Miteko 26:20 - Emakhuwa Bible

²⁰ Woopacera kaahaalaleera yaawo yaari oDamasku; vahoolowaya yaawo yaari oYerusaleemu ni oYudeiya woothewene, nitho wa amalapo, kiweerelaka weera erukunxe murima ni ehokoleele wa Muluku epakaka miteko sinoonihera orukunxawaya murima wa ekhaikhai.

Miteko 26:20 Iomraidhean Croise

Icipo 22:27

Atthu a elapo ya vathi yootheene anoomuupuwelela, ehokoleeleke wa Yave, ni imusi sootheene sa miloko sinoomukokhorela,

Yesaya 55:7

Mutakhali ahiyeke ephirowaawe ni mutthu oonanara soowuupuwelasawe. Owo ahokoleele wa Yave ni Owo onoommorela ikharari, arukunuwele wa Muluku ni Owo onoomulevelela ni murima wooreera.

Yeremiya 18:11

Vano mwaaleele atthu a oYuda ni yaale amanke oYerusaleemu: Yave oneera ha: ‘Moone, kinreherera erisa ni woovaanelelani. Tivawo, muhiye iphirosanyu soonanara ni muceendye mweettelowaanyu ni mitekosanyu.’”

Yeremiya 35:15

Kaahoorumihelasani imaara sincipale arumeiyaaka ootheene, maprofeeti. Awosa yeera khula mutthu a nyuwo waatthuneya ohiya mweettelowaawe woonanara, okhaliha nnene soopakasawe ni ohiya otthara miluku sikina weera alape. Hiiho, nyuwosa mwaammaka mulaponi koovanghaakani nyuwo ni makholowaanyu. Vaheera nyuwosa khamwaakipwantthe hata khamwaakiiwelenle.

Icipo Soolalamika 3:40

Niwehawehe nnenesene mweettelowaahu, vahoolowaya nihokoleeleke wa Yave.

Hoxeya 12:6

Vanonto, muhokoleele wa Mulukwaanyu, ni mweettele ororomeleya ni ekhaikhai; mahuku ootheene mungweherere Mulukwaanyu.

Hoxeya 14:2

Oreherere yoohima ni ohokoleele wa Yave. Mumvekele ha: “Mulevelele sootthekasahu sootheene ni mukhararinimwanyu munaakhulele weera noovaheeni sootthapela sa iyanosahu ntoko imombe simveleeliwa.

Matheyo 3:2

“Murukunxe mirima, niwoko omwene wa wiirimu wookhuveela.”

Matheyo 3:8

Muruwere soowiima sinoonihera orukunxa murima!

Matheyo 4:17

Vahoolowaya Yeesu aapacera olaleiya: “Murukunxe mirima, niwoko omwene wa wiirimu wookhuveela.”

Matheyo 9:13

Murowe ni muupuwele etaphulelowaaya ela: ‘Kintthuna ikharari, sihikhanle sooveleela.’ Miyo nkaaweenle owiitthana atthu oororomeleya, mene anamattheka.”

Marku 6:12

Awo yaavenya ni yaalaleiya weera muloko orukunxe mirimasaya.

Luuka 1:16

Niwoko na yoowo, atthu ancipale a muloko wa aYixrayeli eniihokoleele wa Apwiya Mulukwaaya.

Luuka 13:3

Miyo kinooleelani weera hoye! Mwaahirukunxatho murima, nyuwo ootheene munooriheya.

Luuka 13:5

Miyo kinooleelani weera hoye! Mwaahirukunxatho murima, nyuwo ootheene munooriheya.”

Luuka 15:10

Miyo kinooleelani weera mooteene yoowo wookhala ohakalala vamaithoni wa andyelo a Muluku niwoko na namattheka mmoha onrukunxa murima.”

Luuka 15:7

Miyo kinooleelani weera mooteene yoowo onuukhale ohakalalaxa wiirimu niwoko na namattheka mmoha onrukunxa murima, opwaha wa atthu oororomeleya miloko mithannamixexe ni athannaaxexe ahintthuneya orukunxa murima.

