Miteko 26:24 - Emakhuwa Bible

²⁴ Ehuhuweene yeele, Festo aahooceeliha wiixaakiha wa Pawulo, eeraka ni nsu ntokotoko: “Nyuwo Pawulo, munkhwa anepa. Oxutterawanyu wincipale wohooruuhelani anepa!”

Miteko 26:24 Iomraidhean Croise

2 Mamwene 9:11

Yehu ahokoleelaka yaaraayawo asitokweene akina a mwene, mmoha a yaale aamukoha: “Salaama?” Naaneepa owo oohaawelelani eheeni? Yehu aamwaakhula: “Nyuwosa mohaasuwela atthu awo ni seiyo anghimaaya.”

Yeremiya 29:26

‘Yave ohoothanlani okhala musaserdoti* vanipuroni na Yehoyada ntoko namawehaweha Empa ya Yave; waatthuneya nyuwo omutthukelela vamukhukuluni ni onyooro, akhalaru naanepa oniixoonihera ntoko mprofeeti.

Hoxeya 9:7

Mahuku a nttaruxo ahanle vakhaani ophiya; mahuku a nthorihelo animoowa. aYixrayeli esuweleke yeeyo. Seenre saatta sootthekasanyu ni ovaanyawanyu otokotoko, mprofeeti onooneliwa okhala nsikini, mutthu oosareya Munepa Wootteela ntoko naanepa.

Marku 3:21

Yiiwalaaya amusaawe mwaha wa yeeyo, yaavenya weera emvenxe, niwoko yeera: “Owo naanepa.”

Yohaane 7:15

aYuda yaatikhina ni yaakohana: “Owenre hai Mulopwana Ola okhalano nihusiho mooteene yoola ahinatoko oxuttera?”

Yohaane 8:48

aYuda yaamwaakhula: “Hiyo naahuuluma nnene neeraka weera Nyuwo ti muSamariya ni murino munepa woonarara.”

Yohaane 8:52

Vahoolo wa yeeyo, aYuda yaamweerela: “Noosuwela vaanaano va weera murino munepa woonanara! Abrahaamu ahookhwa nitho maprofeeti. Vano Nyuwo muneera weera mukina iiwelela maswaanyu, kharwa akhwa mahuku ootheene!

Miteko 17:32

Yiiwaka sa ovenyerera wa anamakhwa akina yaamveiha, ni akinatho yaaheera: “Mwaha wa yeeyo, nnimwiiwe ehuhu ekina.”

Miteko 22:1

“Axunna ni asitiithi, mwiiwe vano wiixaakihawaka.”

Miteko 24:25

Uulumaka Pawulo sa waakhuleliwa ni Muluku, sa wiisuumaaliha ni sa othorihiwa oneera orwe, Felisi aahoova ni aamweerela:“Waatta! Vaanaano va, mpwaheke. Kaphwanya ehuhu, nkiwiitthanenitho.”

Miteko 24:27

Siviraka iyaakha piili, Felisi aamwaakhela Porsiyo Festo ntoko namukalambaawe. Wa soothesene, atthunaka waasiveliha aYuda, Felisi aamuhiya Pawulo okaliposo.

Miteko 26:11

Imaara sincipale kannarowa muSinagogani* weera kaattaruxe, ni keerera waanyesereriha oveiha. Waakhalelawaka isara yaawo, kannarowa isidade sa ilapo sikina weera kaattharatthare.

1 aKorinto 1:23

wa soothesene, hiyo ninimulaleiya Kristu oothomeiwa. Eyo ti nluku nookwattula wa aYuda ni ya anepa wa amalapo.

1 aKorinto 4:10

Hiyo anaanepa niwoko na Kristu, vaheera nyuwo muri asuweli mwa Kristu! Hiyo nri oohilipa, vaheera nyuwo oolipa. Nyuwo muri oottittimihiwa, vaheera nri ooramusiwa.

2 aKorinto 5:13

Naari anaanepa, ti niwoko na omusivelawahu Muluku, ni naarino miruku sooreera, ti niwoko na woosivelaniwahu nyuwo.

2 Timootheyo 3:15

Vano, okhuma enamwanaawo woosuwela Yoolempwa* Yootteela, engwera woovaha miruku sinrongha woovuluwani niwoko na nroromelo mwa Kristu Yeesu.