Miteko 2:39 - Emakhuwa Bible

³⁹ Vano, yoororomelihiwa ela ti yawinyu, ya anamwanaanyu ni ya ootheene ari ottaiwene, ya ootheene yaawo Apwiya Mulukwaahu eneeraaya ewiitthane.”

Miteko 2:39 Iomraidhean Croise

Yesaya 44:3

Niwoko kinooyeehera maahi mulaponi mwa ntthona ni nyooloko vatthayani yoowuumaxa. Kinooyeehera Munepaaka mukhapiranimwanyu ni mareelihowaaka mwa anamwaniinyu.

Yesaya 54:13

Anamwaniinyu asilopwana ootheene anooxuttihiwa ni Yave ni murettele wa anamwaniinyu onuukhale mutokotoko.

Yesaya 57:19

kiwerihaka ottottopela vayanoni wa anamalalamika a oYixrayeli.” Yave oneera: “Murettele, murettele wa yaale ari ottai ni vakhiviru. Vano wa yaawo ni Miyo kinimwaalamiha.”

Yesaya 59:19

Okhuma ninkela nsuwa atthu animoova Nsina na Yave ni okhuma ninkhuma nsuwa onoottittimiha ovuwawawe. Vano Owo onimoowa ntoko mirupi soowoopihaxa seettihiwaka ni iphumu sa Yave.

Yesaya 59:20

“Mvuluxa onimoowa wa oSiyoni, wa yaale a Yakobe anrukunxa murima mwa sootthekasaya,” onghima Yave.

Yesaya 65:23

Awosa kheevara muteko wa siiyo, hata khayaayara anamwane weera ethananiheye. Vano awosa anookhala muloko wooreelihiwa ni Yave, awosa vamoha ni ikhapirasaya.

Ezekiyeli 37:25

Eniikhalase mulaponi kimvanghaaka murumeiyaaka Yakobe, elapoweene yeeyo yaakhalaaya makholowaaya. Awosa vamoha ni anamwanaaya, mpakatho osuulwaaya eniikhalewo wa mahuku ootheene, ni murumeiyaaka Davide onookhala mwaana a emwenaaya wa mahuku ootheene.

Yoweli 2:28

“Vahoolowaya nkaayehere Munepaaka atthu ootheene. Anamwaniinyu asilopwana ni asithiyana eniithalihere otthuna wa Muluku, anamuuluvalaanyu eniilohe ni amiravowaanyu eniikhaleno nyoonelo.

Yoweli 2:32

Ootheene eneera yiitthane Nsina na Yave eniivuluxiwe, niwoko vamwaako Siyoni ni oYerusaleemu onuukhale woopoliwa, ntoko Yave aaroromelinghaawe wa yaawo eniihale ni okumi ni wa yaawo aneeraawe awiitthane.”

Miteko 10:45

aYuda aKristu yaarwiiye ni Pedru yaatikhina weera yamahala ya Munepa Wootteela yiittheliwe mpaka wa amalapo,

Miteko 14:27

Ephiyaka weiwo, yaathukumana vamoha ni ekerexa, ni yaahaathalihera sootheene Muluku aapakaawe mmatatanimwaya, ni moota aahulenlaawe amalapo mulako wa nroromelo.

Miteko 15:14

Simeyoni oonithalihera moota Muluku uupuwenlaawe okhuma ompacereroni, othukumanya muloko eriyari ya amalapo mwa Nsinanawe.

Miteko 15:3

Ekerexa yaahaarumiha ni eviraka oFenisiya ni oSamariya, yaahaathalihera akristu a weiwo moota amalapo yaarukunxalaaya mirimasaya. Ihaali iye saahaahakalaliha vancipale axunna ootheene.

Miteko 15:8

Muluku onsuwela murima aahoonihera weera Owo aawaakhulela amalapo, aavahaka Munepa Wootteela ntoko aanivanghaawe khalayi.

aRooma 11:29

Samahala ni wiitthana wa Muluku ti woohivirikanyiheya.

aRooma 8:30

Yaawo Owo aathanlalaawe okhuma khalayi, oowiitthanatho, ni yaawo aawiitthannaawe, oowaakhulelatho, ni yaawo owaakhulenlaawe, oohaavuwihatho.

aRooma 9:24

Vano hiyo nri a nyaapu iya, hiyo Muluku oniitthannaawe, ohikhanle paahi wa aYuda, menetho wa amalapo.

aRooma 9:4

muloko wa oYixrayeli. Waakhuleliwa ntoko anamwane ti wawaya; ovuwa wa wiirimu ti wawaya. Soowiiraanyiha, waakhuleliwa wa nlamulo, olapa Mpaani mwa Muluku, ni soororomelihiwa – sootheene siri sawaya.

