Miteko 20:32 - Emakhuwa Bible

³² Vano miyo kinoovahererani wa Muluku ni wa masu a mahalaawe. Masu ala anoowera woopuhihani ni woovahani yoohiyeriwa* vamoha ni ootheene yaawo ari ootteelihiwa.

Miteko 20:32 Iomraidhean Croise

Epacerero 50:24

Ahinaaye okhwa, Yoseefe aaweerela axunneiye: “Miyo kihanle vakhaani okhwa. Vekhaikhai, Muluku anookhavihereni ni anoovenxeni mweelaponi ela, ooronghakani elapo aamuroromelinghaawe ni nlipelo Abrahaamu, Isaki ni Yakobe.

Yeremiya 3:19

Miyo muneenaaka keenre: “Kaatthunaxa waapaka nnene ntoko ampakeliwaaya anamwane kaavahaka elapo yootthuneyaxa, yoohiyeriwa yooreerelaxa variyari wa miloko sootheene. Kuupuwela weera mwaankiitthana ‘Tiithi’ ni khamwaahiya okitthara.

Yeremiya 49:11

‘Mwaahiye akwaasunaanyu; Miyo kinimwaakosoopa. Asinaamukhwelaanyutho ekiroromele Miyo.’ ”

Marku 10:17

Yeesu eeraka avenye, mulopwana mmoha aamutthimakela Yoowo, anamukokhorela anamukoha: “Muhusiha ooreera, kipakeke eheeni weera kiphwanye okumi woohimala?”

Yohaane 15:3

Nyuwo mootteelihiwa niwoko na masu kooleelaakani.

Yohaane 17:17

Mwaatteelihe mwa ekhaikhai; maswaanyu ti ekhaikhai.

Miteko 11:23

Owo aphiyaka weiwo ni oonaka mahala a Muluku, aahakalala ni aahaalipihera weera ekhaleke oororomeleya wa Apwiya ni murima wootheene.

Miteko 14:23

Pawulo ni Barnaba yaahaathanla asitokweenaaya khula ekerexa. Emalihaka otthuka ni ovekela, yaahaavaherera mookosoopani wa Apwiya, mwa Yaawo awo yaaroromelaaya.

Miteko 14:26

wAtaliya yaalapuwa munikulani ehokoleelaka wAntiyokiya, weiwo yaavahereriwaaya mwa mahala a Muluku wa orummwa yaakwanihenraaya vano.

Miteko 14:3

Pawulo ni Barnaba yaakhalawo ehuhu yincipale, yuulumaka ni murima woolipa sa Apwiya, mwa Yaawo yaahaakhavihera epakaka ineneero ni sootikhiniha.

Miteko 15:40

mene Pawulo aamuthanla Sila ni, yaavahereriwa wa mahala a Apwiya ni mavekelo a axunna, enapwaha.

Miteko 20:24

Wa soothesene, nkimpwatthela, naari nkinoonelamo okumaaka etthu yoottittimeheyaxa wa miyo mwaneenaaka. Yoohaawelaaka emoharu eri omaliha otthimakawaka ni okwanihera muteko kaakhenlaaka wa Apwiya Yeesu, eyo tiiyo okhalela onamoona sa masu ooreeraxa a mahala a Muluku.

Miteko 26:18

weera mwahule maithwaaya ni mwaatatuxe wa epiphi, waara. Aani, kinimoorumihani wa yaawo weera mwaavuluxe wa ikuru sa Satana ni weera emutthare Muluku, ni hiiho yaakhele elevelelo ya sootthekasaya ni nipuro vamoha ni yaawo atteelihiwe niwoko na nroromelo mwa Miyo.’

Miteko 9:31

Ekerexa yaakhalano ehuhu ekina ya murettele oYudeiya, oGalileiya ni oSamariya wootheene. Eyo yaamwiipuhiha ni, elipihiweene ni Munepa Wootteela, yaandyeerereya atthu oororomela, yeettaka mowoovani Apwiya.

aRooma 8:17

Nakhala anamwane, nri vano anamwaakhela a mahala a Muluku vamoha ni Kristu, hiyo nahaawa vekhaikhai vamoha ni Kristu weera nivuwihiwe vamohatho.

