Miteko 26:18 - Emakhuwa Bible

¹⁸ weera mwahule maithwaaya ni mwaatatuxe wa epiphi, waara. Aani, kinimoorumihani wa yaawo weera mwaavuluxe wa ikuru sa Satana ni weera emutthare Muluku, ni hiiho yaakhele elevelelo ya sootthekasaya ni nipuro vamoha ni yaawo atteelihiwe niwoko na nroromelo mwa Miyo.’

Miteko 26:18 Iomraidhean Croise

Icipo 119:18

Muhuleke maithwaaka weera koone sootikhiniha sa malamulowaanyu.

Icipo 146:8

ongwooniha oohoona; onaavenxa oomoroxiwa, Yave onaasivela atthu oororomeleya.

Yesaya 29:18

Nihuku nenenenno atthu oohiiwa animwiiwa masu a elivuru, ni mpiphini ni mmunttuusini maitho a atthu oohoona animoona.

Yesaya 32:3

Vano maitho a yaale anoona kheewaleyatho ni maaru a yaale aniiwa animwiiwa.

Yesaya 35:5

Vano maitho a oohoona anoohuleya ni maaru a oohiiwa animwiiwa.

Yesaya 42:16

Kinooweettiha oohoona mphironi ahisuwenlaaya; mphironi soohisuwanyeya kinooweettiha. Kinootatuxa epiphi waara ohoolowaya ni iphiro soothipeya kinoothatawaliha. Ti seiyo itthu kineeraaka kipake, ni Miyo nkaahiya.

Yesaya 42:7

weera muhule maitho a oohoona, mwaatapuxe ootthukiwa mukaliposo ni ngwoopole yaale ankhala mpiphini.

Yesaya 43:8

Muruuhe muloko orino maitho, mene ohoonaka; maaru, mene ohiiwaka.

Yesaya 49:6

Yave oneera: “Wa nyuwo khoonkwana okhala murumeiyaaka paahi weera mureherere ipuumba sa Yakobe ni mwaahokoloxe yaale a aYixrayeli kaathokoronraaka. Kinimootatuxanitho waara wa amalapo weera ovuluxawaka okwanele ekotenle elapo.”

Yesaya 9:2

Muloko weetta mpiphini waahoona waara otokotoko; waara waahaamwaleela yaale yaakhala mweelaponi ya munttuusi wa okhwa.

Malekiya 4:2

Vaheera wa nyuwosa munttittimiha Nsinanaka, nsuwa na ekhaikhai nnookhuma niruuhaka olama ngwaaranimwaya. Hiiho, nyuwosa munookhuma mutupheke ntoko aximombe oohuleliwa munikhoolani.

Matheyo 4:10

Yeesu aamwaakhula: “Osuse Satana! Niwoko yoolempwa: ‘Mwaalapeke Apwiya Mulukwaanyu, ni mwaarumeeleke Yaawo paahi.’”

Matheyo 4:16

Muloko wa atthu waakhala mpiphini waahoona waara otokotoko. Waara waahaarweela atthu yaakilaathiye wa elapo ya munttuusi wa okhwa.”

Luuka 1:77

nitho weera evahe muloko wa atthwaaya esuwelo ya ovuluxiwa ongwa niwoko na elevelelo ya sootthekasaya.

Luuka 1:79

weera aamwaleele yaale ari mpiphini ni mmunttuusini wa okhwa, ni weera aneettihe mphironi ya murettele.”

Luuka 2:32

waara weera waamwaleele amalapo ni wa ovuwa wa atthwaanyu aYixrayeli.”

Luuka 24:45

Vano Owo aahaahulela soowuupuwelasaya weera awo ewere wiiwexexa Yoolempwa*.

Luuka 24:47

nitho weera mwa Nsinanawe waatthuneya olaleiwa orukunxa murima wa miloko sootheene, okhuma oYerusaleemu, weera yaakhele elevelelo ya soottheka.