Miteko 11:18

Yiiwaka yeeyo, yaahiya omukohakoha, ni yaamvuwiha Muluku yeeraka: “Vano Muluku ohaavaha orukunxa murima wa okumi mpaka amalapo asineenaaya!”

Miteko 15:19

Tivawo kinuupuwelaaka weera khoontthuneya weera hiyo naaxupe amalapo anrukunxela murimaaya wa Muluku.

Miteko 17:30

Ehuhu evinre Muluku khaalikelenle ohisuwela iwo, mene vano onlamulela weera mmapuroni moothemwene, ootheene erukunxe mirimasaya.

Miteko 2:38

Pedru aawaakhula: “Murukunxeke mirimasanyu, ni mutthu ti mutthi a nyuwo apatisiweke mwa Nsina na Yeesu Kristu wa elevelelo ya sootthekasanyu, ni mmwaakhele mahala a Munepa Wootteela.

Miteko 20:21

Kaahaakhalela onamoona aYuda nitho aGrego weera ontthuneya awo erukunxele murimaaya wa Muluku ni eroromele mwa Apwiyaahu Yeesu.

Miteko 26:17

Miyo nkoovuluxeni wa mulokwaanyu muneenaanyu ni wa amalapo, wa yaawo Miyo kinimoorumihani

Miteko 26:19

Hiiho, mwene Agripa, nkaakhanle oohiiwelela moonelo wa wiirimu.

Miteko 3:19

Vano, murukunxe mirimasanyu ni muhokoleele wa Muluku weera sootthekasanyu sikhale soomalihiwa,

Miteko 9:15

Apwiyatho yaamweerela Ananiya: “Muroweke, mulopwana owo ti exaavaaka yoothanliwa weera ekuxe Nsinanaka wa amalapo, mamwenaaya ni wa muloko wa aYixrayeli.

Miteko 9:35

Ootheene yaakhala oLida ni elapo ya oSarona yaamoona, ni yaahaarukunxela mirimasaya Apwiya.

aRooma 2:4

Weeraka nyuwo munramusa mihakhu sa murimaawe wooreera Muluku, opixa murima, ni oweherera ni ovilela wa Muluku, muhisuwelaka weera murima wooreera wa Muluku onooronghani woorukunxani murima?

2 aKorinto 3:16

Mukinatho aarukunxelaka murimaawe Apwiya, ecireemba enoovenxiwa.

2 aKorinto 7:10

Othanana ntoko otthuna wa Muluku onruwera orukunxa murima onkeliha moovuluwani, ni othanana iwo woovira, mene othanana wa elapo ya vathi onruwera okhwa.

awEfeso 4:17

Hiiho miyo kinooleelani, ni mwa Apwiya kinnanyeserera, weera muheettetho ntoko amalapo, aneetta mwa soowuupuwelasaya sa siiyo.

1 aTesalonika 1:9

Atthweene yaawo anthaliha moota nyuwo mwaanaakhenlaanyu, ni moota muhokoleenlaanyu wa Muluku, muhiyaka miluku sikina weera munrumeele Muluku mukumi ni a ekhaikhai,

Ethupululo 16:11

ni yaamveiha Muluku a wiirimu niwoko na ovoreiyawaya ni makhwattaaya. Wa soothesene, yaakhootta orukunxa murimaaya wa mitekosaya.

Ethupululo 2:21

Koomvaha ehuhu yoorukunxa murimaawe wa olavilavaawe, mene owo khantthuna.

Ethupululo 2:5

Muupuwelele weiwo mwamonraanyu! Murukunxe murima ni mupake miteko mwaavaraanyu ompacereroni. Mwaahirukunxa murimaanyu, nkoorweeleni ni nkivenxe vanipuroniwaya eyuumaanyu yoorikaxa erino iveela.

Ethupululo 3:3

Vano, muupuwelele yeeyo mwaakhenlaanyu ni mwiiwalaanyu. Mwiiwelele ni murukunxe murima. Mwaahivenyatho, nkirwe ntoko namwiiya, ni nyuwo khamurwa musuwela ehuhu heeni kineeraaka kirwe wa nyuwo.