1 aKorinto 7:14

niwoko iyawe oohiroromela ti ootteelihiwa niwoko na mwaariye, ni mwaariye oohiroromela ti ootteelihiwa niwoko na iyawe. Wahaakhanle hiiho, anamwaniinyu yaakhala oohitteela, mene vano ootteela.

awEfeso 1:18

Kimvekelatho weera maitho a murimaanyu ekhale oomwaleeleya weera musuwele oweherera mwa weiwo Owo owiitthanenlaaweni ni mihakhu sa yoohiyeraawe* yoovuwaxa Owo oovahenraaweni nyuwo ootteela,

awEfeso 2:12

Muupuweleketho weera ehuhuweene yeele khamwaakhanleno Kristu, mmwalamwalihiweene ni muloko wa aYixrayeli, mureene anamarwa mwaha wa wiiraana wa yoororomelihiwa, khamwaakhanlenotho oweherera etthu, naari Muluku mweelaponimu.

awEfeso 4:4

Yookhala erutthu emoharu ni ori Munepa mmoharu paahi, mooteene yoowo ntoko nyuwo mwiitthaniwaanyu mwa nroromelo nimoha paahi,

Deuteronomiyo 29:15

muri va ni hiyo vamaithoni wa Yave Mulukwaahu, menetho yaawo ahikhanle ni hiyo va olelo.

2 aTesalonika 1:11

Nuupuwelaka yeeyo, ninnavekela woohihiyerera wa nyuwo, weera Muluku oophwaneliheni wiitthaniwawanyu, ni akwanihere ni ikuru soohaawelasanyu sooreera sootheene ni miteko sootheene sa nroromelonanyu.

2 Timootheyo 1:9

Muluku Owo oonivuluxa ni ooniitthana ni wiitthana wootteela, khoohiyono niwoko na itthu hiyo naapankaahu, mene niwoko na olakelawawe ni mahalaawe mwaneenaawe. Mahala awo nivahiwe mwa Kristu Yeesu ehinaaye opacera ehuhu,

aHeberi 3:1

Tivawo, axunna ootteela, nyuwo muri a wiitthana wa wiirimu, mmuupuwelele nnenesene Yeesu ori Murummwa ni Mutokweenexa a asaserdoti* nnimulapaahu.

aHeberi 9:15

Tivawo, Kristu ti Namawera a wiiraana onyowani, weera yaawo aniitthaniwa ephwanye yoororomelihiwa ya yoohiyeriwa* yoohimala. Owo oowera wiiraanyiha weiwo, niwoko okhwenle elevelelo ya soottheka sipakiwe ehuhu ya wiiraanyiha woopacera.

1 Pedru 5:10

Vahoolo woohaawa ehuhu vakhaani, Muluku a mahala ootheene, mwa Yoowo owiitthanenleni ovuwawawe woohimala mwa Kristu Yeesu, anookwaneliheni, anookhaliheni, anoolipiheni ni anaaweemexeni.

2 Pedru 1:10

Tivawo, axunna, mwiilipihere weera mukhale oolipa mwa wiitthanawanyu ni othanlawanyu, niwoko mweettela mweetteloweene yoowo, khamurwa mukwattuliwatho.

2 Pedru 1:3

Itthu sootheene ninghaawelaahu wa okumi ni murima wa omuluku noovahiwa ni ikuru sa Muluku, nimusuwelaka Yoowo oniitthanenle ovuwa ni oreera murima.

Ethupululo 17:14

Eniiwane ni Eputtiputthi, mene Eputtiputthi eniiwine, niwoko eri Apwiya a asipwiiya ni Mwene a mamwene ni oowiitthaniwaaya, oothanliwaaya ni oororomeleyaaya eniikhale vamoha ni Eyo.”

Ethupululo 19:9

Ndyelo aakeerela: “Mulepe: Ooreelihiwa ti oowiitthaneliwa efesta ya othelana wa Eputtiputthi.” Aaheeratho: “Ala ti masu a ekhaikhai a Muluku.”