Luuka 4:18

“Munepa wa Apwiya ori ni Miyo, niwoko Owo wookittikitthela weera kaalaleere masu ooreeraxa atthu oohaawa. Owo wookirumiha weera kaalaleere otaphuliwa yaale ootthukiwa ni olama atthu oohoona, ni weera kaataphule atthu oopuheriwa.

Yohaane 17:17

Mwaatteelihe mwa ekhaikhai; maswaanyu ti ekhaikhai.

Yohaane 3:19

Nthorihelo ti nna: waara wohoowa vathi, mene atthu yaasivela epiphi ohiya waara niwoko mitekosaya saari soonanara.

Yohaane 4:10

Yeesu aamwaakhula: “Nyuwo mwaasuwenle yamahala ya Muluku ni taani onoovekelani maahi, mwaamumvekela maahi ni Owo aamoovahani maahi a okumi.”

Yohaane 4:14

Vaheera yoole ongwura maahi Miyo kinimvahaaka, kharwaru avoliwa ntthona. Ohiyanawaya, maahi kineeraaka kimvahe, eniithatuwe naattuuttu akhumiheraka maahi a okumi woohimala.”

Yohaane 8:12

Uulumakatho ni muloko wa atthu, Yeesu aaheera: “Miyo ti Waara wa elapo ya vathi. Yoowo onkitthara Miyo, kharwa eetta mpiphini, mene onookhalano waara wa okumi.”

Yohaane 9:39

Yeesu aamweerela: “Miyo kirweenle mweelaponimu othoriha: weera ahinoona yoone ni anoona ekhale oohoona.”

Yohaane 9:5

Miyo kireene mweelaponi, ti Waara wa elapo ya vathi.”

Miteko 10:43

Maprofeeti ootheene animukhalela onamoona Yoowo weera ootheene animuroromela Yoowo, animwaakhela elevelelo ya soottheka mwa Nsinanawe.”

Miteko 13:47

Vano, hiiho Apwiya aanilamulela yeeraka: ‘Miyo kohookhalihani waara wa amalapo, weera mukuxe ovuluwa mpaka ekotenle elapo.’”

Miteko 15:9

Owo khanipakenle nthalu hiyo ni yaawo, woonaka weera ootteeliha mirimasaya ni nroromelo.

Miteko 2:38

Pedru aawaakhula: “Murukunxeke mirimasanyu, ni mutthu ti mutthi a nyuwo apatisiweke mwa Nsina na Yeesu Kristu wa elevelelo ya sootthekasanyu, ni mmwaakhele mahala a Munepa Wootteela.

Miteko 20:21

Kaahaakhalela onamoona aYuda nitho aGrego weera ontthuneya awo erukunxele murimaaya wa Muluku ni eroromele mwa Apwiyaahu Yeesu.

Miteko 20:32

Vano miyo kinoovahererani wa Muluku ni wa masu a mahalaawe. Masu ala anoowera woopuhihani ni woovahani yoohiyeriwa* vamoha ni ootheene yaawo ari ootteelihiwa.

Miteko 26:19

Hiiho, mwene Agripa, nkaakhanle oohiiwelela moonelo wa wiirimu.

Miteko 26:23

weera Kristu aarwa ohaawa ni areene oopacera ovenyerera mookhwaani, aarwa olaleiya waara wa mulokwaawe muneenaawe ni wa amalapo.”

Miteko 3:19

Vano, murukunxe mirimasanyu ni muhokoleele wa Muluku weera sootthekasanyu sikhale soomalihiwa,

Miteko 5:31

Muluku aamvuwiha, amwiikaathiki moonowaawe mulopwana ntoko Mutokweene ni Mvuluxa, weera aavahe aYixrayeli orukunxa murima ni elevelelo ya soottheka.

aRooma 8:17

Nakhala anamwane, nri vano anamwaakhela a mahala a Muluku vamoha ni Kristu, hiyo nahaawa vekhaikhai vamoha ni Kristu weera nivuwihiwe vamohatho.