1 aKorinto 1:2

Wa ekerexa ya Muluku eri oKorinto; wa ootteelihiwa mwa Kristu, ni oowiitthaniwa weera ekhale ootteela, vamoha ni ootheene yaale aniitthana mipatta sootheene Nsina na Apwiyaahu Yeesu Kristu, Apwiyaaya ni awihu.

1 aKorinto 6:10

hata anamwiiya, hata anamilili, hata anamawura, hata anamwaapa, naari alipa angwaakha itthu asikhwaaya kheerwa yaakhela omwene wa Muluku.

1 aKorinto 6:11

Hiiho yaari akina a nyuwo. Mene nyuwo moorapihiwa, mootteelihiwa, mohaakhuleliwa ni Muluku mwa Nsina na Apwiya Yeesu Kristu ni mwa Munepa wa Mulukwaahu.

1 aKorinto 6:9

Nyuwo khamusuwenle weera atakhali kheerwa yaakhela omwene wa Muluku? Muhiilokotthe! Hata alavilavi, hata anamalapela a miluku sikina, hata anamararuwa, hata yaawo ankonihana alopwanaru, hoye hoye athiyanaru, hata puuta mulopwana,

awEfeso 1:14

Owo ti ekhaikhai ya yeeyo nneeraahu naakhele mpaka ovuluxiwa wa yaale ari a Muluku, wa ovuwawawe ottottopeliwe.

awEfeso 1:18

Kimvekelatho weera maitho a murimaanyu ekhale oomwaleeleya weera musuwele oweherera mwa weiwo Owo owiitthanenlaaweni ni mihakhu sa yoohiyeraawe* yoovuwaxa Owo oovahenraaweni nyuwo ootteela,

awEfeso 4:12

Hiiho aatthuna waarehererela ootteela mutekwaaya, weera erutthu ya Kristu ekhale yoowunnuwihiwa,

awEfeso 4:16

Ti mwa Yoowo erutthu yootheene enkhalaaya yoolipeene, ekumanihiweene ni mikumano sootheene, ni enunnuwaaya, nitho eniipuhihaaya mwaneenaaya moosivelani, mipatta sootheene sivaraka mitekosaya.

awEfeso 5:5

Vano nyuwo musuweleke nnenesene yeeyo: Khaawo namahuureya, hata oohitteela, naari namwiinlela mihakhu (eyo tiiyo olapa miluku sikina) anaakhele omwene wa Kristu ni Muluku.

aKolosi 1:12

mwaatthapelaka Atiithi yoophwanelingheni waakhela okumi woohimala vamoha ni ootteela moomweneni wa waara.

aKolosi 2:7

muthipeliweene ni mupuhihiweene nnenesene mwa Yoowo, mulipihiweene munroromeloni, ntoko muxuttihiwaanyu, mwaattaka mootthapelani.

aKolosi 3:24

musuwelaka weera mmwaakhele wa Apwiya ntthuvelo na yoohiyeriwa*. Ti Kristu Apwiya nyuwo munimurumeelaanyu.

aHeberi 10:14

Vano, niwoko na yooveleela emoharu Owo ohaakwaneliha wa mahuku ootheene yaawo antteelihiwa.

aHeberi 13:9

Muhikuxiwe ni makhalelo a mahusiho ootheene oohiyanahiyana a amalapo. Ti wooreera weera murimaahu olipihiwe ni mahala, ohikhanle ni yooca, mwa yeeyo ehingwera waapuhiha yaawo anca.

aHeberi 2:11

Vano, Yoowo ontteeliha ni yaawo antteelihiwa, anrweela wa mmoha paahi. Tivawo Yeesu khanuuliwa muru woowiitthana axunneiye.

aHeberi 9:15

Tivawo, Kristu ti Namawera a wiiraana onyowani, weera yaawo aniitthaniwa ephwanye yoororomelihiwa ya yoohiyeriwa* yoohimala. Owo oowera wiiraanyiha weiwo, niwoko okhwenle elevelelo ya soottheka sipakiwe ehuhu ya wiiraanyiha woopacera.

Yuda 1:1

Ya Yuda, murumeiyi a Yeesu Kristu, ni munneiye Yakobe, wa yaawo yiitthaniwe, yaasiveliwe ni Muluku Atiithi ni yaakosoopiwe ni Yeesu Kristu:

Yuda 1:20

Wa soothesene, nyuwo, oosiveleya, mupwaherereke wunnuwa munroromelonimwanyu nootteelaxa, mvekelaka mwa Munepa Wootteela.