKorinto 4:2

Ohiyanawaya, hiyo ninnyanyala itthu soovithiwa ni soowuulihiha muru. Khanimvarela muteko soolokottha, hata khanimpiritula masu a Muluku. Hoye! Nithaliheraka ekhaikhai nnenesene, hiyo nniixoonihera wa mirima sa atthu ootheene ohoolo wa Muluku.

1 Pedru 4:16

Wa soothesene, mwaahaawaka ntoko muKristu, muhuuliwe muru, mene mumvuhiwe Muluku niwoko na Nsina nna.