Miteko 2:43 - Emakhuwa Bible

⁴³ Ootheene yaasareya ni woova ni sootikhiniha, ni ineneero sincipale saapakiwa ni arummwa.

Miteko 2:43 Iomraidhean Croise

Exteri 8:17

Waakhala ohakalala variyari wa aYuda mweelaponi sootheene ni mmasidadeni sootheene mwemmo yaaphiyalaayamo ekano ya mwene. Atthu ancipale a miloko sikina sa moomweneni yaathatuwa aYuda, niwoko woopiha wa aYuda waahaatepelasa.

Yeremiya 33:9

Vano esidade ela enookivaha epili, ohakalala, ottottopela ni ovuwa, ohoolo wa miloko sootheene sa mulaponi sineera siiwe sa mipuha sootheene kimpakelaaka. Ni seiyo sinoosareya woova sithukumelaka niwoko na onnene otokotoko ni murettele kimvahaaka oYerusaleemu.’

Hoxeya 3:5

Vahoolowaya, aYixrayeli anoohokolowa, emwaaseke Yave, Mulukwaaya, ni Davide mwenaaya. Mmahukuni ookisera animoowa ethukumelaka vamaithoni wa Yave ni wa mareelihowaawe.

Marku 16:17

Ineneero iya sineera saahoole yaawo anroromela: Mwa Nsinanaka eniyeereke woomola minepa soonanara, wuuluma muulumo manyowani,

Luuka 7:16

Ootheene yaasareya ni woova ni yaamuttottopela Muluku. Awo yaaheera: “Mprofeeti Mutokweene oonikhumelela variyariwahu. Muluku aaxekura muloko wa atthwaawe.”

Luuka 8:37

Vano muloko wa atthu wootheene a elapo ya oGeraseno waamudyoonttelela Yeesu weera apwahe, niwoko waasareya woova. Owo aavolowa munikulani, anahokolowa.

Yohaane 14:12

Kinooleelani ekhaikhai weera yoole onkiroromela Miyo anaapaketho miteko Miyo kimpakaaka. Anaapake miteko soopwahaxa iya, niwoko Miyo kinkela wa Atiithi.

Miteko 2:22

aYixrayeli, mwiiwe masu ala: Muluku aamwaakhulela Yeesu a oNasarete vamaithoniwanyu niwoko na sootikhiniha, ikuru ni ineneero Muluku aapakaawe variyariwanyu mwaha wa Yeesu, ntoko nyuwo munsuwenlaanyu.

Miteko 4:33

Arummwa yannapwaherera ni ikuru sitokotoko okhalela onamoona mwaha wa ovenyerera wa Apwiya Yeesu, ni mahala matokweene yaari ni yaawo ootheene.

Miteko 5:5

Iiwakaru yeeyo, Ananiya aamorela vathi ni aahookhwa. Woova otokotoko wahaamorela yaawo ootheene yiiwale yeeyo yaakhumelenle.

Miteko 9:34

Pedru aamweerela: “Aneya, Yeesu Kristu onimoolamihani. Muvenye ni mureherere ebeettaanyu.” Owo aavenya woowaakuveya.

Miteko 9:40

Pedru aalamula weera ootheene ekhume mukwartuni mmwe. Vano aakokhora ni aavekela. Vahoolowaya, arukunuwelaka wa muthiyana ookhwa, aamweerela: “Tabita, muvenye!” Owo aahula maitho, ni amoonaka Pedru, aakilaathi.