Miteko 21:24 - Emakhuwa Bible

²⁴ Mwaakuxe asilopwana ala ni mwiirapihe vamoha ni yaawo ni mwaalivele weera emetthe mayihi. Hiiho ootheene anoosuwela weera kheehiyono ekhaikhai yeeyo enghimmwa ya nyuwo, mene weera mumpwaherera wiiwelela nlamulo.

Miteko 21:24 Iomraidhean Croise

Yobi 1:5

Yaamalaaya ehuhu ya ifesta, Yobi aalamulela wiitthanasiwa ni aapakiha weera etteelihiwe. Annapeherera opaka sooveleela soohisa aweerelaka yaawosa, niwoko uupuwela: “Apaale anamwanaaka aampahula Muluku mpuwamwaya, emutthekelaka ni emulaphaka Yoowo.” Eyo yaari epakelo ya Yobi.

Yobi 41:25

Owo eemelaka, aweri anootondolowa; antthawa yoovaka oruma wa mikhittosawe.

Okhuma 19:10

Yave aamweerela Moisesi: “Murowe wa muloko ni mwatteelihe olelo ni omaalo. Awosa ecapeke soowarasaya

Okhuma 19:14

Moisesi akhuruwakaru vamwaako, aatteeliha muloko ni awo yaacapa soowarasaya.

Nuumeru 6:13

Eyo ti ekano ya muNaziri* yaamalaka ehuhu ya omwalamwalawawe: Owo aruuhiweke vamulako wa Eheema ya Muthukumano*.

Nuumeru 6:18

Woottharelana, muNaziri* amettheleke mayihi otteelihalaawe vamulako wa Eheema ya Muthukumano* ni avonyereke vamooroni ori vathi wa yooveleelela murettele.

Nuumeru 6:5

Mweehuhuni yootheene ya ororomelihawanyu omwalanyiha, muhimetthiweru. Mpaka omala ehuhu ya omwalamwaliheriwa Yave, owo akhaleke ootteelihiwa ni ahiyeke yunnuwaka mayihi a mmurumwawe.

Nuumeru 6:9

Mukina akhwa wootutuxereya vakhiviruwawe, hiiho avalihaka mayihi otteelihalaawe, owo amettheke mayihi mmahukuni mathannameeli – eyo tiiyo ehuhu ya otteelihiwawawe.

Yohaane 11:55

Ekhuveelaka ehuhu ya mPaska* a aYuda, atthu ancipale a elapo yeele yaarowa oYerusaleemu weera ekwanihere ikhovelelo sa orapiha ahinaaye mPaska*.

Yohaane 3:25

Waahaakhulaniwa akina oohusera a Yohaane ni muYuda mukina mwaha wa ekhovelelo ya orapiha.

Miteko 18:18

Pawulo aakhala oKorinto ehuhu ekina, ni vahoolowaya, aahaalaxera axunna ni aalapuwa munikulani arowaka oSiriya ahooliwaka ni Prisila ni Akila. Ahinaaye ovolowa munikulani, aamettha toko mayihaawe oKenkhreya niwoko na nlipelo aapankaawe.

Miteko 21:26

Oxaawaya Pawulo aahaakuxa asilopwana ale ni aahiirapiha vamoha ni yaale. Vahoolowaya aarowa Empa ya Muluku weera aaleele ehuhu orapiha eneeraaya ekwanihere ni nihuku nlivo nneeraaya nipakiwe wa mutthu ti mutthu.

Miteko 24:18

Kaapakaaka yeeyo, kirapihiweene, awo yaakiphwanya Mpaani mwa Muluku. Khaayaariwo atthu ancipale vamoha ni miyo, naari nkaapanke etthu yoonyakulihana.

1 aKorinto 9:20

Variyari wa aYuda kohiipaka ntoko muYuda weera kaawine aYuda. Kiri mweeraru miyo kihikhanle vathi wa nlamulo, wa yaawo ari vathi wa nlamulo kohiipaka ntoko kaakhanle vathitho, weera kaawine yaawo ari vathi wa nlamulo.

aGalata 2:12

Vano, ehinaaye ophiya akina wa Yakobe, owo aaca ni atthu oohikhala aYuda. Yaaphiyalaaya, aasusa ni aamwalamwala ni atthu oohikhala aYuda, awoovaka atthu oowiineliwa.

Ahooleli 13:5

niwoko munoorupala ni munoomuyara mwaana mulopwana. Mayihaawe ehimetthiwe, niwoko mmiravo anaakhale muNaziri* ootteeliheriwa Muluku okhuma oyariwawawe. Owo anaapacere waatapuxa aYixrayeli mmatatani mwa aFilisti.”