1 aKorinto 1:2

Wa ekerexa ya Muluku eri oKorinto; wa ootteelihiwa mwa Kristu, ni oowiitthaniwa weera ekhale ootteela, vamoha ni ootheene yaale aniitthana mipatta sootheene Nsina na Apwiyaahu Yeesu Kristu, Apwiyaaya ni awihu.

1 aKorinto 1:30

Mwa yeeyo, ti niwoko na Muluku nyuwo muraanyu mwa Kristu Yeesu, Yoowo othatungwe wa hiyo miruku sa Muluku, eyo tiiyo, waakhuleliwawahu, ntteelihonahu ni ovuluxiwawahu,

2 aKorinto 4:4

Muluku a ehuhu ela ohuumiha sowiiwexexa sa atthu oohiroromela, weera ehoone waara wa masu ooreeraxa a ovuwa wa Kristu, mwa Yoowo ori mukhalelo wa Muluku.

2 aKorinto 4:6

Muluku eenre “Mpiphini waare omwaleela,” Owo muneenaawe ohaara mmurimanimwahu weera onimwaleele waara wa osuwela wa ovuwa wa Muluku, onaara mukhoveni mwa Kristu.

2 aKorinto 6:14

Muhitthukeleliwe vamoha ni mukhwiinyu oohiroromela. Vano, wiiwananawaya heeni waakheliwa ni Muluku ni sootakhala? Hoye hoye wiiwanana heeni oraayano waara ni epiphi?

aGalata 2:20

Kookhomeliwa vamoha ni Kristu. Hiiho nkihiyono miyo kinkhala, mene aani Kristu okhanle mwa miyo. Okumi kinkhalaaka vaanaano mweerutthuni, kinkhala kimuroromelaka Mwaana a Muluku okisivenlaawe ni iixinnyerenraawe wa miyo.

aGalata 3:14

Aapakenle yeeyo weera, niwoko na Yoowo, nreeliho na Abrahaamu niphiyetho wa amalapo nitho weera hiyo naakhele munroromeloni yoororomelihiwa ya Munepa.

aGalata 3:2

Miyo kaatthuna osuwela etthu emoha paahi: Nyuwo mohaakhela Munepa ni miteko sa malamulo, hoye hoye niwoko mohaakhulela yeeyo mwiiwalaanyu?

awEfeso 1:11

Mwa Yoowo nithanliwe ehinaaye ehuhu mwaha wa soovaanela sa Yoowo ompaka itthu sootheene ntoko otthuna wa murimaawe

awEfeso 1:14

Owo ti ekhaikhai ya yeeyo nneeraahu naakhele mpaka ovuluxiwa wa yaale ari a Muluku, wa ovuwawawe ottottopeliwe.

awEfeso 1:18

Kimvekelatho weera maitho a murimaanyu ekhale oomwaleeleya weera musuwele oweherera mwa weiwo Owo owiitthanenlaaweni ni mihakhu sa yoohiyeraawe* yoovuwaxa Owo oovahenraaweni nyuwo ootteela,

awEfeso 1:7

Mwa Yoowo nookhalano ovuluxiwa niwoko na ephomaawe, nitho elevelelo ya sootthekasahu. Ti hiiho mihakhu sa mahala a Muluku,

awEfeso 2:8

Nyuwo moovuluxiwa niwoko na mahala, munroromeloni, ni iwo khoongwa wa nyuwo, ti yamahala ya Muluku,

awEfeso 4:18

Soowuupuwelasaya siri sooriipihiweene, ni awo aamwalamwaxiwa ni okumi wa Muluku niwoko na ohisuwela ori mwa yaawo onrweela wa wuuma mirimasaya.

awEfeso 5:11

Muhiiraaneke ni miteko sihiniima sa epiphi. Ohiyanawaya, moonihereke iyo ntoko sa epiphi.

awEfeso 5:14

niwoko waara ommwaleela itthu sootheene. Tivawo yeeriwaaya: “Muvenye, nyuwo munkona, muvenyerere mookhwaani, ni waara wa Kristu oniwoomwaleeleni.”

awEfeso 5:8

Vano, khalayeene mwaari epiphi, mene vano muri waara mwa Apwiya. Mweetteke ntoko anamwane a waara,

awEfeso 6:12

niwoko owanawahu khoohiyono ni erutthu, naari ephome, mene ni ikuru ni asitokweene a mmunepani, ni malamulelo a elapo ya vathi ela ya mpiphini, aani owanawahu ori ni minepa soonanara sa wiirimu.

