Miteko 20:37 - Emakhuwa Bible

³⁷ Ootheene yaahiinla vancipale, ni emukhubaaraka, yaamubeeca.

Miteko 20:37 Iomraidhean Croise

Epacerero 45:14

Vano iinlaka, owo aamutuphela munneiye Benyamini anamukhubaara, ni Benyaminitho aamukhubaara, iinlaka.

Epacerero 46:29

Yoseefe aawela ekaaro, anarowa oGoxeni weera aakumaneno atithawe Yakobe. Akumanakaru ni atithawe, aatthimaka weera aakhubaare, ni aakhubaaraka yaawo, aahiinla vancipale apisaka omaala.

2 Samuweli 15:30

Vaheera Davide aapwaherera awelaka mwaako wa sooliveira*, iinlaka mphironimwawe, iikhunenleene mmuru ni ahiwanre ikwakwatta. Atthu ootheene yaari ni yoowo yaahiikhuneelatho mmuru, eniinla ewelaka vamwaako.

1 Mamwene 19:20

Elixa aahiya imombe, anamutthimakela Eliya, amweerelaka: “Mukihiye kaalaxera atithaka ni amayaka ni ebeecu ni vano kinimoohoolani.” Eliya aamwaakhula: “Muroweke. Koopankeni eheeni?”

2 Mamwene 20:3

“Ii! Yave, muupuwelele moota koorumeenlaakani ni ororomeleya ni murima wootheene. Koopaka yeeyo eri yooreera vamaithoniwanyu.” Ni Hizekiya aahiinla vancipalexa.

Ezera 10:1

Ezera avekelaka ni alapaka akokhonreene iinlaka ohoolo wa Empa ya Muluku, atthu ancipale a aYixrayeli – asilopwana, asithiyana ni amiravo – yaathukumana emurukureenreene. Awosatho yaahiinlaxa.

Yobi 2:12

Emoonaka ottai ottai, khayaamusuwelaru ni yaapacerasa omwiinlela ekhuwelaka. Khula mutthu a yaawosa aahaahula mukaadyowaawe, aniihela etthaya mmuru.

Icipo 126:5

Yaale anaala ni maithori, eniihephe ni wiipa wa ohakalala.

Luuka 15:20

Vahoolowaya, aavenya ni aarowa wa atithawe. Areene nlelo ottai, atiithi yaamoona ni yaasareya ni ikharari, enamutthimakela mwanaya, enamukhubaara, enamubeeca.

aRooma 16:16

Muulumihaneke mukina ni mukhwaawe ni ebeecu yootteela. Ikerexa sootheene sa Kristu sinoovahani isalaama.

1 aKorinto 16:20

Axunna ootheene anoovahani isalaama. Muulumihane ni ebeecu yootteela.

2 aKorinto 13:12

Muulumihaneke ni ebeecu yootteela.

1 aTesalonika 5:26

Ngwuulumihe axunna ootheene ni ebeecu yootteela.

2 Timootheyo 1:4

Kohuupuwelela maithoraawo, ni kinghaawela vancipale owoona weera ohakalalawaka okhale wookwanela.

Ethupululo 21:4

Owo anuukutthe mmaithonimwaaya maithori ootheene. Khoorwa okhala okhwa, hata olalamika, hata wiinla, naari ovoreiya, niwoko itthu soopacera soovira.

Ethupululo 7:17

niwoko Eputtiputthi eri eriyari ya ehice eniikhale Mukukhulaaya. Eyo eniweettihe wa anaattuuttu a maahi makumi. Ni Muluku anaawuukutthe mmaithonimwaya maithori ootheene.”

1 Samuweli 20:41

Apwahakaru mmiravo, Davide aahiithupululela mpatta wa ohitto wa nluku, anamuuramela Yonatani imaara tthaaru, ekhovaawe attittihaka vathi. Vano yaalaxerana ni ebeecu, yiinlasaka – ootepaxa wiinla aari Davide.