Miteko 21:11 - Emakhuwa Bible

¹¹ Akumanaka ni hiyo, aamukuxa laamba a Pawulo, ni atthukaka matataawe ni inaawosawe, aaheera: “Munepa Wootteela weenre hiiho: ‘Mooteene yoola, aYuda eniimutthuke muneene a laamba ola oYerusaleemu ni eniimvaherere wa amalapo.’”

Miteko 21:11 Iomraidhean Croise

1 Mamwene 22:11

Vano Zedekiya, mwaana mulopwana a Kenahana, aahiipakela manyaka a eyuuma, analaleiya: “Yave oneera ha: ‘Munimwaahomano manyaka ala awArami mpaka waamalamaliha.’ ”

Yesaya 20:2

vano ehuhuweene yeele Yave aahuuluma mwa Yesaya, mwaana mulopwana a Amozi. Owo aamweerela: “Murule isaakho ni ikwakwaattasanyu.” Vano aapaka yeeyo aneetta pwitipwiti woohikwakwaatta.

Yeremiya 19:1

Yave oneera ha: “Murowe ni mwathume mwaapu wa namoopa. Mwaakuxetho akina a asitokweene ni asaserdoti*

Hoxeya 12:10

Yoomeene kuuluma ni maprofeeti, kannaavaha nyoonelo sincipale, ni mwa yaawosa kuuluma mmaphwanaphwanihoni mancipale.”

Yohaane 18:1

Amalihaka ovekela, Yeesu aavenya vamoha ni oohuseraawe ni yaalapuwa vanxepani na Kedroni. Okhopela naakhalawo nttimbe na sooliveira* aavolongwaawe ni oohuseraawe.

Miteko 13:2

Yaalapaka Apwiya ni etthukaka, Munepa Wootteela waaweerela: “Mukimwalamwalihere Barnaba ni Sawuli wa muteko Miyo kiwiitthanenlaaka.”

Miteko 16:6

Pawulo ni asikhwaawe yaaheetta elapo ya oFrisiya ni oGalasiya, yooceelihiweene ni Munepa Wootteela olaleiya masu a Muluku elapo ya wAsiya.

Miteko 20:23

ohikhanle paahi weera musidadeni sootheene, Munepa Wootteela onnakooperera weera otthukiwa ni soohooxa sinookiweherera.

Miteko 21:33

Muhooleli aaphiya, anamutthuka ni analamulela weera owo atthukiwe ni onyooro miili. Vano aakoha weera owo aari taani ni aapanke eheeni.

Miteko 21:4

Naaphwanyaka oohusera weiwo, naakhala ni yaawo mahuku mathannameeli. Awo, mMunepani, yaamooperera Pawulo weera ahirowe oYerusaleemu.

Miteko 22:25

Emutthukaka yoowo weera awaxuliwe, Pawulo aamweerela kenturiyoni* aari weiwe: “Munnatthuniheriwa ongwaxula muRooma ahinaaye owo othorihiwa?”

Miteko 24:27

Siviraka iyaakha piili, Felisi aamwaakhela Porsiyo Festo ntoko namukalambaawe. Wa soothesene, atthunaka waasiveliha aYuda, Felisi aamuhiya Pawulo okaliposo.

Miteko 26:29

Pawulo aamwaakhula: “Hata mwa ehuhu ekhaani, naari yincipale, kinimuvekela Muluku weera khamuhiyono nyuwo paahi, menetho ootheene ankiiwa olelo ethatuwe ntoko miyo, ohiya onyooro ola.”

Miteko 28:17

Eviraka mahuku mararu, owo aawiitthana ahooleli a aYuda. Awo yaathukumanaaya, Pawulo aaweerela: “Axunnaka, kaari mweeraru kihipanke etthu yoonanara ni mulokwaahu, naari ni ikhovelelo sa makholowaahu, kaatthukiwa oYerusaleemu ni kaavahereriwa wa aRooma.

Miteko 28:20

Niwoko na yeeyo kaavekela weera kiwooneeni ni kuulume ni nyuwo. Miyo kootthukiwa ni onyooro ola niwoko na nroromelo na aYixrayeli.

Miteko 28:25

Waakhumelela ohiiwanana ni yaalaxera niwoko na masu ookisera ala Pawulo aahimalaawe: “Munepa Wootteela waawuulumela ekhaikhai makholowaanyu wuulumaka ni eyano ya mprofeeti Yesaya:

Miteko 8:29

Munepa waamweerela Filipe: “Mwaattamele ekaaro ele ni mweette ni yeeyo.”

Miteko 9:16

Miyo nkimoonihere sootheene owo aneeraawe ahaawe niwoko na Nsinanaka.”

awEfeso 3:1

Mwaha wa yeeyo, miyo Pawulo kiri ootthukiwa a Kristu Yeesu niwoko na woosivelani nyuwo amalapo.

awEfeso 4:1

Ntoko ootthukiwa mwa Apwiya, kinoodyoonttelelani weera mweettele mukhalelo woophwanelela wiitthaniwa mwaakhenlaanyu.

awEfeso 6:20

mwa yaawo kiri namutthenga ootthukiweene. Muvekele weera miyo kuulume ni olipa murima, ntoko ontthuneyaaya weera kipake.

1 Timootheyo 4:1

Vano Munepa oneera nnenesene weera ehuhu yookisera, akina eniihiye nroromelo ni eniitthare minepa soolokottha ni mahusiho a minepa soonanara.

2 Timootheyo 2:9

mwa yaawo kinghaawa mpaka kootthukiwa ni onyooro ntoko namatakhala. Wa soothesene, masu a Muluku khaatthukiwe.

aHeberi 10:34

Nyuwo mwaahaamorela ikharari yaawo yaari okaliposo, ni mwaahaakhulela ni ohakalala waakhiwa wa sooreelasanyu, niwoko mwaasuwela weera mookhalano sooreela sitokweene ni soohimala.

aHeberi 3:7

Mwa yeeyo, ntoko Munepa Wootteela oneera: “Olelo, nyuwo mwiiwa nsunawe,

1 Pedru 1:12

Muluku aawoonihera weera mutthenga yaalaleiyaaya, khawaahiyono wa asineenaaya, mene wa nyuwo. Awo yaahuuluma sa itthu nyuwo mwiiwalaanyu vaanaanova wa anamalaleiya a masu ooreeraxa, mwa yaawo yuulumale ni Munepa Wootteela orumihiwe wiirimu. Siri itthu mpaka andyelo antthunaxaaya osuwela.