2 Timootheyo 2:26

weera hiiho yuupuwelele nnenesene ni yoopowe mmuraakhoni wa Diyabu*, aatthunkaaya weera epake otthunawawe.

aHeberi 10:10

Mootthunani wu, nootteelihiwa niwoko na yooveleela ya erutthu ya Yeesu Kristu, evahiwe emaara emoha wa mahuku ootheene.

aHeberi 10:14

Vano, niwoko na yooveleela emoharu Owo ohaakwaneliha wa mahuku ootheene yaawo antteelihiwa.

aHeberi 11:6

Nihikhanle nroromelo, khoongwereya omusiveliha Muluku, niwoko yoowo ommwaattamela Muluku, ontthuneya ororomela weera Owo ookhala ni weera onnaatthuvela yaawo ammwaasaasa.

aHeberi 9:15

Tivawo, Kristu ti Namawera a wiiraana onyowani, weera yaawo aniitthaniwa ephwanye yoororomelihiwa ya yoohiyeriwa* yoohimala. Owo oowera wiiraanyiha weiwo, niwoko okhwenle elevelelo ya soottheka sipakiwe ehuhu ya wiiraanyiha woopacera.

Yakobe 2:5

Mwiiwe, axunnaka oosiveleya: Muluku khaathanlale oohaawa vamaithoni wa amalapo weera ekhale oopuha munroromeloni ni yaakhele yoohiyeriwa* ya omwene Owo aaroromelihalaawe yaawo animusivela Yoowo?

1 Pedru 1:4

Oonivahatho waakhela yeeyo yoohiriheya, yoohuntta ni yoohiphwateya, mwa yeeyo Owo onoothokororelani wiirimu, nyuwo

1 Pedru 2:25

Vano, nyuwo mwaari ntoko ikhondoolo soothweelela, mene vano moohokoleela wa Mukukhuli ni Mutokweene onkosoopa* okumaanyu.

1 Pedru 2:9

Wa soothesene, nyuwo muri ekhapira yoothanliwa, osaserdoti* wa emwene, muloko wootteela, muloko ori wa Muluku paahi, weera mulaleiye ikuru sa Yoole owiitthanneni nyuwo okhuma mpiphini mpaka waarawawe wootikhiniheya.

1 Yohaane 1:9

Vaheera nalapa sootthekasahu, Muluku ti oororomeleya ni oothoriha nnene – onoolevelela sootthekasahu ni onoonitteeliha sa sootakhala sootheene.

1 Yohaane 2:12

Anamwane, miyo kinoolepelani, niwoko sootthekasanyu sooleveleliwa niwoko na Nsina na Yeesu.

1 Yohaane 3:8

Yoole oneetta mootthekani ori a Diyabu*, niwoko Diyabu* oottheka okhuma ompacereroni. Vano, Mwaana a Muluku aarweenle weera aphwate miteko sa Diyabu*.

1 Yohaane 5:19

Noosuwela weera hiyo nri a Muluku, ni weera elapo ya vathi yootheene eri yoolamuliwa ni namatakhala.

Yuda 1:1

Ya Yuda, murumeiyi a Yeesu Kristu, ni munneiye Yakobe, wa yaawo yiitthaniwe, yaasiveliwe ni Muluku Atiithi ni yaakosoopiwe ni Yeesu Kristu:

Ethupululo 21:27

Mwa yeeyo kheerwa evolowa etthu yoohitteela, hata mukina ompaka etthu yoowuuliha muru, naari yoolokottha, mene paahi yaawo masinaaya alempwale mulivuruni ya okumi ya Eputtiputthi.